因劉Sir廿五大壽而起之trhK終於壽後廿三日來臨，七時TRHK恭候八時旺中Neway 261號房入席唱足通宵。劉Sir.com「前論壇時代」第一次正式版罪就係今次，再過埋24/1/2007 trhK MKII，劉Sir.com已經進入「劉Sir個論壇時代」。連劉Sir都出動埋只有大騷同重要日子先著之"Keep Music Evil" tee，就知道今次玩野玩得幾咁大壇幾咁認真，而一班Rock友、一班Metal友著晒band tee入到Ｋ房，
「唱ｄ咩？」
唔准唱rock同metal！Beyond、LMF、Bon Jovi、DEEP PURPLE、BLACK SABBATH、LED ZEPPELIN、EVANESCENCE、LINKIN PARK呢ｄ太行貨太正常喇！
「噉唱邊ｄ先至係？」
「咪嘈！整首小丸子《問題天天都多》先！」
當然仲有劉Sir永遠最愛兒歌《小老鼠與大花貓》，六年級聽過到而家仍然係永恆之經典！亦係呢世人第一首聽過之gothic歌！（男女聲對唱把男聲仲要係男低音，仲唔夠gothic？）同劉Sir唱K，有乜理由唔唱軟硬天師《廣播道fans殺人事件》？

仲越玩越high、未開始唱先興奮！情況好快就失控！《蘋果日報》記者冒死混入，獨家拍得以下片段！

小記再訪問與會人士，得知其實段片只係班人／劉Sir剛剛開始唱之熱身，話係warm up都夠嘈到趕走晒隔籬房ｄ人，正式開始果時直頭唱／嗌到連廁所都聽到，全層所有職員同客人一律遭殃！

就係因為班人玩得咁癲（「喂！咪拉埋我地落水！係劉Sir一個遮！」），癲到嚇死晒全層所有人，搞到連警察都要上黎查房！
「邊有人噉樣唱Ｋ法？？？」
「我地從來唔會唱Ｋ！我地只會爆Ｋ！」
總之今晚你唔同我講rock同metal！今晚我地係K同pop！
「冇錯我地係一班著住band tee唱K歌的極端金屬叛徒！」
「收嗲啦！咪嘈住我唱鄭少秋全線！跟住黎係《誓要入刀山》！」