呢個靚妹叫阿Rain，張相係佢2002年8月24日上舖頭挾持左果隻成日俾果個「街坊裝傻仔」昆左上九龍城龍珠108 TRHK、叫Marco之狗仔影既。 佢點睇都唔應該係TRHK出現既，因為理論上TRHK係滿足唔到佢既！佢細我四年但係就聽野聽多我三年，仲要聽埋晒後搖滾呀電子野呀果ｄ 正常黎講係TRHK唔會搵得到之音樂，所以我都唔明佢上黎做乜，次次上到黎聽一大輪又話「我都唔聽Metal既！」跟住乜都唔買就走左去！ 佢都可以算係呢個「MK-Era TRHK消費模式」之創始人喇！

一個噉既妹妹仔原來聽左咁耐呢ｄ我都話唔知咩黎之音樂已經神奇，但係更神奇就係佢係TRHK之外居然又會同我有另一個連繫 － 原來阿明 （好明顯係講緊教院果個）個細妹係佢同學！話說零二年年初一阿明上過黎舖頭探我之後話返俾佢細妹知「我有個同學做CD舖架！」跟住佢細妹 又話左俾阿Rain知呢樣野，跟住佢就上門同我「相認」喇！至於點解阿明細妹點解會咁口痕話俾阿Rain知有我呢條友存在呢？又係因為我！又要 話說返當年之年初一，因為阿明剛剛過左生日冇耐就送左Slipknot隻Live DVD俾佢做生日禮物。佢拎左返屋企之後佢細妹都睇上癮，跟住同阿Rain 講「呢隻正呀！」就借左俾佢。阿Rain睇完之後又話「呢隻正呀！」連review都寫埋，亦因為呢樣野佢就知道左「教院入邊有個人係TRHK做」 呢樣野。係呀係因為我你先可以睇Slipknot睇得咁開心呀記得多謝我呀！

而家佢開始教壞阿明細妹，有次上阿明間房聽佢播Post-Rock野真係嚇Ｑ死！點解呢個阿Rain好地地一個妹妹仔會聽埋晒呢ｄ野？相信呢個會 係一個不解之謎，就好似阿明細妹話齋：