Frankfurt Freewalk 2011
Episode 10
2.4法蘭克福自由行．亂行篇
Episode 3：1.28-2.1之做乜鬼野展覽丫落吧蒲去睇show才是王道
4/2/2011 FRI 法蘭克福
在德國的最後一天，我的計劃就是，沒有計劃。同琴日科隆一樣，買份地圖篤篤篤，見邊度好似幾靚幾好玩幾得意，就走過去八八。唔似前兩日晨咁早趕火車，可以八九點先起身慢慢磨，嘆埋酒店自助早餐先出發。
話晒一晚房租55歐羅，計埋紙水六舊港紙又唔算好住，梗要食番夠本啦。好在早餐真不錯，典型鬼式少不免德國特產煙肉腸仔（好可惜冇漢堡扒（早餐都要漢堡扒咁heavy大貪得滯喎）），食完兩大碟，加多兩碗粟米片，再飲多杯奶先收檔，一餐早餐食到飽頂埋晏晝。入鄉隨俗，每次食完都會自己執好刀叉碗碟，本地食肆文化係食完自己執野，雖然酒店有侍應收碟，慣左自己執就冇乜所謂，同做足門面工夫執好手尾，佢地先冇聲出冇得小我食咁多嘛。
食埋早餐十點，出門口了。動物園當然要去，仲有睇博物館。我比較鍾意噉樣漫無目的地四圍撞搵驚喜。
早排火車站亂行，見到旅客中心宣傳緊張Frankfurt Card，一卡傍身立即全城通行，搭普通交通工具唔使錢免費去機場都得，去動物園博物館有半價，仲有好多舖頭同餐廳有得拎折頭（雖然呢樣我完全用唔著），兩日票先十三蚊冇理由唔買，單聽日搭火車出機場已經十歐羅啦，之外只要用一次已經賺左。黎法蘭克福玩，Frankfurt Card不可不備。
這是第一站，哥德故居博物館。
張飛幾靚，後面係博物館地圖夠實用。會黎睇，兩個原因：位處市區中心，最近。同，哥德個名。點知，黎到先發現伏已中，原來Goethe不等同於Gothic．．．
全場最可觀，係頂樓呢座鐘，相傳已經過百年歷史（好似三百年，唔記得左），今時今日仍然運作如常報時準確，當然唔理佢歷史本身都好靚啦。唔知太早定好多人同我一樣冇乜興趣，走晒成棟樓，主要得一個大學教授帶左班學生黎考察，其他得幾個人。唔怪得唔出卡都只收五歐羅咁平啦。
行完唯一得著係發現哥德原來一點也不哥德，但佢故居好處係位處市中心地帶夠方便。下一間博物館只係附近，行去中途經過大廣場，可能天氣暖左，好多雀仔飛黎搵食。望望周圍發現，原來黎到法蘭克福咁多日，來來去去我一直徘徊於名店街一帶．．．
按地圖所講，呢個位置有間博物館。但黎到點睇都唔似，格局似餐館多，乜招牌都冇又冇開到門，走左成個圈都唔知到底間野咩黎。死，今日博物館之旅睇黎出師未捷。
唔覺唔覺又走番黎保羅大教堂，可惜這最後一日完全唔凍，暖晒搞到冇落雪。照影。
既然自己唔買野，亦趕在各位女士落柯打之前飛左，名店街已經俾我行到爛晒，最後一個晏晝要去發掘新景點。
「我草泥馬呀∼∼∼」