估唔到我個Youtube Channel可以靠謝安琪搵食。話說幾日前收到Youtube email，話我有條片好多人睇，邀請我同佢地拍住上齊齊搵銀。唔使問都知係講年頭謝安琪演唱會encore《你們的幸福》條片。老實講我諗都未諗過會收到呢封email，開左account咁多年以黎upload過幾多條片丫，而且全部加埋都唔夠已過萬人睇過的《你們的幸福》一半，唔通你以為劉Sir上亞視同你講metal會有人睇咩。

好多人問過，點解唔講番場演唱會？其實一直等佢出碟，打算一次過回顧live同DVD，但半年約都解埋仍然冇消息睇黎機會渺茫，而隔左咁耐加遇上Diablo，搞到個人都懶晒。回顧總會有，問題係幾時嗟，而家，睇片算啦。

Bouns Track：劉Sir上亞視同各位同學講解甚麼是metal a.k.a. 「最初導演話雖然節目主持係朱慧珊，佢會搵亞視冠軍黎做訪問，等劉Sir鬼死咁開心諗住可以見到呂晶晶真人，去到現場先發現，嗚呀」