紅燈山丘中英雄再遇
懷念矣。讀左二十年書，最開心最多美好回憶係98-00中五到中七。因為《丁舉人》。因為文曲星戰隊。同夠純樸冇機心的大家、癲狂的男男女女。
2000年畢業打後，大家各有出路已難碰頭，投身埋社會，更冇幾可見面，最大問題係你知劉Sir幾麻煩架啦，個個星期都得星期三一晚得閒，想其他日子約佢要一早搵佢度定檔期。難得今次星期五走得甩，身先事卒第一位六點九走上雅蘭稻香霸足一圍（遲到的朋友，唔使好奇點解今晚劉Sir食咁少了，我早你地一個鐘開始食的），更難得係 － 我認麻煩的我少出黎食飯見識少 － 正式出黎做野之後，最多人最齊人出席都算今次。
有請今次打邊爐發起人校花謝小姐。
唔係有佢美貌招徠，相信今次冇乜可能咁多人、咁齊人。
不過幕後老細其實另有其人。酒樓話，訂檯果位叫張小姐，非姓謝。
全場只得一位女士姓張。就係坐劉Sir側邊十分無奈果位。
今晚大家講最多果句係
「多謝張小姐。」
上圖是今餐劉Sir一人份的份量
劉Sir頹樣乙個。9月6日晚攝於稻香。錯過左冇影到？
唔緊要，1/1-31/12任何一個工作天，你上到劉Sir公司，一樣影得到。
打邊爐打到俾兩位靚女小．．．係咪high先？
「幾時都話劉Sir上鏡靚仔過真人架啦。」
I'm Not Okay
畢業之後冇幾可試過咁喪。約得到咁多人出現已經難啦唉。打完邊爐再去飲野，更多回憶，好多都唔記得左矣。
「讀完書出黎做野，同metal，令我失去、忘記左好多。」
下次係幾時？麻煩的我又要度度檔期。