自從半個月前搞掂燈展，一路忙跟客日日做餐死，禮拜一上廠朝七晚七返到屋企十點半，晏晝工廠食飯，電視午間新聞播緊墨西哥爆豬流感傳到去美國加拿大同西班牙，檯面放住大大煲豬腳薑，隔籬仲有碟時菜炒豬肉，食到心驚膽跳。返到香港又見客，知死之餘難得個鬼佬客話要食麥當奴，即時怒叫麥記，食雞。

近來收到麥記外賣紙，買滿$60免費送貨，連自己行都慳番，其實班客只叫兩個包餐咁大把，不過經會計靚女整一整，多左難以計算地多的麥樂雞同雞翼，唔好以為好貴，如果跟張外賣紙打去中央系統落單，個價會貴最少三十幾，我地自己打去最近間麥當奴落單，咁大餐先至一百六十幾，仲要半個鐘唔使送到。基本上係班友開公數幫自己加送，因為ｄ客食完包求祈開盒麥樂雞趙幾件就算，是日下午茶異常豐富。開會時冇食，開完執好入pantry，做完野入去望望，雞冇晒，連杯汽水都冇埋得番薯條，結果始作佣者我冇雞食，人人唔食的兩包薯條我啃，超灰。俾番杯汽水我都好丫。

「早知唔叫雞，全部錢拎晒黎叫豬柳漢堡，仲要墨西哥豬肉，睇你地仲食唔食！」