到步兩日之後，件行李終於返來了。遊歐洲三個禮拜雪都冇幾粒，一直恨佢落，結果上到飛機立即一次過落晒三星期份量，個人俾航空公司趕落機的去酒店，行李就扣機扣左兩日，最後仲唔知點解我飛返香港，個篋反而去左阿姆斯特丹。不過國泰確係堅，星期二落機立即登記，星期三收到電話話件野身處荷蘭，星期四已經拎得番，仲要免費送到上門，聽老母講唔係間間咁好死，我阿姨試過又係寄失行李，港龍話要收百二蚊運費，谷鬼氣自己搭巴士去機場拎來回都唔使一舊水啦。國泰除左空姐正＆飛機餐好食之外，服務都係冇得頂。亦好在隻篋返得切黎，需知劉Sir長袖衫來來去去得幾件，差唔多全部帶晒過去，唔快寄返俾我的話，就要好似滯留倫敦時噉，一套衫著足四日了。

今次歐洲遊真係乜都玩晒，連大風雪封機場返唔到香港再寄失行李都經歷過，只差仲未親身訓機場過夜。但睇怕應該再冇乜機會去玩同試了。