是次版罪，由黃冷里提供PS2乙部。
「帶埋部機上TRHK打，點做生意？」
「．．．乜而家TRHK仲有生意咩？」

砌好部機，我地冷爺十分無奈．．．
「咁多年都唔多覺，原來TRHK部電視細得咁離奇！」
對於玩慣幾十寸大電視的朋友黎講，皆旺呢部仲細過電腦芒、
由九龍城時代用到而家之十幾寸電視機仔，夠晒挑戰性。

跟住到選手阿皓到場，同heylook a.k.a.阿捷黎一場預賽。
賽果，大家都估到：咱們的無能用者俾人大炒（最少）七球噉遮。

然後係kc10815 a.k.a.沙包瘋，以其自製沙包瘋同學隊對黃冷里TRHK隊。
TRHK隊，忠於現實，所有TRHK成員都係廢人，指數低、能力弱，
帶波時開埋turbo先及得上人地普通步速，全隊都廢的，特別係守龍門叫劉Sir果個。
好在，沙包瘋同學隊都不惶多讓。

激戰連場，但係兩者實力海軍鬥水兵，最後十二碼分勝負。

「入呀！Yeah！！！」
「灰呀！輸俾冷爺，此生一大恥辱也！」

「好啦阿冷！就頒ｄ獎品你啦！」
以上提子汁同憎憎薯片，就係本次版聚大會指定食品。
五分鐘內，全部消失。請多謝大老細107。

「睇你班白痴仔陣間都係俾我炒架喇！同我玩Winning？
請你地食野當安慰你地又點話！」

「收皮啦你107！」

跟住一連兩場，先黎阿皓對Ayaya，再黎Ayaya對黃冷里，
兩場都好悶，今日完全冇球賽氣氛。
至於大會贊助商黃冷里，成世人打Winning只得兩招，一攻一守：
攻，係低線直入角位傳中再射；守，係人地射門果時，start掣停機。
即時紅牌出局。

「廢就係廢！始終都係要劉Sir親自出馬！」
就到今晚壓軸冠軍賽：劉Sir對heylook，兩大Winning廢人對決！
「今晚大家上到黎，都係為左呢一刻！」

「TRHK隊69號、鋼龍劉Sir，出擊！」

「你地個個都話TRHK隊廢，係你班友唔識用遮！
睇我點樣TRHK主場怒炒你地！」

一個玩Winning就係為左俾人怒炒，一個幾十年黎真足球都冇乜掂過成世人第一次打Winning，
單係選手號召力已經吸引到全港七百萬人注目！
「我從未見過人打Winning可以打得咁柒！
為睇兩條傻仔對決，要我冒住紅雨出黎都值得！」
在場所有罪人皆屏息靜氣，細心觀賞呢場世紀之戰！
經過無數次接左波之後企係度唔郁等人搶波、接到波立即大腳踢出界「解圍」、
見人就剷當正熱血足球噉玩法、TRHK隊個龍門劉Sir仲親身帶波出馬進攻，終於有番睇頭！

TRHK隊10號Soni單人匹馬帶波突入，龍門前傳中俾7號Henry，跟住Henry大腳抽射，
可惜被龍門僥倖撲出，未能破蛋！
「睇左咁耐！終於有一球似樣、似識踢波喇！」
冷爺都興奮得高舉se柒en手勢祝賀！

好可惜，全場就係只此一球似樣、似踢波，其餘99.9%都係on99。十二碼分勝負，大家預期之內。
想知咩叫傻仔？睇睇就知。傻仔射龍門，只有兩個結果：
一係射果隊直射傳波俾對方個龍門，一係守果邊郁都唔郁企定睇住人地射波死角入網。
見唔見到在場各位罪人對住部電視同兩條友，幾咁無可奈何？

緊張關頭劉Sir係領先一球的情況下，最後一球，居然失左！
當堂灰晒，最後一球連龍都唔守，持放棄態度。
不過大家都唔怪佢，咁頹先似劉Sir，佢真係的起心肝去守龍大家先驚！

賽果係？請大家睇睇選手heylook的欲哭無淚，同觀眾阿皓的驚訝莫名。
劉Sir已經講到明龍都廢鬼事守，真係一個掣就入硬。
點知，炒粉。難怪各位朋友會有以上表情。
而劉Sir一個唔好意思就頹有頹贏，贏左都唔知咩事。

「劉Sir！同你同隊咁多年，守得最靚都係今次！」
TRHK隊一眾隊員，飛撲擁抱劉Sir。
全靠劉Sir，TRHK隊不負眾望，力保主場不失勇奪今次版罪 Winning Ele柒en冠軍。

「等你仲話劉Sir廢！做埋MVP添呀我！係你地唔識用TRHK隊遮！」
可惜大家冇在場，睇唔到劉Sir點樣撲出多球heylook隊攻門，
睇唔到佢點樣威過健威自己龍帶波扭到去人地龍、睇唔到最後一球十二碼果野世紀不動救球，
睇過，你都會明白何解劉Sir會係是日MVP＆成為劉Sir fans一份子。（旋到劉Sir個論登記唔該）
至於全場最劣球員，睇睇TRHK隊17號就知！
「Ayaya，我真係冇讚錯你！廢就係廢！」