在這去麥當奴食個包貴過你落茶餐廳買個飯盒的年代，旺角火車站橋底龍津仲可以位處全港最貴地段賣兩蚊一串魚蛋，活脫是時光倒流到廿幾年前小學時，放左學幫襯街邊推車仔個半一串魚蛋八粒好好食美好歲月，果時煎釀三寶都只賣五毫子一件，廿蚊雞執勁大袋魚蛋香腸豆腐番薯當飯食，是童年愉快回憶。而家仲能夠搵得到平均一蚊一粒魚蛋都難，更莫講一蚊有半串，諗番起小西灣果邊，成個商場全部賣平民美食，食飯平小食更平大大份街坊價，個半一條腸三蚊魚蛋四蚊牛丸邊度有？最重要平得黎超級好食，次次過黎睇show，就算食左飯都特登走過黎篤幾串支持一下順道懷緬。

冇幾可會有龍津呢類良心檔，而家只有殘樓舊宇樓下細細間舖頭仔可以做得到咁價廉物美，所以我打死都住舊區。