ATTENTION TO PISS
Punk，佢地玩果時我係出面派緊King Eternal Live傳單，到一半先入番去。印象唔多深刻。

NOTHING NONE
Nu-Metal，都只係老問題好似輝爺打鼓成日都打得太小心唔夠放同歌佬把聲唔夠入咪，保持水準，不過始終都係灣仔果次玩得正ｄ。實在出騷出得太密喇，好似我呢ｄ差唔多有親你班友都逢騷必到者ｄ歌都煲熟晒，係時候出新歌喇喎。

天譴九歌 LAMENTATION
來自台灣之gothic metal樂隊，女主音Luis係閃靈 CHTHONIC（前？）keyboard手，真係黎左香港都唔知，部腦死左搞到琴日先知道今晚會有佢地。音樂同技術都唔錯，只係得一支結他搞到好多時唔夠厚，女主音唱得真ｄ過飄有力番ｄ會更好，因為佢地ｄ歌唔短而且台下ｄ人都唔似多聽呢類野，咁玩意境都悶親唔少人，不過佢地風格就係噉。有ｄ人投訴佢地ｄ聲做得唔夠好，聽得呢樣時聽唔到果樣，其實個個都衝晒去台前但係主要ｄ喇叭都係對台中出聲（特別係主音），聽得個台聲梗係唔夠靚啦。睇完天譴九歌表演，都唔使擔心THE ETERNAL果晚ｄ聲會搞唔掂，其實蒲窩ｄ野都幾靚。

218
Punk Pop，有fans係台前跳晒舞架（雖然得幾個）。玩得唔錯ｄ歌都寫得幾好，我幾鍾意呢隊。

VENOMOUSUICIDE
Nu-Metal，個名就聽得耐（佢地個名係讀venomousside唔係venomoussuicide，我都唔知點解唔好問我），不過今次先係第一次見佢地。KORN？成隊都唔夠火，特別係個歌佬，唱得好軟。印象麻麻。

DEPARTING CROSS
Black Death Metal，唔少人今晚係為左佢地而黎，例如上TRHK淨係買brutal death果兩個尼泊爾人。我本身唔係太多機會睇到佢地出騷，係好耐之前審判日同上次R.A.M.B.O. soundcheck果陣睇過下，今次先係第三次睇，不過印象十分之好。玩得好紮實，ｄ歌變化亦夠多，最後兩首歌最鍾意。DC班roadie同天譴九歌結他佬企晒去台前fing，不過我硬係fing唔落，冇長頭髮fing起黎硬係覺得爭噉ｄ野fing唔到。

MILK & COOKIES
全晚唯一一隊鬼仔band，五個都係菲律賓人。之前未睇過佢地，見到呢個名以為會係玩emo/folk果ｄ野，點知原來係Nu-Metal，仲要係恆果隻，雙MC，有一個玩埋非洲鼓（雖然冇乜明顯效果），台風同音樂都十分之唔錯。睇黎各位觀眾都好熟悉佢地一開波場中間立即起鬨撞到爆，所以一開始唔夠十秒立即比人撞左去場邊，連個MC都飛埋落台一齊撞 － 說來慚愧，聽／睇metal咁耐，今次先係第一次真正見識到mosh pit之厲害。不過有個問題：
「點解係鬼仔band先肯郁／撞？中國人band就點恆都唔多願郁？」

講成功，同上次城大「弦極聽典」百幾人大騷比當然冇得比啦，始終果個係市區＆隊隊明星實有fans保證；雖然今日超大雨，但係最後都有五六十人（應該唔止忝），我覺得十分成功架喇，不過聽（應該係）Dig Project高層阿Joe（都應該係咋我都唔多記得佢個名，又廢事叫人阿Dig咁衰仔）講，
「上一場仲掂呀！」
連有上一場都唔知忝（場騷叫得Dig Two就實有Dig One啦）。點解人人搞騷都咁掂，係我地TRHK搞就冇人肯睇蝕到仆直？呢個故事教訓大家，千祈，唔好玩metal，玩親冇前途。