公司或者落客度見到唔要嘅lan線，我都鍾意回收自用，就噉掟落垃圾桶好浪費嗟，反正唔要俾我褪咗外面層橡膠皮留返入面啲銅線，一條四對八芯，拆返開可以當最少四條紮線，用得唔好晒。

不過通常最後都唔會用，因為捲吓捲吓就覺得紮到咁鬼靚唔想整散佢，就變咗擺設放檯頭，隔一排唔記得咗就唔知塞咗去邊，又或者俾好有手尾的阿姐清鬼咗，結果都係掟落垃圾桶。