Shape Shifters Spider Man


九展玩具日,收穫豐富,仲見到唔少無聊野,好似今集主角「變形蜘蛛俠」。
「蜘蛛俠都有得變形?」
冇錯,蜘蛛俠都有得變形?我都想知點解喎!



睇個盒咁殘都知道死貨黎啦,個貼紙寫住$30,
「你鍾意的話,平多十蚊俾你啦!」
一場黎到死貨場又見平平地,當買手信執黎過下癮都抵啦!
咁大盒野都只係三十蚊喎!
「唔係廿蚊咩?」
係本身係廿蚊!但後來條友扮晒野找少左十蚊,即係冇平過!
「灰!玩都玩得唔安樂!」



"Spider Man Transform Into Wrist Blaster!"
係我承認,因為我膚淺總之見變到形都會發癲,
先至會對呢隻「變形蜘蛛俠」有興趣!
玩變形金剛,已經玩到上晒腦!



盒背解答各位的FAQ:點解蜘蛛俠會變形。
話說道高一尺魔高一丈,為應付日益狀大的惡勢力,
各位英雄經過高科技強化,成為可變身武器型態之Shape Shifters
「噉都得?真係柒到冇J!」
係呀真係柒到冇J架!睇落去你就知道做Shape Shifters,代價真係好大架!



除左蜘蛛俠,仲有另外幾款俾你睇睇。
Apocalypse變火箭炮,冇問題;Iron Man變斧頭,都接受到;唯獨是Punisher...
「一個人點樣屈到變做枝槍呀?玩體操咩而家!」



美國玩具有個特色,就係硬係好鬼死難開,
全套玩具係一個吸塑盤包實晒,要將成個盒毀滅先拎到出黎。
都唔止喎,個吸塑盤仲要食實晒所有野食到實一實,
開完個盒,仲要再多一次暴力先拎到隻野出黎玩。



佢係蜘蛛俠。
「咪恰我唔識野喎!蜘蛛俠係藍銀色咩?」
「你果隻咩色?」「紅藍色囉!」

「因為你果隻翻版黎囉!」



未變形前,先玩玩呢個蜘蛛俠公仔。
其實唔多好玩,因為隻野實在太硬。



頭係一舊過固定,手亦因為膊頭頂實唔郁得幾多,
對腳算最靈活,只係膝頭位實在離奇。



「雷霆飛腿!」
想大動作少少,就要成隻野如圖地甩晒骹,
假使你唔介意,除左個頭之外,其實隻蜘蛛俠都算郁動得幾多。



「後面條橡筋用黎做乜?」
「陣間變形你就知架喇!」

亦因為咁神奇的身體構造...



原來蜘蛛俠除左係蜘蛛同俠,仲係一個瑜伽大師。
「死,搞到好想執番隻Punisher,睇佢點體操變槍!」



不過最緊要都係變形遮,唔係貪有得變又點會執隻野返黎?
個膊頭拉得開。拉開黎做乜?



拉開黎笠住個頭。(...)心口仲可以拉低,跟住就到戲肉...



提起對手,原來腰位收埋左對「蜘蛛爪」!



「體操王子李寧現身!」



「我跳樓!」
...冇錯,條友玩隻野真係玩到黐Q左線。
冇辦法,實在超越左蜘蛛俠範疇,當成係變形金剛噉玩,令條友頓時失晒常性。



手手腳腳再扭多幾扭扭番正,就搞掂呢個最終型態,傳說中之Wrist Blaster
點樣玩法?首先,要玩玩其他野...



蜘蛛俠仲跟埋呢套彈匣套裝,包一個彈匣同四粒飛彈。



四粒飛彈可以裝晒入個彈匣入面,推個掣就可以出粒飛彈出黎。
其實彈匣套裝先至係最終武器:你每次推個掣,粒彈唔會推出黎,而係飛出黎,
仲要係好高好遠果隻,都可謂Shape Shifters最強暗器也!



個彈匣可以扣腰不特止,個底兩個有勾,
如果你有超過一隻Shape Shifters,可以將所有彈匣用勾一串釣埋!
問題係,你夠唔夠薑噉樣抽住出街玩先?
「有飛彈即係有得射啦!點射法?」



變身做Wrist Blaster之後,用背後條橡筋戴上手腕,之後擺番個蜘蛛俠招牌手勢,
拉低心口塊甲變成之扳機,就可以學蜘蛛俠儆惡懲奸,不過只限射飛彈冇得射網。
睇見佢變左Wrist Blaster個景況,不禁同情,蜘蛛俠做Shape Shifters,都做得好冇尊嚴。
不過有冇尊嚴係佢事遮,我都唔係蜘蛛俠!我只關心,好唔好玩?




Wrist Blaster Blast Wrist Take 2

就係噉樣。概念係套上手腕扮蜘蛛俠,只不過單靠一條橡筋根本固定唔住,
唯有用埋另一隻手借力,但估唔到只不過係Take 2,個掣已經一拉就甩鬼埋!
「Take 1呢?」
Take 1係唯一一次成功,真正做到本來之效果,戴上手之後唔多使用力單手都玩到,
一拉掣唔單止冇爛冇壞,粒彈仲立即射出,快同遠得黎係大力到射中人會痛果隻!
不過當時冇拍低,因為冇預過隻野會化學成噉,玩得一次就收皮。國貨萬歲!



所以我寧願當初佢直接同我講,佢唔係變咩「爆腕器」,而係變一隻蜘蛛型怪物,
噉我反而覺得仲合理,同仲配合蜘蛛俠身份 - 雖然都係戇居。叫做冇咁戇居噉囉。



「噉樣係咪順眼得多?」


得一次成功發射,不過單一次已經領教到,呢個彈射器攻擊力比預期中強好多,
假如唔係噉樣射一次就收皮,係一個「認真」之射擊玩具,一班人每人一隻互射會好過癮架!
只不過,唔係撞正死貨場噉樣二/三十蚊隻,我都唔會貪過癮執囉呵呵呵呵!