進入九月選舉月，係時候同大家重溫一個寓言故事，提醒大家點解千投萬投都唔好投任何同左派有關係候選人。
相信大家仲記得一年前新世界想美孚新村起一棟同原來舊樓只相隔唔夠1m之屏風樓，當影響到自己生活環境同最重要的樓價，本來鬧社民連訓街激進教壞細路果班美孚中產，用到自己非常鄙視的訓街激進手段阻止工程，最後告到上法庭搞到好大。案件審理時值區議會選舉，結果民建聯黃達東票數意外地比以前增加兩成，以79票之微贏左公民黨王德全，箇中因由除左同樣搞到好大但當然馬虎了事的嫌疑種票，仲因為居民自己愚昧：王德全主張抗爭唔同地產商妥協，黃達東則借新世界董事鄭家純身兼民建聯成員宣揚「理性溝通」，而住得美孚都唔係窮人，中產嘛有學識嘛有修養嘛點可以咁粗暴咁低俗架梗要和平理性啦，就自己捉蟲了。
選舉完結唔使半個禮拜，法庭仲未定案係咪可以復工，地產商已經立即派車隊去地盤做野，各位尊貴的中產居民當然又要紆尊降貴到社民連層次訓街反抗啦，同場仲有落選王德全不顧前嫌幫手，唯獨見唔到幾日前佢地親手選出黎的黃達東。擾攘一輪後工人放棄，但班工人一走，黃達東立即出現話全靠自己頭先同地產商傾，先成功爭取到工人停工同工程延期。最抵死係跟住地產商踢爆黃達東根本冇搵過佢地傾，退兵同延期全屬內部決定完全唔關佢事。
美孚件事之後發展係點已經唔重要，尤關只得一樣：
所以就算自己選區對頭一派幾差幾衰幾唔掂，都千祈萬祈唔好投票俾民建聯、工聯會同（隱形）左仔，如果冇得揀就算唔投票或投白票，都唔好投俾任何一個左派候選人。信選個民建聯議員可以幫你同財團同政府傾掂數，令佢地會為一班蟻民放棄幾十億生意或政治任務，就同遊行請願萬人聯署信中央會徹查李旺陽被自殺幫佢翻案一樣咁戇鳩。問題係，香港真係好多信奉香港仲可以用和平理性論政爭取的戇鳩仔。希望你唔係其中一個。
以超筍半價執左部性能規格僅次於S3的Razr Maxx（Motorola HK R.I.P.，我這個Motohead會永遠懷念你），終於用返電話打機殺喪屍，唔係Dead Trigger，而係曾經一上Play就見到Glu Mobile賣恆廣告的Gears & Guts，玩落就醒返起，點解我咁唔鍾意玩電話game。
隻game好簡單，飛車入城殺喪屍賺錢執道具，完成任務過關之後買野升級再殺過，畫面靚玩得又夠爽，衝入喪屍群時近鏡zoom埋去睇點樣撞散晒堆喪屍濺到一車血係幾正的。不過玩一陣就由好想玩下降到純粹為過手癮層面，因為遊戲性同Flash game分別不大，6關各6排全36版來來去去不離限時內殺某數目或某種喪屍、搵物資、走checkpoint等幾種玩法，就連地圖都要幾個輪住翻炒就算，分別只有越後關數敵人越多越屈機，實在有點馬虎，即係我寧願你唔整咁多關但每排都有自己特色任務好過。老實我成日覺得iPhone同Android唔器重Flash是個陰謀，除左Flash食ram食電，仲因為一行Flash根本有超大量性質非常接近的現成遊戲你揀，好似Angry Bird未出之前已經有無限個一樣玩法一樣得意的Flash game啦，唔係排斥Flash黎保住Appstore/Market，真係好多遊戲唔會發到圍，繼而冇得發大財。
而最唔妥就係陰謀之真正目的：game免費你玩，但玩落就會發現一定要使錢先可以繼續落去。最常見手法係遊戲入面有兩至三種貨幣，低級免費而高級要用真錢兌換，呢樣野Glu就係經常俾人小到爆炸的表表者，好似之前玩佢地另一隻喪屍game Infected，畫面靚又非常好玩的守城策略遊戲，唔同兵種相生相剋設計得十分好，係難得優質電話game甚至可列為最佳之一，但你可以用免費貨幣買同升級的兵仔只包括幾種屬性，要集齊唔同性質兵種克制敵人，好多要用真錢先可以買同升級得到，換言之你唔俾錢就肯定唔可以玩超過頭五關。今次Gears & Guts打喪屍可以執螺絲，但螺絲只買得到垃圾道具好野全部要金幣，一係以平均每日有5個進度慢慢儲，一係俾錢買，一個金幣價錢相等於五毛黨一個post人工。前半隻game你可以靠螺絲應付，但去到後半就算所有螺絲買得到之道具買齊、通通升到最高級，都冇乜可能過到關，想玩落去？俾錢買金幣囉。但超戇居通通唔平，勁少少都要幾百個至千幾個金幣，你會唔會為左買枝槍仔俾三十幾蚊真錢？為架勁車俾百幾甚至幾百蚊？仲未講隻game都幾多廣告喎。你叫我使幾蚊我冇所謂，但為一隻電話game俾幾十蚊甚至幾百蚊仲貴過PC game，就未免太on9了，我去歡樂天地使完百幾蚊都最少可以用飛換禮物，你俾到乜我？
打左個幾禮拜玩到第四排，仲徘徊於不斷打螺絲同搏執到稀有道具打到悶，本來諗住廢鬼事玩，點知見到Market上面有個Glu金幣修改器，一用立即有十八萬金幣點亂買野都好難用到一半，隻game就突然間變得冇晒目的同挑戰性了，由前半隻game玩近兩星期都冇大進展，到後半兩晚爆機 － 其實一晚都爆到，不過連Razr雙核兩激ram咁勁都可以成日lag同crash，拖下拖下搞到要兩晚，而打爆機只得一副畫連動畫都懶整，果然拍得住Flash game咁頹，冇枉我一蚊都唔俾你賺，因為玩完發現真係好搵笨，我力量型同速度型最勁兩架車升爆級全部裝晒最強武器攻擊力去到兩萬幾，而最後一關話喪屍只有千幾攻擊力，但我架車數字上勁佢地廿幾倍玩落都有壓力，如果單靠俾盡得兩三千之普通車同道具，我真係唔明有咩可能打得爆機，甚至黎唔黎到最後一關都成問題。
其實好想玩多次Infected，隻game真係整得十分之好，但好似係用自己貨幣唔係用金幣，即係個破解器冇用，可以不理了，Glu的貪婪整死左呢隻佳作。下隻玩乜好？Dead Trigger要再等等，梗係煲今期流行加擺明柒到爆炸的Black Metal Man啦。
選舉日已至，請容我再重溫多次日前講過，提醒大家點解千投萬投都唔好投任何同左派有關係候選人的真實故事，並請廣傳尤其傳俾身邊有意投左派之親友，需知香港人最擅長善忘。
