我們咸是港燦續集 之 我們仍是港燦


冇幾耐之前,107帶大家見識深圳的同胞如何富貴過香港的各位。好快,又有機會見識番香港式富豪。
以下係107口傳、108筆錄之豪華遊錄。



「你知我賣緊d埃及能量幾犀利先得架!都不知幾多信徒俾我踢左入會!
即係新鴻基想搞個文化展,都要打個電話俾我,求我借d埃及信物俾佢地呀!
...其實打電話去求人果個係我黎架,我求左好耐喊晒口人地先准我去架!
警告你條衰仔唔係好你個網度爆響口呀下!」


「今日我地黎到香港地豪宅地段之一:珀麗灣!」



「珀麗灣即係邊度?拿!見唔見到?咪就係天橋底囉!」



「新鴻基包起左成個島起柏麗灣,青馬橋有條專線分支轉落黎。
因為全個島都係新鴻基管轄,只有住客先至可以係度活動,
亦即係no money no talk,你唔係住呢度,入都唔俾入!
我今日入到黎,你知唔知新鴻基求左我幾耐?...係我求左新鴻基幾耐?」



「噉點解我會黎到柏麗灣?拿!識唔識睇果兩個字?
我地文化人,當然會出席咁有文化之場合啦!」



「呢度耐唔耐都會搞下住客活動俾各位街坊,今日係世界文化展,
我作為埃及能量代言人加埃及信物香港區分銷商,又點會少得我?」



「呢個就係我個攤位喇!提醒定各位朋友先!
成日俾劉Sir唱衰,我都知而家有好多人俾佢誤導而好唔妥我!
拿!講定你聽,在座呢位唔係我本人,係我partner黎!
即係你點樣打我都好,第時行街見到佢的話,你點樣打佢虐待佢都唔關我事!」



「呢批就係傳說中之埃及能量信物喇!你感唔感受到震動?
感受到?噉你就仆街喇!呢批貨都未開光!白痴仔!
雖然我都唔敢保證,開左光之後你會感受到果股能量!」



「生意好唔好?直頭拍得住皆旺啦!你睇!
人地個個攤位都咁旺,唯獨是我地呢個,得我同我partner兩個咁大把!
冇理由丫!劉Sir冇黎喎?」



「都冇生意,坐皆旺就話可以過隔籬舖笑九劉Sir遮,呢度好悶!
好在其他國家攤位有便宜貪,好似德國就梗係做德國肉腸啦!
嘩正宗德國貨係唔同d,好食過我地食開果d好似新明威多多聲!
買就唔會買架喇我!係噉走過問人拎試食就會!吹咩!」



「食完之後仲有得飲,呢間Beck's係度做推廣,免費任飲啤酒,
好似呢杯唔使錢送左俾我,跟住派派下做兩蚊杯,再跟住五蚊杯,都係抵飲!
仲要係好大杯,多過人地一杯成倍,而最重要當然係個啤酒妹好鬼死靚啦!」



「有幾靚?拿!見唔見到果個靚女呀?
呢!果個呢!著住短裙好鬼死短果個呢!
冇正面睇!噉先至有想像空間嘛!而家對腳唔好睇咩?
唔同你講喇,個啤酒妹真係好靚,等我出去搵佢影相先!」



「...嘩估唔到佢咁多fans,想埋佢身同佢影張相都咁難!
行到出黎,順便睇睇人地d攤位,有另一檔埃及野有得食埃及薄餅。
...難食到嘔!」



「真係好鬼難食,立即過黎雲南叫碗米線中和番下!」



「大會安排每個攤位有一個女promotor,越南果個幾省鏡架!
我好想同佢影張相架,但係佢話唔鍾意癡漢偷拍,係都唔肯俾我影!」



「唔俾我影咪唔俾我影囉好叻咩!我影呢個越南妹!」



「黎到荷蘭,個攤位幾靚喎!唔知個promotor點呢?」



「嘩!!!」
「你感唔感受到果份震撼?唔小心影到佢,我個樣仲無奈過呢位荷蘭妹!
立即走返去我自己個攤位先!唔知我個埃及小姐又會係咩級數?」



「嘩!!!」(劉Sir按:明顯地冇咁震撼)
「你知唔知呢位埃及小姐最大貢獻係乜?」



「唔係叫你地留意路過的各位妹妹仔!而係呢個布公仔!
呢隻所謂『木乃伊』,就係我地埃及小姐傑作!」



「睇開松浦亞彌的我,實在對今次大會委任的promotor感到有所不足。
走出黎影下豪宅好過啦,好似屋苑樓下呢個露天茶座,
係度吹下風曬曬太陽飲杯野好舒服架!」



「風景好又唔迫,住市區邊度有呢種享受?」



「最正都係呢個沙灘,水清沙靚仲要冇垃圾唔迫唔嘈,知唔知點解?」



「因為呢個係私人沙灘黎,只有珀麗灣住客先可以入黎玩同游水,
新鴻基噉樣管住,冇我地呢d閒雜人等出出入入鬼殺咁嘈,梗係環境好啦。」



「一場黎到,點都要留個念!
潛入私人海灘幫青馬橋影左呢張靚相之後,立即著草逃避實Q的追殺!」



「好在撞到表演項目開始,立即混入觀眾人群之中,先至得以順利脫險!
聰明的朋友會見到,點解話係世界文化展,居然冇最重要果支埃及旗?
因為唯一一面埃及旗,放係我地攤位度!拎左出黎我咪冇?新鴻基都冇得傾!
就連埃及總統都要特登打電話俾我,叫我借支旗出黎,
但佢講一大輪埃及話我都唔知佢講乜春,結果咪冇俾到佢囉!」



(肴底地)「夠喇阿叔走架喇我!」



「古有姜太公釣魚,今日細路踩單車!有條靚仔,我留意左好耐!
就係呢條!見唔見到佢架單車?簡直係高科技結晶!
佢將單車同滑板車兩者二合為一,無需任何齒輪制動,完全人腳控制!」



「唔好以為呢部人力單車好渣呀,個細佬踩住架野飛咁快,
全場走黎走去寺左成日!快到連呢條友本身踩緊單車,都要落一落車免遭比較!」



「細路!架車邊度買?」
「想出車?落我車行啦!」

「跟住個俾左張卡片我,就調頭繼續飛車!
果然係富豪住宅區!真係臥虎藏龍!」



「雖然上次上深圳,令我對大陸充滿曈暻,好在新鴻基令我自省,香港仲有得救!
環境同設施都拍得住外國,立即問問係度買個單位幾錢?
...尺價$5000,一個四千尺單位,售$20,000,000。首期都俾唔起。
但用同一筆錢,已經可以上大陸收購成個豪宅屋苑。」


「...我地仍然係香港人。」