海景粥店一早blacklist左，除左扮海皇扮到足（繼阿龍咖哩之後又一本地厚顏無恥山寨代表），野食唔得又收得貴，好多年前旺角茶餐廳食個客飯只係廿頭至廿中時，海景一個普通茶餐已經收你差唔多三十，仲要唔係多唔係好食，之前仲有蒲皆旺間唔中都會幫襯始終樓下就係夠方便，之後入都未入過，見到呢個餐蛋麵廣告先諗番起海皇同海景兩家。

對我地住舊區食茶餐廳大一代黎講，餐蛋麵係人間美食，簡單得黎好味，份量又剛剛好夠飽肚當正餐早餐下午餐宵夜都可以，價錢仲相當平民化價廉物美，今時今日任何時間任何地點你問我最想食乜，我都會答你「我想食個餐蛋麵。」之前《蘋果》講有間餐廳$68一個餐蛋麵已經on9，起碼有所謂全自家製做gimmick，跟住輪到「正版」的海皇一個餐蛋麵賣三十幾，又有乜花臣？就噉睇賣相份量同普通茶記出品冇分別，一丁麵飛水蛋可以走黃叫過癮不過冇意思，至於餐肉標榜「厚切」，見過有兩種食物做過同樣標榜，一樣係薯片，一樣係2011版黑椒漢堡，經驗是叫得自己「厚切」多數唔見得比平時多幾多亦普遍唔好食，未食已經輸左，海皇都唔係好得過海景幾多到頭來。夠薑講到只售$33，講緊單買而唔係套餐價錢。憑乜野賣到咁貴？

「你塊五餐肉係咪夠我食五餐先？」