段記



1/10/2010 FRI

每週一相片大行動 2010 Week 40
Made in支那系列
正義紅師




4/10/2010 MON

五月時聽講過NEGATIVE代表芬蘭做世博嘉賓,從來對呢類「摩登歐式歌德」冇興趣因為只是包裝得似J-Rock多過emo的emo,點知除左佢地原來仲有STRATOVARIUS興趣大少少,加最重要的TURISAS。半年後而家先講,當然冇叉用啦。近幾日無聊上網望望,原來TURISAS玩完開幕,閉幕請左FINNTROLL,免費表演(入場費另計啦)。仲會玩迷笛。


「幾時?」

「聽日,十月五號。」

「...」


睇番日程表,幾有趣。明知世博呢類咁大眾化,表演嘉賓極其量只會係流行歌手或者民族組合等,但metal始終係歐洲一大音樂文化產業,都有留意世博會有乜野metal gig。點知好少,北歐入面芬蘭得兩場已經係最活躍,IN FLAMES將melodic death輸出國外玩到瑞典政府頒埋經濟成就獎,居然都唔黎世博,成個瑞典館更加一場metal show都冇。其實丹麥而家metal都好發達,「Metalabilly」VOLBEAT同名超柒但我好鍾意的disco metal band RAUNCHY兩隊都上個月出左新碟,應該叫佢地順便黎世博宣傳下啦,但又係冇metal的唔好意思。北歐以外,就我所知德國黎緊十月中有隊DRONE,唔識但試聽完興趣唔大,亦唔似芬蘭樂隊能夠突顯國家特色有點普通。


「咁多聲,講咁多,咪又係得個講字?就算Big Four去晒上海(你知我講邊個Big Four),都係冇去之後大大聲『飲恨呀』架啦,挑∼」




5/10/2010 TUE

「原來早前實Q嘈交嘈到開晒片開晒槍單野,係銅鑼灣HMV門口發生。正正我去完之後一兩日。」

「點解次次出事都係我去過走左先有戲睇?」

(另一個詮釋,係次次劉Sir去親邊度,邊度就出事,大家下次出街見到佢時,記得小心d)




6/10/2010 WED

「我頂。真係兒童節目黎?」


唔知咩國家(口音咁難頂,係澳洲?),但睇完條片就想移民過去了。條片睇咁多次笑幾多次,第一次睇見到個片頭,以為俾個title fake左,到戲肉「Teechneecle Deeth Meetle」上演(我成日覺得口音其次,係班主持專登讀成噉玩野),唔得真係唔笑唔得,老實講完全唔明點teechneecle法,而家呢種十六分riff、結他+鼓對位同slam已經係基本功,片中睇得到只係普通deathcore - 你可以話已經比好多deathcore band技術,都未至於可以用技術化形容。同老實講玩得唔算好,加上隊band好似唔多想玩求祈就算,已經夠好笑。再睇埋處境:一個兒童節目(兒童唔晒卦應該叫青少年節目?),片頭播低能pop歌(如果最後淋綠油果度改成紅色,就襯晒今集Deeth Meetle主題了),點知一開波有隊deathcore band做嘉賓玩live?咩事???仲要樓下(literally)成台MK仔MK妹要扮到好high,加埋4:17女主持野「插水」,但明顯成班人根本唔知隊band做乜鳩唔明今集發生乜撚野事「導演叫我跳咪跳囉」,最經典係怒爆deathcore之前之後播白痴歌舞,片尾全世界一齊跳連隊band都落埋場真cult,而且擺明全場得三個主持真係識其他人只是鳩跳,唔掂實在太九唔搭八笑到我仆街,如此柒事只會發生在LAMB OF GOD《Redneck》之類metal MV劇本。睇個勢事緣係噉:


導演:「場務!今集搵左嘉賓未?」

場務:「死!唔記得左!就開場添!等我立即call人,唔係趕唔切!個個都唔得閒,唯有搵你地啦!」

隊band「邊個打俾我?」

場務:「你個friend呀!電視台有個節目想搵人出show,我第一件事就想益你地!」

隊band:「上電視?好喎!咩節目?係咪《勁歌金曲》?」

場務:「喂?收得唔好聽得唔清楚,你地帶齊野黎電視台搵我先啦!」

隊band:「好野!我地有得上電視!」


歡天喜地帶晒架生卜埋架van去電視台,先知道中伏,但上左檯推都推唔到,唯有樣衰衰死死地氣玩。唔怪得隊band玩到好似唔多想玩,主持同佢地傾偈時又要尷尷尬尬啦,最後仲俾人屈埋落台同班小朋友齊齊跳舞俾人拍埋近鏡大頭,相信佢地相當後悔,已成樂團歷史最大污點也。而我,只有笑得更加大聲。


