【本報訊】2010年8月12日下午5時30分，內地來港旅遊的失業男子，在旺角逛街期間與妹妹因失業問題爭執後情緒失控，沿棚架攀上大廈外牆，高呼「我走投無路，我要見中央電視台記者．．．」 警方將一段亞皆老街封閉，車龍一度延至九龍城，事件擾攘近 4小時。

現場一名中國籍長髮男子接受訪問，表示「平日放工，大角咀上巴士，穿過成條旺角道入西洋菜街最多一個字，綠燈加冇車一分鐘就得，通常半個鐘一定返到九龍城屋企。點知今日單走旺角道已經用左半個鐘，轉到入西洋菜街，短旺角道一半，照樣塞差唔多半個鐘。出到亞皆老街，先知道原來有人跳樓，為左佢出旺角行車線封晒黎開氣墊。」

「封左半條亞皆老街，全部車要改道走洗衣街，我旺角出九龍城方向一樣有影響，因為撞正放工時間，要讓路俾隔籬線十幾架巴士改路先走，結果落車已經七點幾坐左個幾鐘，行路返屋企都唔使咁耐。如果坐冷氣巴大塞車咪當訓覺囉，但選著大熱天時我上左架熱狗巴，先黎封路、先要旺角塞成個鐘車，兄弟真係多謝晒。」

「條友識唔識跳樓架？擒棚架擒到上四五樓就算，仲要俾時間人地開埋安全氣墊，跳落去有幾傷呀？真係有誠意去死，擒高多十層樓啦唔該。」

「仲話想見中央台記者，佢梗係唔知道中央電視台香港分部即係CCTVB。人地一早追隨中央路線，政治正確地河蟹左段新聞，成單野唔多報導求祈提提就算數啦，以為以死相逼就會訪問你？你死你事咋傻仔。真係要出鏡，可能要你真係跳左落黎死左，到時或者先補多幾個街景鏡頭講多幾句。」

「全年最熱幾日，揀全日最繁忙時段，去香港最多人多車最重要中樞地點跳樓，條友肯定名垂千古。仲要係大陸人，自由行黎香港旅行順便跳樓都做得出，各位香港人又有大把位入佢同其他強國同胞。今次無論香港人定內地人都多得佢唔少。」