相信大家仲記得一年前新世界想美孚新村起一棟同原來舊樓只相隔唔夠1m之屏風樓，當影響到自己生活環境同最重要的樓價，本來鬧社民連訓街激進教壞細路果班美孚中產，用到自己非常鄙視的訓街激進手段阻止工程，最後告到上法庭搞到好大。案件審理時值區議會選舉，結果民建聯黃達東票數意外地比以前增加兩成，以79票之微贏左公民黨王德全，箇中因由除左同樣搞到好大但當然馬虎了事的嫌疑種票，仲因為居民自己愚昧：王德全主張抗爭唔同地產商妥協，黃達東則借新世界董事鄭家純身兼民建聯成員宣揚「理性溝通」，而住得美孚都唔係窮人，中產嘛有學識嘛有修養嘛點可以咁粗暴咁低俗架梗要和平理性啦，就自己捉蟲了。
選舉完結唔使半個禮拜，法庭仲未定案係咪可以復工，地產商已經立即派車隊去地盤做野，各位尊貴的中產居民當然又要紆尊降貴到社民連層次訓街反抗啦，同場仲有落選王德全不顧前嫌幫手，唯獨見唔到幾日前佢地親手選出黎的黃達東。擾攘一輪後工人放棄，但班工人一走，黃達東立即出現話全靠自己頭先同地產商傾，先成功爭取到工人停工同工程延期。最抵死係跟住地產商踢爆黃達東根本冇搵過佢地傾，退兵同延期全屬內部決定完全唔關佢事。
美孚件事之後發展係點已經唔重要，尤關只得一樣：
所以就算自己選區對頭一派幾差幾衰幾唔掂，都千祈萬祈唔好投票俾民建聯、工聯會同（隱形）左仔，如果冇得揀就算唔投票或投白票，都唔好投俾任何一個左派候選人。信選個民建聯議員可以幫你同財團同政府傾掂數，令佢地會為一班蟻民放棄幾十億生意或政治任務，就同遊行請願萬人聯署信中央會徹查李旺陽被自殺幫佢翻案一樣咁戇鳩。問題係，香港真係好多信奉香港仲可以用和平理性論政爭取的戇鳩仔。希望你唔係其中一個。
續上回，我個人向來信奉討論為主、力爭為次，可以憑正途反映及諫，唔影響社會運作「和平理性」改變得到，當然皆大歡喜。
但新一屆特區政府一開始已經連納民意場戲都唔做，要推政策完全一意孤行，佢地勾結班富商只會繼續坐大，單上任兩個月連串政策同反應，我唔覺得未來仲有幾多空間，可以唔憑對社會及商界人士有一定影響之「激進抗爭」手法達到改變。
正如三司十四局，唔係拉布的話，CY未上任已經過左，進而政府更紅、大家交稅交得更唔憤氣。泛民加市民鬧足成季都冇用，最後唯有拉布先拉得低，當然出手拉布幾位照樣俾人鬧得好慘，「過份激進唔和平理性」嘛。
又正如美孚班居民唔係每次有工人入村就訓街，你覺得地產商會唔會停工？如果佢地真係完全唔阻止工人，只搵自己選出黎個民建聯議員，代佢地同民建聯有份撐腰間地產商傾，要求佢地為幾萬名美孚居民放棄幾十億樓盤工盤，你覺得結局會係點？真係單靠講數而唔係用燒到埋身之前佢地都好鄙視的激進手法阻止的話，相信棟樓而家已經起左一半。
而反國教集會，我唔覺得已經成功，你睇梁振英日日走秘道放工；林鄭話見傳媒，正門幾萬人唔面對，鬼鼠走側門見記者；胡紅玉話「我地一直有聽意見但冇人出聲」、「要反映，請直接加入開展議會」；就知你有你理性，政府有自己政治任務，呢樣野羅范焦芬就表達得最好：每日返政總，門口十幾人絕食、幾百人靜坐，直行直過停都唔停望都唔望，正是今屆政府對理性訴求之態度，「理西你感受」也。政總外群眾係要撤，唔係延，一日政府只延不撤都唔係成功。
順帶一提，我係當年羅范同李國章管理教育下被迫脫離教育界其中一名犧牲品，所以羅范做野手法同態度我好清楚，而家佢仲要坐比當年高好多好多之要職，政府只會更加漠視民意。
近日政府開始軟化，十二萬人和平聚集當然有關係，但我覺得更大助力係巧偶天時地利。天時是時值立法會選舉，9/9之前政府點都唔敢亂郁手，就算真係有心清場，都一定要確保民建聯大勝之後先可以做，口風放軟少少更加有利左派選情，「成功爭取」。
地利係推得到上報，外國報。好諷刺最有效阻止大陸／特區政府硬推新政方法係訴諸外國，唔係中央怕外國勢力入侵，而係佢地要面，正如當初雙非湧入香港大陸無限制無監管，是為人口清洗及後莊豐源時代新移民養票計劃一部份，到後來蝗災嚴重到日本歐美都講，兩個政府先開始出措施去減（減咋，都唔係杜）。簡單黎講，當連死要面的大陸政府都覺得柒，先至會叫等命令的梁府做野。
今次國教一樣道理，議題夠國際性而獲外國報導，同當時雙非一樣，外國媒體未留意時政府擺明唔理民意，到上晒外國報紙揚威海外，政府先開始改變話有得傾。可惜唔係好多事可以爭取到外國支持，你同BBC講三司十四局之類，佢地唔會特別關心；但去到關乎全港市民包括外藉居民子女時，外國就唔會唔做野，而外國都關注時政府先會開始講少少道理。難怪中共同港府經常掛口之死穴之一，就係外國勢力干涉內政。
我絕對絕對認同，今次反國教集會係香港歷史上理性對抗代表作之一，因為外國如果有十幾萬人包圍政府總部，一係革命進行中推翻緊政府，一係已經推翻左慶祝緊，所以香港人真係好和平理性。選舉未完我唔敢講會唔會和平爭取到撤科，但如果建制派大勝的話，我敢講90%機會你唔由和平層面升級到激進，即係罷課，CY政府都係繼續理西你感受。
而CY「學校自行決定國教點樣同幾時推行」之回應，即係好似公司大老闆同你講，「我地要炒半間公司，不過唔會強迫炒人，由每個部門經理自己決定炒唔炒、炒幾多。拿，我冇講過有要求每個經理要交幾多人、冇講過佢地交完人我會睇過炒幾多再決定黎緊佢個部門可以有幾多budget、冇講過唔交人或者交唔夠人佢地要揹飛呀。」
中環反國教集會選舉日凌晨結束，非常失望，我唔係唔贊成退，但退得好樣衰、揀個時機好差。其實以香港人怕死又唔團結加執輸行頭慘過敗家心態，要長期抗爭絕對艱難，今次圍足成個星期有十幾萬人出黎已經歷史性，不過亦到一個需要歇一歇之地步，加上政府射波俾學校已經夠打發一半人走，學民已處弱勢。最理想就係反借今次政府「修改」時機改變作戰方式，只留真正有心人繼續留守呼籲其他有需要人士先走，方便各方面補一補給，俾絕食人士回回氣，聯盟自己有更多時間開會傾黎緊點行動，同好老實我覺得好多人出返自己區投票之後未必會再返黎，作個理由放人返屋企總好過自己企硬但跟住冇人支持咁樣衰。再講定十號晚先正式結束集會，同9/11大專罷課接軌加斷定尾唔使俾政黨抽水，同時顯得全個活動更完整同更有計劃。
點知琴晚開幾個鐘會出到黎，講到好似已經接納晒政府果套所以停手，同埋「支力」「要返工」「要湊仔女」，同本來企到好硬要求完全撤回完全兩回事，加上人人都知由明推變成暗迫政府只有推行得更得心應手，而家噉同自己跪低加同意政府個新方案有乜分別？加埋你選舉之前黎停，仲唔俾建制派班人笑死、民建聯仲唔成功爭取咩。
