每週一相片大行動

2012 Week 15




做咁多年fair,第一次會靜到有危機感,可能搭正四日復活節假加星期六日,但連劉Sir咁懶都會覺得靜過頭仲慘淡過歐洲,就真係大鑊了。不過相反劉Sir唔會投訴仲要大讚特讚,除左唔使做(...),金融XX個市回晒塘後,今次難得紀念品終於似番紀念品。


通常送得俾你都唔係咩名貴野,杯杯碟碟唔等使野少不免,今年主打居然係所謂零售$280的香薰燈,仲要吸一個印就換得唔似以往上天下海集齊N個印花再去神秘地點換領仲煩過野外歷奇,可能主辦單位都知道今年市差檔期勁差,就落重本等你班友(劉Sir嗟)顧住搶禮物唔得閒搵佢地嘈個展點靜點唔掂。係換黎都冇用,上年送旅行插頭實際得多起碼換返黎用得著,香薰燈真係分分鐘扮孝子送俾我老母都俾佢嫌阻定,但係


「原價$280而家唔使喎!換黎留番過年當新年禮物拜人時扮豪都抵啦!」


另一樣就差少少,所謂限量2000份個紀念品,係電話download TDC個apps之後去地下大堂用coupon換,點知download左都唔係立即拎得禮物走得人,仲要聽LED裙姐姐講解晒個app點用再scan個PR code開account先正式完成,都未走得佢會叫你再download另一個app,再講一次,之後先俾紀念品,分別有一枝筆同一枝好暗的電筒,即係我第一次做fair派到今年都係呢兩枝野,可能佢地存貨多到TDC執笠果日都派唔晒(所以我先唔信限量2000份呀)。等我又求又呃又偷拎左十幾張coupon返黎。之前提過,展覽會的囡囡質素,絕對同當時經濟市道掛勾。今年經濟,睇黎未衰得晒。


俾LED裙姐姐舞左我三個字先拎得兩枝野,好在回程俾我撞到有姐姐派免費小食coupon,一去到剛剛好撞到人手製朱古力曲奇餅出爐新鮮熱辣,食完個KFC早餐兩件餅可以當甜品,先下左道氣。係唔及法蘭克福奶茶咖啡華田何力任你飲咁開心囉。幾時有免費咖啡派?成個場俾我兜晒,再唔俾我醒醒神,個場咁靜好快就會ZZZZ


雖然下星期電子展,唔關我事加星期六日,都會無聊走過去八八,見今年紀念品好左囡囡又靚左,除左目及promotor仲順便呃飲呃食呃禮物,騎騎。




每週一相片大行動.綱要




Sir個網

lau-sir.com


Sirblog

http://hk.myblog.yahoo.com/lausirisual