雖然韓國嚟緊禮拜日仲有Judas Priest，但睇完Arch Enemy就返歸，因為香港反而仲旺今個禮拜已經有三場，落機第二晚已經有得睇了 — 當然，更大原因係唔使做咩，手頭上個project已經撞deadline，請假去旅行又點，過到韓國咪又係落個客度坐remote返香港做嘢，仲放多個禮拜至走的話，直頭唔使返啦直接放長假都得喇。本身十號都請咗假，但今晚既然出得HA，本身都觀塘返工位置差唔多啦，又見上星期個客度坐埋最後一日之後同事冇乜回應，雖然瞓到十二點幾至起身仲係超攰，晏晝都落一落個客度望望先，發現我冇再跟之後果然差唔多乜都冇執過，大家都等我返嚟先繼續開工，果然是好同事。然後下星期又另一個deadline，乜都唔理，thrash完至算。

其實之前一晚至知，原來今晚多咗隊日本grindcore Tainted DickMen，第一次見識真正的撚樣結他，彈solo時對手加埋表情十足打飛機噉撚樣。香港地真係好難有機會睇到grindcore band live，音樂又唔係得個衝字，同人哋日本仔夾band，玩到點快點爆點恆，成隊都係粒粒音都齊整得嚟清楚。夾band出live最緊要嗰樣，其實係穩同齊。

慘慘豬，算撚數啦，冇人識你喎。但好開心見到香港有band玩tr00 thrash加唱廣東話，同歌＆riff都寫得不錯。雖然仍然唔撚識你。

Warbringer已經第二次嚟香港，上次差唔多時候仲有Havoc，但Havoc一隻碟比一隻碟回塘，場show悶到我，Warbringer相反由頭衝到尾超好睇。今次知道亞洲tour之前換咗人，冇諗到係得返歌佬同結他佬換足三個人咁多，但作為新班底第二場show，每個人自己技術都勁（我只覺得鼓佬有時唔太跟到），全隊夾埋亦唔會好似一班session友圍威喂嘅感覺，大家好多郁動走位，表演得好好睇。但換咁多人加以之前寫歌個主將走咗，嚟緊新碟先見到新班底真章，希望唔會好似Havoc噉收晒火就得，當live仲玩得咁好時，我希望下次再嚟香港嗰陣live同音樂都掂呀。

9up咁少，其實都係想搵個藉口出張春袋結他嗟，之前一日落機，第二日立即返工再夜晚睇show，真係好支力架，跟住幾日仲有兩場嚟緊呢。不過今場要講係聲好咗，頭兩隊聲做得比我之前HA睇嘅幾場metal gig好好多，三隊中反而Warbringer最唔穩定，好多時推到剛剛好時突然推大或者推細，搞到幾樣樂器音量成日變嚟變去，聽得有點辛苦。總之Suffocation嗰場可以推到最少今晚頭兩隊級數，我已經好滿足架喇。