黑椒反擊戰 之 青檸黑椒雞翼
(special featuring: BlackWine@Don'Touch!)



踏入2008中,麥記同雞記鬥得難分難解。大家鬥食老本,麥記先推出一大堆唔記得有乜野後,雞記芝士波失色左少少,但好快有雞包反擊,引來麥記都要出番個幾近一樣之雞包抗衡。跟住日式咖哩雞扒飯珍珠特別版一出,麥記先得個將軍漢堡迎戰,加多隻蛋玉子版笑死人,要到最後皇牌黑椒漢堡再加重雙層才能力挽狂瀾。因為我覺得黑椒漢堡係麥記最最最好食個包,KFC今舖點都贏唔到,但顏面問題迫住迎戰,唯有拎番多年前的黑椒雞翼出黎,黑椒鬥黑椒。


唔係新野,以前都出過黑椒雞翼,正餐每隻加五毫字就可以升level做黑椒雞,印象非常好食,夠香夠辣,不過供應時間相當短。以前都有俾舊檸檬你加汁落雞翼,不過今次焦點好似放到青檸方面,另除左同樣可以加錢轉雞,仲承住今年明撼麥記新戰略,新口味套餐大份過正餐之餘又平過正餐。青檸黑椒雞翼餐有三款:

  1. 青檸黑椒雞翼一隻 + 大白汁雞皇飯 + 粟米 + 葡撻一個 + 汽水 = $33
  2. 青檸黑椒雞翼一隻 + 已成固定菜式之大雞堡 + 薯格 + 汽水 = $29.5
  3. 青檸黑椒雞翼一隻 + 細辣雞翼兩隻 + 薯格 + 珍珠雞球 + 細蘑菇飯 + 汽水 = $29.5

我份人係既縱且枉,雞皇飯好食但配菜唔多未夠興趣,雞堡夠大但自己唔多鍾意,最後個餐成堆雜碎倒埋一盒就係,一睇就知合晒垃圾食物狂劉Sir心意啦,加上最平,就叫呢個,腦都慳番。




以上就係$29.5所買到。
排場氣勢,唔夠珍珠雞
噉當然,價錢又唔夠人地高。



蘑菇飯我由細到大都唔鍾意食。
隻汁撈薯蓉正,但撈飯再加蘑菇,完全唔夾。
最賤係KFC打死都唔俾轉正十幾倍的白汁雞皇飯。
好在只係細碗。俾個大碗,都唔知點啃。



戲肉雜碎,期望好高,因為珍珠雞同薯格我超鍾意。
點知一開盒,得三粒珍珠雞、五六塊薯格。失望。
好在仲有兩係辣雞翼,補番。



至於主角...首先,得一隻。邊夠食?
其次,雖然以前都有黑椒雞翼,但入口,好唔同。
以前黑椒雞翼勁重黑椒味,非常香辣;
今次係青檸黑椒,醃到勁酸,
酸到根本食唔到黑椒味,都唔知搞乜。
而最大件事係,我冇落到青檸汁。
舊版黑椒雞翼,你可以選擇落定唔落,
而家出爐已經醃左檸檬,似我唔鍾意食酸者,點食?


份量雖少但合乎價錢,可惜蘑菇飯同酸味,
使我終於不得不對KFC嘆句「失望」矣。

「正正經經黑椒咪好,點解係都要加檸檬?」





食雞時,我睇緊東Touch。
一般而言,我唔多會睇八卦雜誌。
但,今次當然有原因,先會睇。



請大家拎出東Touch 22/7出版第686期,
堨U,揭至第110頁。



金屬者 永不滅

今期,有老前輩級資深樂迷關勁松主筆,
BlackWine《影子》訪問乙篇。
篇幅雖短,已覆蓋到大多重點。


「BlackWine,唔係因為你地,
我都唔會買《東Touch》!
要買,買《壹本便Face》啦梗係!
多囡囡d,又少布d!
俾面你地咋!幾時請食黑椒漢堡?」