內情係點我唔知，但我一定估係教協同家長。教協出晒名乜都肴底，而家政府退少少（實際上冇退，更加是進），立即俾到個藉口佢地唔罷課抽身啦。家長更加唔使多講，之前萬幾人上街遊行，返到屋企成班老豆老母自我感覺良好，對佢地黎講已經足夠架喇，遊行完政府一鳩樣唔理你只是其次，而當上街行一行都咁大件事，今次一連幾晚出黎政總坐通宵，縱使和平以香港家長心態睇已經屬於激烈行為，而佢地會同你一齊坐到今日，嘩我已經好激進架喇。而家政府有改變，唔好理點改係變好定變差，總之我已經爭取到改變，喂捱左成個星期唔使屋企沖返個靚涼食返餐好帶仔女去上course準備定黎緊入名校呀。真可謂成也老母、敗也老母也。
非常諷刺係當初全個活動成功在於學生自發，有切身訴求有明確訊息，跟住加入家長，然後學者同真正搞社運人士黎埋，人數多左勢力大左，但當其中一個組織覺得夠 － 教協同家長永遠係最容易「夠」果班 － 其他人為大局不能不從，結果學民搞個活動出黎，最後唔可以用自己理想方法去完結。如果班大人完全唔理由班細路自己搞，成效同迴響一定比而家更大，最少我唔相信佢地真係會退，正如睇學民FB，琴晚開會前仲出post叫人捐水，到開完會同大家講散會，一直冇出過官方公告，反而撰文指出梁振英新方案根本只有更差唔會更好，點睇都唔似佢地有意結束行動。你同我講今次集會結束唔係因為內部分裂同部份組織肴底，我真係好難相信。
一試就試出教協同香港老豆老母都係未到層次去正式同共派抗爭，難得一次十幾萬人團結卻落得此收場，香港地似乎都係冇乜機會自救得到，而家連成個反國教聯盟都分裂埋，梁振英成功了。黎緊禮拜亞視同愛黨力應該打飛機打到成地精，大家請熱切期待。
有幾多次立法會選舉之後，大家心情會好過？所以選舉正日屋企條街深夜停電係好事，夜晚落街買完飯投完票，食完沖個涼就可以安心訓覺，如果睇埋結果先訓可能仲唔安樂。事實證明，停電停得好。
我諗今次選舉一大啟示係民調其實冇乜用。好似我九西，選前民調黃毓民一直由頭帶到尾，選到出黎都係贏，但由第一變成第二民建聯帶返頭個幾百分點，鼠王芬再以一千票贏民協奪最後一席，理由大家都知。而家香港只得四類人仲會投左仔共派建制幫，第一係最有錢果堆同既得利益者，即係全港最頂果幾%及其關係人士；第二係本身讀書少冇乜學識，遺憾地我地今代人好多老豆老母屬於此類，加送大量無知師奶同MK仔女，國民教育真係推得成的話會更多；第三係根本完全識政治連選舉係乜都唔知果班，除左出晒名包食包接送的阿伯阿婆，今年新加盟青山院友；第四類係共派票源，一定聽晒阿爺話的新移民、雙非、居內地港人源源不絕；簡單黎講香港左派選民來自社會階層最頂果班，同社會最底果班a.k.a.俾最頂層煽動控制果班。
泛民票源基本上集中社會中層，因為有思想有學識自然明白事理，所以投開民主派其實都屬鐵票，支持激進派更加鐵過唔鐵。問題係民調關注對象亦只以中層為主，你有幾何見過電視台問個阿婆投邊個？而香港社會早從Ａ形變成Ｖ形即中層人士比例遠不及高及低層之和，單比投票人口已經輸左（消滅中產是有理由的），任你鐵得無可再鐵又如何，鐵票都要一個個人噉拉，人地直頭係鋼票一車一車送入場，唔係鋼成噉蔣麗芸邊有可能倒贏毓民近萬票1.X%？黃洋達最灰，論壇表現出色網上人氣破頂，相反佢最大對手謝偉俊參加論壇連自己參選果區係咩區發生緊咩事都唔知，最後照一車車阿婆投佢票憑多千幾票收你皮，你叻仔你醒又點呀我戇鳩都贏你呀吹咩。所以民調時點樣樂觀領先人地幾多無大意思，左派單靠民調範圍以外之種票鋼票，已經足夠帶黎幾個百分點之關鍵性、逆轉性改變。大家只有恨鐵不成鋼。仲未計選之前話有十幾萬年齡層屬泛民派為主選民無端端俾人取消資格。
當然仲有擺明搵笨的比例代表制。今屆選舉聽得最多就係「我投袁彌明你做乜俾慢必我」，比例代表制之荒謬正是少少票都有得贏反而多票可以輸，同你投果個贏左都未必當到選。每張名單基本上只得排第一果個有機會贏，排第二你俾幾多票佢唔會跑出得到只成浪費，變相限制每黨只可以俾一個人參選，只要計住數邊張名單第一位夠票，其他全部投另一張就可以贏最多，所以泛民收到一百萬票贏左十八個直選議席，建制派少三十萬票即三分一但只少一席，你話戇唔戇鳩。證門香港研究協會、蛇宴同旅遊巴多麼重要。起初我希望一人兩票新制會令好多俾民建聯唆擺的阿婆投錯票，但事實證明難有大影響，即係衰Ｄ講句，一日香港仲有阿婆，邊個區多老人院，果個區民建聯就冇得輸。
劉江華輸左普世歡騰，但今次香港贏唔到，雖然高登力量捧出左打正旗號維護本土文化利益的范國威（如果我有得投，我果票都會俾佢），但保唔住陳淑莊同余若薇；新界陳偉業同梁國雄高票當選，九龍黃洋達以非常之微輸俾謝偉俊，兩邊都係輸在左派鐵票種票，同好撚仆街的比例代表制。同我唔明點解仲會有人投俾姓田一家兩兄弟都入到。回歸之後香港教育成劈屎噉，除左李國章同羅范仲有語常委田北辰，搞母語教學將學校中中英中標籤化，跟住仲話要普通話教中文科，好在搞唔成，但已累死好多學生家長先生，如我。最抵死係上電視屌人點解要鬧香港教育制度、鬧母語教學唔好，但自己四個仔女都係外國讀書，「外國先生用佢地母語教書，所以我班仔女都係接受緊母語教學。」富黨自由黨禍港良久，四年前全軍覆沒點知今年入得返，如果你話好多人支持田家係因為佢地有上港台節目所謂體驗窮人生活，就覺得終於放下身段知道民間疾苦好感動而過票田家，智商同拎完月餅食完蛇宴就去投票俾民建聯班阿婆冇分別。
個人最灰係民協輸左。我區區議會多年黎都係民協主場，地區工作亦做得好唔似CY選到就罷就理西你感受，但黎到立法會都係勢危。而家個個候選人都話告急，朝早誓完師食完晏晝飯已經告急，睇佢地廣告見唔到政綱理念只講告急，即告急已經成為政綱一部份。黃毓民講得好，如果你係政綱夠強立場堅定人地點都會投你，要告急乞票即係你本身已經唔掂啦，而且好多候選人選舉日未到已經買定車廂「告急」廣告，告急呢家野已成狼來了。唯獨相信民協冇呃我，因為對手真係好強，毓民親身上陣、民主黨必贏、公民黨毛孟靜、仲有兩張民建聯，基本上全區五席早有所屬，所以全區得佢地一張名單橫額寫住告急，「亡黨危機」，我會信真係咁大危機，結果民協僅差一千票輸比乜叉野西九新動力丫挑民建聯你就民建聯啦鼠王芬。資歷又點地區工作又點政績又點？即使民調你憑聲名憑政績超前1%，實際投票時人地一架接一架旅遊巴超返你3-5%，使乜做野使乜咁辛苦參加論壇使乜企街拉票，咪又係一車阿婆收你皮？
