每週一相片大行動

2010 Week 44

Trade Show Special Day 4




前兩年燈展,特備節目是撞Metalium bass佬Larz。冇乜人識的佢生平相當傳奇,八幾年入德國cult band Zed Yago開始音樂生涯,歌手係個四十幾歲師奶,本身唱blues不過鍾意metal,就搞左Zed Yago玩dramatic/epic metal,Larz俾佢招入隊時後生過佢廿年。隊band紅到打出德國去到西歐,之後內亂分拆成兩隊Zed Yago鬧到上法庭,點知居然判個師奶歌手輸左,唔用得自己隊band個名,就帶Lars同鼓手另組Velvet Viper,九幾年頭出兩隻碟就散,當時metal潮流已被grunge打垮了。跟住幾年入其他band玩下,98年終於組成正式屬於自己之Metalium,任領隊、作曲、填詞加開左間錄音室做製作。《Millenium Metal: Chapter One》有明星班底撐腰,成為1999歐洲最暢銷metal碟之一加年度最佳新樂隊登場作,1999至2004四隻碟已經係當今power metal經典,舊派得正宗heavy metal得黎夠thrash,同技術高但永遠創作及音樂性行先取得平衡,更重要歌手唱歌唔係基佬式高音或太多假音而本身真正夠厚夠恆。另一佳話是隊band次次出碟一定要叫《Chapter X》,同樂隊名、歌名、歌詞加概念專輯故事將metal個字玩到cliche無可cliche。仲有佢地早期演唱會,要著印住成件盔甲的緊身衫玩晒cosplay出場,笑到爆。(喂,metal本身就是一門極端文化嘛,如非絕對hardcore投入加實踐,認真你就輸了)


2008出到第七張大碟《Incubus: Chapter Seven》,已經計劃第八隻碟寫歌錄音加重出《Chapter 1-5》。某程度上佢已經係個rock star。點解仲要出黎撈咁辛苦、點解會香港撞到佢?power metal型式局限始終大加Metalium頭威太勁,要維持得住好難,《Chapter 5》已經係最後佳作,要完全靠樂隊維生尤其藉早被melodeath及gothic等排擠已非大主流之power metal非易事。其他成員一係教音樂一係做session,佢為享受生活移民過西班牙,一個就算你返工時訓覺都冇乜大不了的國家,到步後重操故業開錄音室,撞到人問佢識唔識整燈光?其實完全唔識不過係唔係都扮晒識先,因為冇經驗返屋企上網搵幾間大陸廠落單就算,貨寄到先發現極度垃圾,嬲起上黎決定自己出馬,導致誤打誤撞開左間燈飾公司做左劉Sir同行,加公司開業一年首次踏足中國,就於2008香港燈展偶遇劉Sir了。


話咁快過左年,09九月底又出新碟《Grounded: Chapter Eight》,一個月之後又黎09燈展搵劉Sir了。新碟回勇諗住樂隊終於再上路,點知又隔一年今次新聞係Metalium要散band了。佢地會舉行一連串告別演出,正正展覽之前個禮拜開始西班牙第一站四場,巡迴歐洲到2011年初再作打算,決定真係解散定繼續落去,所以今年燈展黎唔到香港了。其實好灰,power metal黎講佢地實力屬一線,頭五隻碟都可以叫做經典,但知名度一直只得二三線水平,當整個潮流不再追隨power metal、清聲唱歌反而俾人鬧,佢地四十幾歲人又要生活又要顧家室,仲想堅持落去,難捱矣。




每週一相片大行動.綱要




Sir個網

lau-sir.com


Sirblog

http://hk.myblog.yahoo.com/lausirisual