「喂，我尋晚出左去同班友打波呀，有阿甲、阿乙、阿丙．．．仲有呀，佢都有出黎呀，佢個頭而家搞到前面勁短，但係後面
就留左一撮頭髮特別長出黎．．．佢話佢個頭好型喎．．．」
「仲講你仲講？我唔想再見到呢個人，亦都唔想再講呢個人。」
「咦點解你地個個都係咁樣，尋晚我同阿聲講起佢，阿聲又係話唔想再見到呢個人，叫我唔好再講。點解．．．」
「唔好再講！我已經話左唔好再提呢條友啦！！！」
「．．．」
「．．．」
「喂，去唱Ｋ囉。」
「好丫，搵咩人呀？」
「是但啦，都係圍內，不過記住，千祈唔好搵佢。」
「梗係，邊個想見到佢丫？」
「如果佢都黎的話，唔唱好過。」
「冇錯。」
「喂，聽晚去食飯喎，你去唔去呀？」
「有咩人呀去先？」
「ｄ女仔囉，邊個邊個都會去。不過佢都會去。」
「咁得啦，佢去的話我就唔去喇，我唔想見到佢。」
「一樣啦。」
每一次我地傾開偈，當話題去到佢之時，對話就會停止。每次我地有節目，第一件事唔係諗約咩人，而係互相提醒千祈唔好搵佢。 每一次聚會如果有佢出現，出席人數都會比平時少，因為ｄ人寧願唔去都唔想見到佢。大家都可以為左唔要呢棵樹，選擇放棄成個 森林。冇錯，佢，就是咱們偉大的隊長。每次諗起佢影響力可以咁大，大到我地做野都要就住佢黎做，我都不禁肅然起敬。
想知更多關於隊長，去 獅子山莊 名人甘句 睇睇。