所以今屆2012立法會選舉，最大啟示係香港真係冇得救。今次選舉其實天時地利人和有齊，之前半個月反國教反到全民大團結，選舉前夕一連兩晚十幾萬人圍政總一時無兩（可惜選舉日凌晨CY幾句就令成個集會爛尾爛得爛無可爛我唔想再講），投票率歷史性過五成，以此時機加聲勢都只保到泛民24席仲要幾名大將落敗，而香港人盤沙出名散過社民連我唔信仲會出現幾十萬人同心之景，我覺得往後立會選舉難再有大突破。而且左派好多古惑招大家投幾多年見足幾多年早已習以為常，舊時起碼叫知道自己身有屎遮遮掩掩，今次鐵票入場已經大模斯樣到掩飾都廢事，候選人「我唔會回應」，「我自己冇做，但助選團會唔會有人做左就唔知亦控制唔到」，即使電視報紙訪問晒影晒相有晒證據，政府都係唔會查，受理都會同之前種票一樣無疾而終，到頭來除左一如以往講句「係噉架啦」，大家仍然乜都做唔到。
長此下去，立法會選舉淪陷，指日可待。香港人，你只餘兩條路，一係搞移民，一係聽食屎。
我好耐未試過會成晚未停過狂笑。食飯時上網睇歡樂滿江華現場實況，成餐飯食到好辛苦。更加未試過訓覺時瞌下瞌下諗返起都會笑到紮醒。成晚失驚無神笑幾笑，笑到從來唔講粗口的老母都要問我做乜鳩。
今次絕對係香港網絡動員同惡搞一次歷史先河，全港各界熱烈慶祝劉江華落選委員會成立唔使一日已經招攬到超過三萬委員，半日內改圖數量同質素拍得住當年唐英年僭建，跟住話即晚搞個「劉江華慘敗全港網民自發祝捷會」，冇乜人當真你知香港人高登仔最出名走數叻，點知真係有百幾人蒲頭合唱落選委員會會歌《喜氣洋洋》玩足成晚，「劉江華」頓成高登熱門搜尋關鍵字，推到上晒報柒到去台灣連CCTVB都有報 － 雖然只得幾秒鐘，但連香港中央台都會報呢單花邊，證明劉江華柒到連土共都頂唔順。
落選落到百幾人自發同你慶祝送你上路表揚到兩岸三地都知咁威水，做人做議員做到劉江華噉真係夫復何求。玩完大家仲執埋手尾先走，現場好似冇事發生過咁乾淨。乜野係國民教育？錯過左的話，快手去廉署投訴蛇宴專車掌心雷，大家咪可以上多堂囉。
可惜我唔係住沙田，如果果頭近，肯定參加路祭。由國教落實開始，香港從未試過如此充滿正能量，多謝劉江華。但跟住輪到國民教育同新界北割地，又係長期抗爭（范國威頂住呀）。我諗民建聯要收多幾次皮，先可以平衡返大家心理。
相比佔領政總，佔領中環歷時成年都冇乜人理過，畢竟對於奴性重加從來認命的香港人黎講，打倒商權革命議題實在十分唔切身加虛無。所以相信冇乜人知道亞視變身大公報TV唔係好耐之前（早一個禮拜左右啦），有集時事清談節目講過佔領中環，搵懶係專業的學者上去係噉數臭，批到佔領中環只係一個嬉皮士式集會同俾人有藉口唔俾錢白食白住的免費旅館 － 唔知道好正常，除左證明佔領中環確實不獲廣泛本地人留意，唔係國教ETV玩到咁激，鬼有人記返起香港原來有亞視呢個電視台咩。
果陣睇到我都小九佢一味數人負面野，而唔多提佔領活動真正意思係乜、想爭取乜野，雖然預左，亞視嘛。但前排過海睇SIU2，一落巴士就係匯豐，特意睇睇佔領行動現況；然後清場前夕班人當住鏡頭爆粗鬧記者，簡直係將自己由革命者降格到露宿者的公關災難自己整死自己個行動，我居然會認同亞視部份觀點（部份咋）。
本地激進派，不論在政還是在野，始終難以大成及廣獲民心，除左未夠組織未夠團結，亦因有時自視得太高。
查實將軍漢堡我麻麻，但每次麥記出將軍漢堡都會好開心，因為按照麥記傳統，將軍漢堡賣完之後，跟住果期好大機會輪到我的最愛黑椒漢堡，有得食有得玩仲可以用黎分析本土經濟。
上年個厚切牛肉簡直奇恥大辱，希望今年會似返樣。
今年好多資深樂隊同樂人，新碟都對得住自己個朵去到年度大碟級數，先有Kreator再Testament，相比前幾年悶局今年metal好盛勢。謝安琪唔出碟的話（應該唔會了），Devin Townsend新碟《Epicloud》好大機會係我年度最佳唱片，勁到仆晒街，數碼擊入 http://exclaim.ca/MusicVideo/ClickHear/devin_townsend_project-epicloud_album_stream 立即有得聽晒全碟。所以而家仲邊使買碟，有邊隊band唔係出碟之前甚至出左之後，全隻碟官方放上網任你聽。細band更加連要你stream都慳返，因為唔直頭成隻碟免費俾人download，根本理都冇人會理。
香港Devin Townsend fans當中敢講我唔排三甲都入五大，但作為fans都唔多撐得落佢二千中打後Ｎ隻碟，出得快而密但有點雜亂，《Synchestra》同《Ziltoid》開始已經有點太自我中心而聽到唔知點，Devin Townsend Project四部曲更加一直唔太投入得到，來來去去只迷pop到爆炸的《Bend It Like Bender!》同恆到爆炸的《Pandemic》，《Ghost》隻碟玩new age都好正，但Project整體已經不是我所求的Devin Townsend了。
直到四部曲之後講明想試新野、「想玩pop」，《Epicloud》立即似樣，metal得黎乜都有夠流行感夠時代感錄音編曲旋律通通靚到震，加埋已成駐場歌手的最強女聲Anneke van Giersbergen，有返Devin Townsend（唔係Band/Project）時期post-pop metal神韻 － 睇要錄多次《Kingdom》，就知Townsend哥都明自己90尾二千頭果期無能敵。講開又講《Physicist》我唔覺得真係咁差，除左《Terria》同《Ocean Machine》經常得閒無事拎出黎回味一番就係呢隻，Project喪到癲果隻《Deconstruction》，其實我覺得好似一隻「已完成」的《Physicist》。俾《Epicloud》挑起左舖癮，今晚又焚多轉先。
但論到佢近年最強金曲，反而係幫Frank Sinatra tribute唱果首《New York, New York》，真係乜叉野一經佢手／口，立即冇得輸。但除非你鍾意metal又鍾意Frank Sinatra，否則隻tribute碟完全唔需要買，因為佢一首已收晒其他人咁多皮。
