「Wacken Open Air地點係郊外，要去到郊區至有咁大場地容納咁多人，同點嘈都得嘛！
由城市一條大直路出，剷到最尾就係呢條村仔！」

「其實睇一次唔係好貴，睇晒四日先係港紙一千蚊！睇到咁多人咁多band，好抵！
我會黎除左鍾意metal，仲因為我女朋友，佢係個超級BATHORY fans！所以一齊拍拖黎睇Wacken！」

「一睇就知係metal友，清一色黑衫band tee，黑褲、牛仔褲同軍褲，真係好多人！」

「雖然全個活動係四日，但第一日係燒野食開party，跟住三日先至係正式演唱會。」

「睇下幾多人？全場最少有七萬二千人。咁大煙，因為場地火燭，ｄ煙由右手邊飄過黎。」

「台上表演緊係NAPALM DEATH。佢地係咪會黎香港？」
Sir按：「算啦！雖然佢地係超出名、外國無人不識，但黎到香港，有幾多靚仔知佢地乜水？」

「夜晚去左個細場睇KAMPFAR，一隊WINDIR類viking black metal。」

「佢地live非常好睇，特別係WINDIR fans，更加唔可以唔聽佢地。」

「因為係郊區，出番市區要搭好耐車，交通又唔方便人又多，所以一連幾晚我地同其他人都係紮營訓覺。
睇音樂節，呢個情況好普遍。」

「訓到第二朝早，一起身又開始睇metal表演，十一點鐘就開始架喇，直踩到夜晚三點！」

「MOONSPELL，我地祖國最出名樂隊！」
「此話可解？」
「你去其他國家ｄCD舖會見到MOONSPELL，但唔會搵到其他葡萄牙樂隊或者歌手ｄ碟，佢地仲唔係最出名？」

「MOONSPELL可以話係gothic又可以話係doom甚至有ｄblack，新歌近番black果邊，唔錯！」

MOONSPELL@Wacken (very short) clip
「都知大家睇相唔夠喉，整多段片你地！雖然好短，睇完可能更唔夠喉！」

「DIMENSION ZERO！超明星thrash death組合！live睇佢地好爽！」

「你睇班友撞到咁興起就知！」

「DESTRUCTION！！！佢地簡直係台柱，出場時全場擁晒黎睇佢地！」

「係咪好似多左人？係呀，今場Wacken佢地特別安排，唔止係佢地自己．．．」

「而係一次過出晒差唔多全部ex-member！所以台上面企左成班人，仲有三個鼓佬一齊打！」

「真係好好睇！仲要成班人台上面玩喎！夠晒特別！有幾多機會撞到？」

「仲連佢地個招牌屠夫都出埋！幾隻碟封面都見到佢！」

「個肥佬真係真係好似唱片封面個屠夫！佢係DESTRUCTION吉祥物！」

「唔止屠夫，連拉拉隊都出埋！自己睇啦！」

「Wacken就係好睇在一日睇十幾隊band，同一次過可以睇晒好多經典勁band！DESTRUCTION只係個開頭！」

「一睇就知係邊隊！唔使我講啦劉Sir？」

Sir按：「我的最愛，『芬蘭band』TYPE O NEGATIVE！佢地ｄlive真係好睇同好笑！」

「睇睇下，唔覺唔覺就差唔多天黑喇！跟住到好多人特登為佢地黎睇今年Wacken之一隊．．．」

「．．．雖然影得唔清楚，一睇就知講緊邊隊啦。」

「佢地勁呀，由黃昏玩到入夜，因為係重組再玩，勁多fans專登買飛支持佢地復出。」

「入夜黑媽媽，唔怕，台上面好光，話晒black metal一定要做一樣野：」

「噴火！大家睇black metal同睇IMMORTAL，都係為撼動呢一刻！」

「噴火睇圖唔過癮？睇片又如何？」

「真係好肥．．．都係老野一班喇，仲堅持black metal落去，值得尊敬。」

「今晚最後一隊，亦係而家歐洲最出名一隊。火焰logo，知道未？」

「全場最多觀眾同最燦爛燈光，同大量玩火，諗到未？」

「就係IN FLAMES，可能係當今歐洲最賣錢metal band。雖然我唔鍾意佢地而家ｄ歌，但講玩live佢地冇得頂。」

「七萬幾人塞爆，隊band一叫觀眾著火機，場面好壯觀。我企得太後，前面火海中睇壯觀得多。
送多幾個video俾大家：」

「"Free Fall"，"Reroute to Remain"最pop之一，聽唔好聽，live好玩囉。」

「"Come Clarity"，新碟主題曲，段solo回歸佢地早期超旋律。
新歌鍾唔鍾意一回事，隻新碟確係回勇之作，即使仍然係玩modern，唔係哥登堡。」

「想知IN FLAMES而家有幾大？你見過metal band出騷會放埋煙花未？
搞到我以為自己去左迪士尼！相信煙花係會場俾錢包辦。大band係要有番ｄ台型。」