福腰巨人

自從遭到變形金剛荼毒,而家放工同行街經過玩具舖都會留意一下,行現具舖之動機更甚於唱片舖。有日放工,行過公司樓下商場,估唔到而家連舊區玩具舖甚至報紙檔都受到變形金剛入侵!



Huge Extremely!
巨無霸 最強戰士 超級變形!



呢隻巨無霸就係博派基地。冇錯係博派,但係...
「...狂派???」



做得基地,自然係超級巨型啦,玩具都有成差唔多兩尺高架!
「...邊有咁大呀?」
呢隻復刻版黎嘛,細四份三,咪當住係WST版玩住先囉...



雖然有咁多支炮,但係你從來未見過佢會用,因為變形金剛傳統,
變機械人,只會打埋身,而激光炮射幾多發,都只會頭頂飛過...



呢隻「巨無霸」一共有三個變形,大部份都係見呢個城市型態。



機械人通常都係最後關頭e.g.最後一集先會變,即係變親都係大鑊野。
所以個劇情進展通常係噉:狂派襲擊,博派成員同基地迎擊。



變機械人時唔會用,所有火炮都集中落基地防守。
「如果都唔夠抽,點算?」
博派次次都係噉架喇一定唔夠狂派抽,未到時候變機械人,都仲有一個變形:



「戰鬥要塞!」
呢個係攻擊型態,通常一出到要塞狂派就唔夠抽,然後就會派番佢地個基地出黎,
互射一大輪激光都射唔中/射唔死對方之後,兩個基地一齊變機械人,肉搏。(...)
作為博派英雄,「巨無霸」當然係全個正派最強最重要角色之一。不過...



「...狂派???」
喂真係好唔對路喎!點解會噉?立即拎番本說明書,即係包裝紙背面...



睇睇左上角...
「...我明喇!」
有冇人記得,變形金剛有個角色係無間道,可以分別變成博派同狂派機械人?
原來巨無霸亦一樣!仲要係新一輯變形金剛"Autobot Vs. Toolkingbot"新角色!



話說除左博派同狂派,宇宙中仲有一個神秘機械生物種族,叫Toolkingbot
垂涎地球豐富能量蘊藏量,想侵略地球,
但採用智取方法,派出巨無霸同時潛伏於博派同狂派之中煽動雙方,
待適合時機入侵地球,漁人得利。名字當中,暗藏玄機!
狂派時,名Huge Extremely,「狂大」者,狂派也;
博派時,名Huge Not Despot,「龐而不暴」,仁者,博派也。

其雙重身份令博狂兩派暗湧處處時,Toolkingbot就會君臨天下!
「...喂你係咪打C&C打到傻左呀?」

(有玩C&C,你就會發覺呢個"Autobot Vs. Toolkingbot"原來同C&C好似,呵呵)


第一版玩具,起碼十幾年前,想搵都搵唔到,除非,$:
$5,000
仲要係貼晒貼紙加缺件之二手價。係呢隻Huge Not Despot百倍以上。你會點選擇?
我會選擇...兩隻都唔買,因為其實,我對呢隻野冇乜興趣(呵呵呵)。