靜左成年，香港終於有一場metal fest。在如此歷史性時刻，劉Sir都歷史性地唔廢話連篇，學習無記新聞是是旦旦講講算。
場地：好熱。未去到好Ｘ熱，因為比想像中少人，前半逼爆預左，但後半鬆動到你跟住breakdown跳breakdance都得。說好了的六百人呢。
Cadaver：睇過佢地幾次，今次聲同演都最好，比之前「一般」的印象好非常之多。係咪玩多左新歌？鼓佬很勁。
Eve of Sin：曲編奏太保守。
Elysium：keep到。歌佬係未食藥定食左藥先上台。
Fear Index：好老實我最大興趣係佢地。但黎到先知鼓佬斷手冇得出。噉就昆左我廿蚊。
Massacre of Mothman：傳說中勁到仆街（＆隊名改得真不錯），好在唔係得個hype字。全晚咁多隊，最想出碟係佢地。而我本身非常唔鍾意deathcore。
Shepherds the Weak：直到今時今日，我仍然未睇過一場唔好睇的STW live，亦未睇過一次班友講咁叉多中文。驚喜不止於Pantera（唔《Fucking Hostile》都《Walk》啦唔該），仲有新歌有點math。
音響：同舊HA幾場metal fest比的話，唔知人定咪問題全場唱普遍未夠出，不過其他部份冇得彈，鼓推到爆加落重echo大聲同突出到有點假，我鍾意。達哥出手邊有得輸。
Hong Kong Metal Alliance Presents Vol. X：會成為香港的《眾神復活》嗎。
最重點，唔係臨尾睇STW時左手邊有Hermetic Silence，而係怒人企正我旁邊。真係好想捉住佢大大聲小九佢：
「點撚解你唔上台玩而企我隔籬？你知唔知你係新一代香港metal之光、關乎本地metal未來既香港金屬新希望呀屌你老母！」
早排幫呢隻狗仔搵新主人，今日唔係又要吹雞叫幫手，因為好快就有有心人收養左了，今次個故仔係同狗仔個原主人有關，同原來無記仲有少少良知。
話說前排港姐玩網上投票由民意定三甲，跟住server大炒到頭來都係用評判評分選冠亞季，同大家上左堂國民教育「香港甚麼都不會有普選」事小，說好了抽獎送的名車扮晒野收返唔送事大。百屌成材下終於肯拎返出黎補辦抽獎，有人話偷龍轉鳳換左架cheap車做獎品，不過以無記拍得住民建聯咁無恥的厚顏，事後會投資少少補一補鑊已是一生何求，你覺得直頭當冇事發生過不了了之佢地做唔出咩。不過抽獎果晚真係流到爆炸，打電話叫人領獎假到喊做媒噉款，同好多人一樣以為架車大龍鳳一餐之後自己收返埋，到頭來又係一場戲。
點知跟住同個代主人傾返，先知原來是真的，中獎家陳宅就係狗仔本來個主人，無記真係送左架車俾佢地。架車值四十萬（港姐當晚送果架係咪同一架同樣值咁多錢就唔知），不過住屋村邊有位泊養又要洗好多錢，就拎去車行放，扣落地扣燕梳扣乜乜物物收返三十萬，打左個七五折但無端端執到三十萬都算唔錯啦。同，難得在無線原來真係有送架車出黎呀，居然。
但更懷念以前無記大時大節送車派錢濕濕碎，頭獎唔係香港樓都送大陸樓，家陣幾萬現金十幾萬車已經叫做好大獎，換言之同磚頭相比，而家現金同（名）車根本冇乜價值。大家繼續做李姓家奴啦。
早幾個禮拜先話冇好戲睇好悶，暑假一完立即幾套勁野一齊上，單今個禮拜已經睇三套。《生化危機之滅絕真相》其實冇諗住睇，因為成個系列game好勁但戲相反第三集開始慢慢爛，不過間唔中開電視睇到唔覺唔覺睇晒頭四集，既然上新一集點都想追埋，同最重要一點：豪華有上。就去睇了。應該話，就去中伏了。
其實Bio Hazard本身除左氣氛一流劇本都唔算差，電影頭兩集未叫好好最少拍得出原著horror action AVG種感覺，遊戲改編電影黎講係難得改得拍得成功之罕有個案。但第三集已經慢慢唔理故事一味死打，冇horror冇AVG得返action仲要無端端玩超能力心諗做乜春，有睇第三集後半同第四集開頭都會明有幾悲哀。今集一開始係第四集結尾連住落開頭開得非常好，可惜有頭威而完全冇尾陣。
我睇過最冇劇本冇故事的動作片係《Mortal Kombat》，只得前設跟住一味打連文戲都冇乜（但神奇地拍得唔算好爛），而今集生化危機拍得住MK咁mk，簡單黎講正派去到一個場景，打雜卒，打大佬，打贏去下一個景，重覆，繼續，打到去終點就完，即係同你上Youtube search「XXX fight scene」冇分別，令BH電影系列由最初真正能夠將一隻遊戲轉型成電影，退化回用遊戲模式主導電影，而且一味玩槍戰真正長處埋身打鬥發揮得非常小，其實導演知唔知前幾集劇本衰極都有人會睇正因武指做得好呀，結果李冰冰是正的但親身出手打得一小段，而真正好睇之動作場面只得一開始同最後，中間淪落成Mortal Kombat X G.I. Joe仲要喪屍都唔見幾多隻，簡直睇到你喊乜呢套仲係Bio Hazard黎咩。吹脹是結局即係打爆機之後話你知，原來頭五集只係前傳，跟住仲會長拍長有繼續落去可以長過星球大戰。好在豪華星期二場$51包埋眼鏡先冇咁灰。但跟住任佢拍多幾多集，都係同之前一樣等電視播算。早知今晚返屋企睇同樣唔多好睇但相比下一定好睇得多的《Perception》好過啦。
「雖然劇本廢係預左，有一點實在犯駁得好緊要：上兩集先話成個地球變晒沙漠同廢墟基本上滅晒國，今集又話Umbrella仲會搞咁多野一直研究病毒係為整生化武器賣俾唔同國家賺錢。到最後結局，又話全世界得返白官仲有人類生還者，即係全個地球得返美國一個國家。矛盾得好緊要喎。」
「同，我而家少打機你都唔好呃我，最後果隻明明係mutalisk黎，乜我睇緊Starcraft電影版咩而家。」
好在跟住一晚《消失的子彈》唔錯補返數，奧海城簽卡買飛仲有九折。因為呢類懸疑戲一講白少少一定會提到劇情，所以先簡單總結：老實令子彈消失個諗法幾特別，最後局中有局未算好突破但處理得唔錯，只係劇本寫得好時導演喜好留白，好多野需要自行意會（或穿鑿附會）先會明白全個故事來龍去脈，好在亦唔算太夾硬或講唔通，但港產或國產一向少偵探懸疑片，編劇同導演算上乘，而且製作水準不輸海外，及贏在可以面向國際。
