麥記咁多年黎咁多個新包，除左黑椒漢堡（只限唔係厚初牛肉的舊版），最新個（所謂）德國風味辣雞堡係第二個我難得覺得好食同抵食。其實唔明跟關德國咩事，總之好食啦兩塊雞扒同芥辣味酸辣汁加大大個包，唔明點解要夾兩款雞扒咁多（薄果塊雞肉漢堡，好食過厚果塊辣炸雞），但成個包夾埋夠多餡夠大個，而家麥記好難得有食得飽人的包。係唔鍾意咁大個包但芝士細細塊，同加大先有得食芝士粉薯條，好食但太少粉，起碼要俾兩包先夠。但以如此味道同份量，加完大先至$35，以當今物價同麥記瘋狂加價黎講，難得地而家麥當奴仲有一個餐你會覺得唔算貴。

同好在而家麥記重推八蚊個豬柳蛋漢堡德政，先可以食得更慳。因為個雞堡夠飽，叫個餐加多個柳蛋，薯條同汽水留番一半，夜晚就可以有個豬柳蛋漢堡食，就可以$21.5食一餐回到Ｎ年前了。