《真．麻甩佬分類指南》
衣櫃入邊ｄ衫唔會超過兩個款，同時亦只得純色同格仔兩種花
生活超級簡單，只包括返工／學、上舖頭、夾band、聽歌、練歌、上網、食飯、訓覺
戲、電視、收音機同流行曲接近完全唔睇唔聽
聽到Rock同Metal音樂會不自覺點頭／Fing頭／郁手郁勢
可以異常沉默就算對住熟人都唔多講野
除左返工／學、夾band同行CD舖之外差唔多唔會出街；旺角除左band房之外只會去信和地庫同皆旺
收入超過一半都係花係音樂方面
冇乜社交活動，有都只係同其他麻甩佬「社交」；社交過程可以有八成時間處於緘默狀態
社交圈子內女性數目接近零
梗係單身啦仲使問咩！
如果你符合唔到以上十項當中最少八項（尤其是第十項），
恭喜你你已經脫離麻甩佬之列。
如果你唔係麻甩佬而仲係單身的話，
你絕對唔使擔心會冇女，
因為女你實會有問題只係幾時有！
此分類指南已經成為無數麻甩佬之ICQ Info，
包括TRHK仝人。希望你唔會係下一個！
如果真係咁唔好彩，
"Welcome to the TRHK Girlless Clan!"