拍得好睇的港產或國產戲唔少，講起子彈立即就會諗到《讓子彈飛》，但大多都係好睇之餘地方色彩太重難賣埠，《消失的子彈》則唔會過份中國式並帶點西化，睇完覺得鬼佬有機會黎傾買劇本翻拍果種 － 根本將個故事搬去西部時間設定成拓荒時代，已經係一套西片啦。打戲唔多而拍得明快，好事黎一濫就好似荷里活架喇，笑點唔多但度得幾好，即使有瑕疵已經係我睇過覺得最滿足國產戲之一，同類之中好過對上一套睇所謂中國式偵探片《狄人傑》唔知幾多倍。不過有樣野非常頂唔順：黎到香港自然要配廣東話，但配音唔止語言一項，對白都需要本地化，單純用廣東話去讀一連串好唔廣東話的對白，係非常非常柒的。
再繼續講就會提到劇情，講明先呀嚴重劇透呀，未睇而打算睇就唔好睇落去喇。
最初覺得兩條女可有可冇，當然有好過冇啦（第一次睇楊冪，真係無能敵地正），但到頭來其實好重要。成功完美殺人但超少戲的江一燕負責帶出主題「壞人只是變壞的好人」，就係講最後謝霆鋒。叫出多少少鏡的楊冪原來唔只為除衫，仲做埋收風同做中間人，令謝霆鋒可以將開頭一單完全無關的子彈失竊案變成消失子彈疑案，換言之冇楊冪就唔會有成場復仇鬼殺人疑雲。不過係咪懸疑片潮流就是畫公仔唔好畫出腸？當中好多細節冇刻意指出或重覆，好似楊冪個角色唔諗深一層真係以為只為除衫俾你睇，就連最後劉青雲搵謝霆鋒罪證僅僅幾個簡單畫面帶過就算，所謂密室殺人其實亦冇破解到，臨尾兩人攤牌只得五條問題，兩大男主角要型嘛講野當然簡短啦點能夠長篇大論，所以我明白到成件事係點，但相信好多人即使覺得套戲拍得好，仍然會話個劇本好空洞好多問題。
我主要不滿只得兩樣，除左頭先講過廣東話對白柒到爆炸（好似冇睇過幾多套廣東話版國產戲唔會出現相同問題），就係因為好多野唔拍得明顯低調處理，反而拍唔出謝霆鋒處心積慮同魔性，好似今日廖啟智為鎮壓工人殺左個女工，第二日佢立即知道件事兼諗到成個局點佈，第二晚已經開始幽靈子彈行動，未免太神。而只靠簡單一幕拉有錢人但告唔入，未夠完整建立佢想奪位掌警權以彰自己心中正義之動機。同，喂我厹黎架，俾楊冪除多少少衫得唔得呀？
其實我到而家都唔明，一舊size只有兩部iPhone疊埋咁大的雪糕三文治，點解可以賣到十幾廿蚊舊。就係因為Maxibon是所謂意大利進口？第一次見到係去屋企對面幫襯開間辦館，要$13.5已經有點唔捨得，不過見新野同向來俾開錢間辦館賺就試一試，係幾好食的，不過寧願佢成件都係夾心餅，而唔係一半餅一半朱古力脆皮。以為已經好貴，點知行過少少七仔仲要貴多兩蚊，出左半年左右而家仲話去到廿蚊一舊，真係黐Ｑ線。到近排見到減價減到買一送一先敢買，十蚊舊先至係接受得到的合理價錢，冇減價的話我將就一下食價錢平一半有多之餘份量多一倍有多的Monaka好過啦。
退休最大好處就係好多時間，我老母同我阿姨得閒到走左去半島排月餅，半島出品同半島中菜部嘉麟閣出品各掃左幾盒，每款兩個砌埋質左半底俾我，而我唔食月餅，點解唔去Haagen-Dazs排七星伴月雪糕月餅俾我。所以慷老母之慨拎左返公司益同事，唔係我都唔知點搞掂，各位同事如想表達謝意，歡迎問候我老母。
細細個已經唔鍾意食月餅，所以冇乜興趣理有幾好食（又話中菜部點解好似食緊酥皮西餅），不過老母塞餅俾我時講個故仔就幾有趣。佢話早排有個阿婆又係去半島排月餅，買完搭巴士返屋企，點知落車時發現成個袋唔見左，即係見到個半島字袋都知貴重野啦又見你一個阿婆，係有心仲唔落車時順手撻埋咩。雖然明知追唔返個阿婆都要報警搞大佢，搞到成車人落唔到車陪個阿婆睇佢發晦氣，發到上埋港聞版。係真定假就唔知，因為自從蘋果炒左肥龍同骨精強，我已經再冇睇報紙。
同事講到一盒炒到幾百上千都有，今日唔覺意下午茶就食左幾舊水，成世仔都冇食過幾多餐咁豪。正因咁鬼名貴老母千叮萬囑食完一定要拎返個袋同盒俾佢，「過多幾日中秋節送月餅俾人時咪夠晒體面囉，口桀口桀。」唔想學個阿婆上晒報紙，睇黎今日放工我要搭的士返屋企先夠保險。
如果metalcore／deathcore之後真係輪到dance metal，假如係噉樣metal > dance，其實我絕對唔拘。老實講，Xe-NONE我越聽越開心，甚至開心過聽唔少而家metal(core) band。
話時話，小品MDM之中，Deals Death非常不錯（第一隻碟超勁，可惜今年隻新碟回左塘）。呢隊野賣點除左音樂，仲有超on9的歌佬。
琴日提到metal發展一個前景，當而家metalcore band轉trancecore、trancecore band轉dubstep，而metalcore以外仍是主流金屬指標的Korn都要拉埋Skrillex，跟住北歐睇開美國水食飯一班立即急不及待Engel已經快過「歐洲Korn」In Flames變形rave metal，睇黎metal好快會選擇dance的命運。
dubstep成為潮物，但其實「tr00 dubstep」好低調冇而家好多出名dubstep band玩得咁浮誇，本質更似downtempo、breakbeats，拍埋「現代dubstep」會悶死好多人。同其實當代dubstep代言人Skrillex實際上唔多dubstep。換言之dubstep潮得起一個原因係令自己pop到爆炸，就如metal中的metalcore，不過亦好似metalcore潮一回事pop一回事總有玩得唔錯值得聽的，尤其dubstep本身的確好metal，我成日用「Pantera玩drum & bass」去形容，而Crowdburn首Skrillex《Scary Monsters And Nice Sprites》cover就示範左點解metal友適合聽（現代）dubstep。唔識佢地但聽／睇過咁多metal(core) band cover dubstep/Skrillex佢地算數一數二，玩得出dubstep種力同groove － 另一必然之選當然係乜叉都可以玩到變shred metal的Erock啦。
我反而更期待sludge/drone band溝dubstep。
呢幾日突然講咁多電野，其中一個原因係聽左呢首歌。我認我聽得歌少，Dear Jane《Yellow Fever》係我第一次聽到有香港流行曲加dubstep。
