好在去得到，如果錯過Eatliz，肯定好後悔。俾MV昆左，原來live／舊歌全部恆到爆（話就話art rock，結他佬手riff & solo同metal有乜分別？），單音樂已經贏晒，加埋囡囡更加冇得輸，同成隊band齊齊跳晒跪晒fing晒，要型又得，要cute又得，一面表演一面除衫亦得，對我黎講好睇過低B又煩又得個淫字(but I like)的K-Pop。

雖然屬普遍亞洲女性高眺瘦削身型，不過冇上都有下，仲要有後，同一套衫有幾多港女著得出韻味，再者冇幾可見過女人會覺得紋左身仲靚。成日話台灣多美好，去一轉歐洲之後歐洲多美好，而家要加多句中東多美好。其實基本上只要唔係香港都美好。

「正！幾時再有band show有囡囡目及呢？」

「22/4刺蝟都有女喎！」

「係？必睇！」

between，因為有點相似，見到Lee Triffon就令我諗起佢，學完聲學唱歌劇之後拎枝七線結他玩metal的挪威女唱作人The Commander-In-Chief：

歌、彈、唱皆麻麻（cover《Paranoid》已算好，自己歌呢真係．．．），但人地音樂唔得都起碼睇得同型得起，同不論你受唔受都會全心全意扮演自已建立角色（這就是歐洲金屬精神：無論點7點on9、即使去到一個自己都知甚至頂唔順地步，仍會100%投入，所以有時就算唔笑唔得，都不得不佩服佢地份堅持同專業態度）（另，按官方指引，The Commander-In-Chief全寫係包括最後上標字型的TM，此乃另一笑點）。不得不再一次講句，（請填任何一個香港以外歐亞地名）真美好。