雖然而家好少打機，有時無聊心癮起或手痕都會落去機舖玩兩手，搵部幾百合一幾蚊雞打返舖Final Fight同吞食天地不知幾開心，坐嘈怨巴閉機舖渣住碌棍對住大大個螢幕玩果種感覺，電話、PC模擬器同家用機永遠俾唔到你。雖然傳統機舖一早俾網吧打殘，好開心我屋企五分鐘路程之內仲有三間，不過都有一排冇落，因為未俾網吧收皮死淨果班，都不得不轉型開始做賽馬機老虎機之類賭博game先頂到落去。最近經過以前去開果間，企門口已經冇心機入，因為成間機舖變到賭場噉款，一部正常遊戲機都搵唔到。

而家仲邊度搵得到真係有機打的細機舖？