幾時真係有流行歌手／廣東pop製作人會搞返首dubstep呢。既然陳奕迅而家擺明唔跟大隊想點就點，有冇機會呢。
對我地老餅動作片迷黎講，玩老坑動作巨星重出江湖同台獻技之《Expendables》系列，偉大在世界末日之前為我地圓左個心願，尤其第二集八九十年代三大動作片王史泰龍、阿諾舒華辛力加同布斯韋利士，老到將近退休終於肯同堂演出成就《The Expendables 2》，睇完可以等十二月安樂去矣。
7X 8X出世一班睇一舊舊肌肉大隻佬打鬥片同公仔書大，所以黎到廿一世紀相當痛苦，因為真男人唔見晒：電影，要潺要瘦；動漫，要萌要腐；音樂，要基要emo；總之男人越冇男子氣越多人受落。難怪今代人成日俾人標籤ＸＸ後低分低能，唔使睇你做唔做到野，見到個樣已經唔開胃啦。可能就黎要退休的史泰龍都睇唔過眼而搞左呢個project出黎，搵一班跟自己同期出道但已事業走低潮甚至過氣肌肉人加埋新一代打星，唔靠CG回頭用真人親身上陣特技，打好勁不過佢熱心到自己做埋導演，結果第一集證明俾全世界睇識得演動作片唔等同於識得拍。今次搵人幫手導演編劇立即唔同晒，雖然有時拖左少少橋段亦無驚喜（只有話，這才是傳統派動作片），但整體已大勝支離破碎步伐又亂的上集。
換一換製作班底戲路都改埋，上集一如史泰龍出身年代路向拍得好嚴肅，不過廿一世紀唔興自我盛行自嘲，新導演接手主題變成成班老野寸／笑自已光輝不再，唔係二三十年前流行的老而彌堅，old-school但不恃老賣老。再玩到笑片噉款，第一集基本上得三大鉅頭教堂講數一幕叫做精警同有得笑，今集得閒無事就幾條佬圍埋講麻甩笑話（但可以寫得更抵死可以玩得更盡），同戲外演員相關笑料已成家常便飯，阿諾舒華辛力加 X 未來戰士事少，當meme界一大神明Chuck Norris都有份，仲有咩玩唔到？查實好多對白同gag位都好鬼死爛，尚格雲頓個大反派就係叫壞人Villain死未，不過我鍾意，噉反而配合返套戲種懷舊感覺。另一大改善係唔再死氣沉沉顧住打，演員發揮大左好多真正有戲做，Dolph Lundgren即係Rocky 4個俄佬變化最大，上集除左多幾句對白只有由頭打到尾有點路人，今次正派當中佢極多戲加勁好戲，再過癮地將佢本身化學工程學歷加入角色度，又係戲外戲外相呼應聰明一著。
雖然劇本、攝影、武指、技術通通進步班底又超強，睇得好開心但覺得導演忽略左Expendables原來特色。上集成支傭兵兵團每個角色都有自己性格，好似史泰龍玩手槍、李連杰短打、Jason Statham飛刀，今集李連杰只開頭客一客串，Jason Statham飛幾得幕刀，史泰龍全自動曲尺超速上彈唔見晒，全隊人馬成班巨人拎長槍一面倒壓倒性重火力，睇Chuck Norris讓你散住步單手渣槍都可以行步路殺死幾十人連坦克都打爛埋是爽的，但下集希望可以再著重當初搵唔同特質同年代演員以達多元化原意去發揮。感覺上比第一集暴力左，大量擺明CG key落去假到爆炸的血拍得住gag咁爛（真係爆出黎，郁少少都成條血柱標出黎，搞到好搞笑），同係咪又剪左？第一集一開始打海盜霰彈槍射到條友上半身斷開飛十幾米撞埋牆戲院居然冇得睇，今集臨尾推條友落直昇機機葉分屍中間又有段空白，睇黎想睇足版要磅水買碟。呀我係話要等Youtube。
假如過到世界末日，希望快手拍新一集啦，話晒成班主角冇七張都六十幾，史泰龍個樣已經超殘尚格雲頓差唔多認唔到，好難講幾個大主角仲可以拍多幾多年。連佢地都停的話，唔知第時仲有冇新晉導演同演員會繼續拍呢種巨人派動作片。
睇完套戲，有個大疑問：記得之前睇報紙講有組戲專誠飛黎香港拍，但邊忽有香港？定係又係某幾秒鐘飛一飛過高樓大廈就叫香港出左鏡？
早前五歲彈琴彈到識飛果個靚仔，威水到上埋metal網。
希望唔會變成下一個黃家正、《音樂人生》第二集主角。
今次Android成為25,000,000,000能量戰士兩蚊港紙一個app慶祝大典，黎到最後一日終於有返少少睇頭。
第一日，唔係之前USD1.00時買左，最少有OfficeSuite會執。Tasks掙扎左好耐但最後都係繼續用免費的Any.Do算，雖AD華大於實。
第二日，垃圾。
第二日，更垃圾。好夾硬先迫自己買左個HD Widgets，雖然應該只會繼續用Beautiful Widgets。
第四日，其實有點想買Cogs，難得向來唔用腦的我都會覺得好玩的砌圖game。鬼叫我係steampunk fans咩。
第五日last，Google先肯出好野。我用開Apex Launcher但pro版$30係都唔減，得Nova肯參加呢個兩蚊一app大減價，即係叫我轉用Nova啦。老實Apex同Nova真係好似，但Apex收費版好似多功能過Nova收費版好多，到頭來都係想Apex減。另一唯一有興趣係Smart Tools，好抵死成日企硬廿蚊只減過好少次價，以前曾經有興趣買但冇幾多次遇過佢減價減時又減得唔多，到而家肯兩蚊我已經廢鬼事買，除左好賤格地封鎖大陸就算買正版返大陸都要開飛機mode先用到（我買黎都係為左返工廠同工程師同客開會時用嗟，你唔俾我大陸用，有叉用？），佢一直吊高自己黎買時，人地已經整左個功能更多同時更靚仲要免費加冇廣告的Utilitas。
game冇邊隻有興趣買，反正近排都煲緊為黎緊新版電影賣廣告的Judge Dredd vs. Zombies同確幾好玩的Jetpack Joyride。話時話今次減價隻Gravity Guy同Jetpack Joyride唔同公司，點解Jetpack Joyride入面會有得用Gravity Guy咁過癮？（亦即係話，既然隻免費game都可以用／玩Gravity Guy，可以慳埋果兩蚊啦）。
近幾次Android Market見到當中玄機，一百億次係USD0.1，二百五十億係USD0.25，噉下次五百億咪要USD0.5？
上個星期勁多好戲上偏偏今個禮拜二紅日，本來想今晚睇Ted不過唔得放工就要返屋企，因為今晚明珠台開始播可能是史上最佳喪屍電視劇《The Walking Dead》新一季。搞到黎緊幾晚可能晚晚冇得返屋企食飯。拍得超好睇加難得無記唔濫剪暴力流血鏡頭冇得唔追，熱一熱身記得睇呢集webisode，點解咁多集係要睇呢集？咪因為1:45隻喪屍係Anthrax結他佬Scott Ian囉。
