今年完了，Yahoo Blog收皮了，我已經冇野講了，要屌，之前已經屌晒。可能就係屌得太多所以俾Yahoo玩，幾個月前「輕鬆搬家」功能一開始，立即將呢八年黎三千幾篇文download晒落黎，但係第一日搞到而家正式執笠一日，用晒搵得到所有方法，就係轉唔到格式搬去Blogspot，成幾千篇文咁大規模，仲要當中好多互相link黎link去，你唔俾我成舊野掟上去，咪即係叫我同你一樣收皮算數？2013年拳擊日拆第一份禮物，就係Yahoo一聲唔該令我咁大個文庫眨下眼就唔見晒，最大遺憾當然係從此高登每逢有巴打開post講午餐肉，必定會同陶傑抽水文一齊出現之劉Sir death metal式鋸爆午餐肉潮文，一向係靠Yahoo Blog條link做宣傳，而家YB一死，呢篇令我同陶傑齊名之潮文當堂變晒死link，要Blogger果邊出返篇新文重新出發。「輕鬆搬家」喎，我鬆你老母啦Yahoo。