劉家的新年活動，每年第一個禮拜日必去拜山。點解咁神奇就真係要問我老豆先知。對我黎講只叫好過暑假三十幾度上山囉。

通常拜老豆果邊兩個，屋企果頭準備晒買定野先出發，今日望到先諗起，係喎，屋企樓下呢間揚名全港的麥記（英文名McInferno），開左好多年已經，相信一早俾其他人尤其高登仔玩到爛晒，住佢附近的我反而一直冇講過。第時大家想食麥記、想開生日會，黎我屋企呢頭啦，唔使客氣請我架喇，我自己食番對面果間人間麥記就夠。一條街兩間麥記滿足晒兩個市場呀。

（其實拜山尾站係柴灣，拜完真係肚餓想食野，諗住順路搭地鐵過筲簊灣食近排紅得可以的高登炸雞，不過幫完先人修飾墓碑後成手金油（Shining Finger！），第一件事係返屋企洗手先。筲簊灣真係好鬼僻，如果高登炸雞唔過黎九龍開分店，我諗等到下年個新年先再有機會）