話時話呢集叫《Everything Dies》。應該搵我最愛metal band Type O Negative首最強single《Everything Dies》做主題曲，應晒景。
今日係十．一海難哀悼日。我只唔明幾樣野：
點解十月一日夜晚九點放煙花，半個鐘前撞船，香港罕有海難加百幾人遇難人命尤關，大台（即係CCTVB啦）可以完全唔立即大篇幅報導？我記得細個果陣如果發生同樣事件，無論當時電視播緊乜，都會立即暫停節目出突發新聞或特別新聞話俾大家知發生左咩事。而今次，唔係轉過Now同有線，都仲會以為今晚真係咁歌舞昇平咁美好，如果係受害人家屬而屋企冇收費電視台，乜都靠無線真係分分鐘家人出左事都唔知、屋企人最後一面都見唔到。
既然件事咁嚴重去到「殤」級，事發後仲有半個鐘夠晒時間應變，點解維港仲可以照常放煙花咁高興而唔暫停、延遲甚至取消？搞煙花果個係政府，當晚全港最高級話事人全部在場，要停要延好容易亦好快可以做到，維港所有船仲可以立即趕去幫手救人，到時可能唔會死咁多個。唔使話因為怕疏導人流會出意外所以唔停得之類，人人都知共派思想面子大過人命才是原因，真係怕出事，咁多年七一遊行次次人數多睇煙花幾倍，加差佬擺明唔係疏導而係封路唔俾人行段段路塞爆，都未出過意外。再者，而家遇著白事，仲辦喜慶活動更加唔應該。
同樣百幾人跌落海出事、香港有史以黎同類事件中最嚴重，大台／CCTVB點解仲可以全場煙花開開心心播足本，跟住再播國慶晚會，都唔轉播現場情況？唔好話因為最多人睇到之免費台得一條頻道所以事發現場轉播留俾收費台／高清台，我絕對相信九成香港人關心宗意外多過你放煙花同咩晚會。管理層絕對可以選擇將煙花同酒會轉到其他收費台／高清台播，主台直播事發現場跟進，而唔係而家噉因為所謂開心大日子而提都唔提、播都唔播。當然，會噉做、敢噉做，TVB就唔會CC啦。
然後梁振英可以出事兩個幾鐘之後 － 即係放完煙花差唔多兩個鐘之後 － 先去到現場。照計香港咁細、資訊咁快，仲要咁大件事，出事半個鐘內即放煙花前一定知道，知道之後一個鐘去到亦非冇可能，點解都要隔咁耐先出現？證明煙花飲酒確比人命重要。
最抵死係，點解遲大到之後事發地點見記者，講野果個係中聯辦李剛，而香港特首梁振英對白都冇得講路人甲過路人甲？不過睇日頭國慶酒會梁振英已經毫不顧忌地話俾全香港人知而家新政府擺到明係賣港同深圳同大陸合併，立即明晒。
話時話，點解十月一出事，十月二開記者會，會宣佈定十月四為哀悼日，而唔係十月三呢？香港人工作效率向來高加上特區政府擅長逼迫，冇乜理由唔可以假期後第一個工作天立即哀悼。莫非黃金周和諧穩定的忌諱．．．
6/10/2012 SAT
平日朝早起唔到身，上星期國慶加中秋長假，反而好無聊地有幾日十一點前彈起落樓買早餐食，勾返起沙牛麵舖癮，放完假開返工都居然好神心地掙扎到早起身，幫一幫襯茶記先返公司。不過而家連食早餐都開始有點奢侈，屋企果邊叫老人區舊區，都已經搵唔到廿蚊樓下一餐，最平都要$23。所以今朝向大角咀出發。
早一個小巴站落車去砵蘭街太子地段，有間食開每次返工廠朝早等老細車時都會黎攝時間，門口有個牌話「$16起」簡直皇恩浩蕩，但入到去成個餐牌睇極最平個餐都要$19，仲要細份到食兩個都唔知食唔食得飽，到頭來都係廿四五蚊先食到個早餐。不過廢事問點樣叫十六蚊早餐，除左個「起」字有好大討論空間，個牌寫到明「歡迎訪港旅客」，而一睇就知我唔係旅客啦自然歡迎我都廢事，或者下次我要拉隻篋入黎再乜話都講就係唔講廣東話，先可以用旅客身份食返個十幾蚊茶記早餐。
香港人係自己地方反而會俾自己人歧視，真係悲哀。
全家都非常鍾意食的鍋貼大王，終於壽終正寢了。國慶果排打電話叫外賣，打足成個禮拜都唔通，今日一早起身見未試過食佢地早餐就搏搏，點知經過見到冇開到閘，就知道灰了。
街坊舖上海點心黎講佢地算整得好好食，曾經何時仲要鍋貼兩蚊隻邊有得輸，近兩年加極價都$11五隻買黎送營多一流，又或者買幾隻再加生煎包蔥油餅之類廿蚊唔使質到飽。老母就最鍾意五蚊碗豆腐花好味又平。不過食最多都係老豆，因為對腳唔多聽使，間舖開正屋企後面，打個電話兩個字就有人送上門食得唔使自己行，爽到。可惜俱往矣。其實早有心理準備，開左幾年仍然冇乜加過價，地點又唔好就算食飯時段都唔係成日坐得爆，好食都冇用啦唔夠客冇生意乜都假，係估唔到正好揀著港殤日收檔嗟。
不過皇天不負難得咁早起身的有心人，跟住蕩左去間好耐未去過的茶記，居然俾我發現仲有平野食，沙爹餐腿蛋麵方包熱飲「加左價」都只係$21仲要幾好食。希望有朝搵到間食完擺低廿蚊出到門口。
近幾個月明珠台幾套一線劇齊齊大結局差唔多全線換血，雖然新一輪唔係套套得可能睇幾集就收檔（例如禮拜二八點半《Perception》），最少而家逢星期一二三晚等老母睇完《愛回家》都會搶部電視轉過明珠台目及目及先。夜晚煲劇尤其十點半場最鍾意食住睇，所以近來成日蒲士多行七仔睇有冇好野食，就俾我見到七仔入左隻韓國牌子墨西哥脆片幾過癮。
平過非常鍾意食的Doritos少少（$15有100克，好勉強地接受到），唔同Doritos冇落粉醃定而俾盒醬你自己點，幾得意又幾好玩但唔夠多，食晒包盒醬仲有五分一包要乾啃，或者得閒無事經過麥記要呃幾包辣醬擺屋企。最大問題係盒醬開左就好難收返埋，即係局你一係唔食一食就要食晒成包，相信唔使好快條腰又會粗多幾寸。
我只是一個很膚淺的聽pop的metal友，古典野對我黎講仍深不可測，單純從metal角度出發，會話呢首Hope Lies Within cover 舒伯特編曲同演譯非常出色，有metal質感同力度之餘帶得出古典氣質。而當連好多古典音樂中人都會話改得好而唔係鬧褻瀆之類，今次可能係其中一次最成功之無交響純樂隊演出metal X classical改編。
我從今以後的目標，就係收集SIU2所有簽名版CD，同佢地全部音樂會Cass簽名的flyer同poster，口桀口桀∼
（嘩唔掂，就黎厹到自己都頂唔順）
自製華田思樂冰這門手藝，越來越純熟了，經過一星期的嘗試與研究，發現冷藏2小時45-50分鐘最為理想，冰不會太多亦不太硬，較可惜是食完唔會肚屙，冇得順便射波。