二零零一七二六。颱風過後冇人返，數學輔導成堂玩。

　「阿Sir，問你一條ＩＱ題。聽日就世界末日，點解今日個個人走去自殺？」
　「因為佢地臨世界末日冇野做惟有去死？」
　「錯，係因為佢地都想上天堂霸定個靚位先。阿Sir，乜你咁渣呀。」
　「咁我又問番你一條ＩＱ題。今日就世界末日，點解有個人夾硬整到自己最後一個死？」
　「因為佢怕死？」
　「唔係。」
　「因為佢唔想死？」
　「唔係。」
　「咁係點解？」
　「因為佢知道由尋日開始自殺ｄ人都係落地獄，咁佢就等ｄ人落晒地獄先，搞到地獄冇晒位，咁佢咪唔使落地獄可以上天堂囉。小朋友， 乜你咁渣呀。」
　「．．．」