傳說中太空可以見到的建築物有二，一是中國萬里長城（後來被證實吹水），二是Yngwie Malmsteen出live的Mashall amp城牆（拿唔係我吹水呀係佢自己講架，唔on9又點稱得上正宗rock star）。第三樣呢，我起緊。正確黎講係打算起，但失敗左。

雖然電子展之前個禮拜先關我事，放假都專誠過去行行，過去睇有冇野執之餘，今年紀念品唔錯有小喇叭同4G USB手指，相比成日送唔多等使立雜野，質素同實用性幾乎拍得住旅行插頭（幾乎嗟，有得揀點都揀換旅行插頭架喇），上個禮拜展覽會姐姐派落加主辦單位寄黎夾埋夾埋大大疊coupon，行fair順便盡盡本份換紀念品。兩間公司身份亦有證，換左一次拎左兩隻，本來坐到幾十尺遠個經理定唔知咩立即衝埋黎狂鬧睇檔班小妹妹「一個人只可以換一個！」見到風頭火勢梗立即閃啦。不過淆還淆劉Sir都是憐香惜玉之人換一次就算廢事班妹妹仔又俾人鬧，就連USB手指都只拎得一隻，本來仲諗住用無限coupon起小喇叭城牆，冇行了。

身為四月頭兩個禮拜參展商兼買家，我感想係，今年展覽人流同會場服務質素已經回晒塘，最重要幾瓣搞唔掂（都仲未同你地講囡囡質素，雖未至於似幾年前唔合格但亦不見得好得去邊），而家仲連少少野都咁度縮，點平息到點民怨呀。好多就學其他公司投資多少少當PR啦。