這就是麥記派包日，劉Sir老豆老母見到呢個不肖子居然會五點幾起身落街拎兩個免費煙肉蛋上黎孝敬佢地老人家，打開用黎包住個包份《爽報》見到之後以為食飽就要上路嚇鬼死個頭條。而家先知道原來地產商起親新樓／豪宅改名一定要十足戲名同online game名一樣咁on9係有苦衷，因為無論發生咩大件事只要前面加個霸氣四字詞立即扭轉氣勢，有時仲可以令住客走得體面：

「佢點樣出事架？」

「君臨！！！天下！！！　我意思係跳樓」

走都走得多麼epic。難怪而家係唔係有錢人都要買豪宅。幾時有人起返棟陷家富貴呀，貴一貴我都買呀。