Dead Trigger 1.0其實相當完美，唯二不滿係正關只開到第二版非洲，同埋新系統實在太太太貪錢，全部野拆到有幾細得幾細跟住逐項問你要錢，冇左第一集「玩家俾唔俾錢玩都可以玩得開開心心」種使命感。但以完成度黎講1.0真係超晒班，不過Madfinger班友見都係賺得唔夠多就patch返幾野，主要為「平衡」，即係破壞平衡，將喪屍整到有幾勁得幾勁，當連一隻卒仔食火箭炮食到應一應都可以唔死，就即係之前你買武器同升級堆錢幾乎變晒垃圾，同重新開始由level 1從頭玩過冇咩分別，想過關請繼續努力搵錢或者俾真錢Madfinger啦唔該。呢樣我都算，1.0明明好順冇乜錯漏，點解patch完之後反而可以又lag又多bug到癲？bug到一個地步係，呢張圖，有玩Dead Trigger 2的朋友，不解釋，你懂的。

不過，挑，我咪又係同反無記班文青一樣，一面屌一面玩，「罷玩」一晚取得「階段性勝利」之後繼續死煲爛煲，哈。