不過佢地應該多謝間電視台昆左佢地,你話明星級結他英雄呢d咁正路我見過,但有幾多隊metal band特別extreme metal可以咁騎呢上兒童節目玩?而世界上marketing只有兩個方法可以成功,一係超型/超靚,一係超柒/超騎呢,而metal本身是門自覺性極高文化,對metal友黎講有時寧追求柒莫追求型,因越想型其實越容易變成柒,倒不如光明正大地on9?一隊deathcore band上兒童節目表演,都冇幾可有野柒得過了,絕對是再冇其他人其他事及得上之曲線宣傳。單講音樂,非常老實我對佢地完全冇興趣,特別節目入面玩得唔太掂,連片頭隊扮野白痴band都metal過佢地;但全個情景夾埋比metal MV更超現實更加搞笑,特別片尾果幕,睇完立即仆到去做佢地fans啦。唔使理點解會上兒童節目玩death metal。最起碼事實是metal上到電視。我諗呢個國家值得一住。相信佢地晏晝d兒童節目會好睇過夜晚黃金時段。


「幾時到EVOCATION上閃電傳真機,或者放學IFU featuring HYPONIC?」




8/10/2010 FRI

每週一相片大行動 2010 Week 41
R.I.P. Steve Lee




10/10/2010 SUN

每週一相片大行動 2010 Week 41 Extra
攝位死




11/10/2010 MON

「月底又黎展覽會,今個月開始忙,間唔中就有客搵上門開會。」

「其實我唔太介意各位客人造訪。識時務者更加無任歡迎。只不過,希望各位客人明白,拜訪廠家時,有些顧忌是不能犯的。」

「人地公司老細出左街冇皇管先上,乃大忌之一。」

「全日咁多時間,係要臨放工至黎,乃大忌之二。」

「而襯人家老細出門日子先至話放工半個鐘前出現,更是不小不撚得也。」

「今日,我大大聲,頂你鹵味。」


(或者劉Sir個朵已經響(臭?)遍天下,個客都知道如果佢敢阻住劉Sir放工會俾人上網唱衰成世,立即提早一個鐘出現,連身不在香港的老細都拿拿臨會議兩個鐘前落機立即趕返公司,個會話咁快就開完,劉Sir準時放工返屋企打Diablo。算各位朋友識做。不過要小的始終要小。防能達到殺雞儆猴之效以警效优。)




13/10/2010 WED

H.O.N.G.K.O.N.G.
Harrisburg Organization Networking for Gentrification
to Keep Our Neighborhood from becoming a Ghetto


香港臭名再次遠播西方了。這個H.O.N.G.K.O.N.G.其實係美國唔知邊個城發起的民間組織,嫌同劉Sird文一樣太多字唔想睇,簡介如下:政府發起扶貧政策,「改善貧民區及社會中下層生活環境」,將貧民區清拆。問題係拆完之後冇安置好住果班人。又或者話,改善社區方法,就係將原來唔同層面界別居民分開住,改為將中下層居民打散入中上層社區,平衡番,成個社會睇落咪好左囉。而美國部份地方社會問題比大家想像中嚴重,據組織發言人聲稱,如此「改善」後令當地罪案頻生治安黃賭毒樣樣有,亦因要與低下層百姓為伍感到不自在。外國人平時生活係住大屋可以唔閂窗唔鎖門,對其他人咁信任治安咁好,而家再冇如此無憂無慮,所以搞左個H.O.N.G.K.O.N.G.出黎(太複雜了,懶譯中文名),呼籲大家要自己努力同向政府申訴,維護家園安全及風氣,否則「就會好似變成香港,一片龍蛇混雜九反之地」。佢形容到而家香港仲係 九龍城寨年代,不過當西片中維多利亞港仍然見得到帆船, 又好難怪佢地對香港印象會停留於四十幾年前。對鬼佬黎講,九龍城寨時代香港是好很metal十分江湖的,當連metal band改名都要用佢時。


出發點其實唔多政治正確,某程度上是排斥小數族裔等問題社群,跟仇富的香港唔同相反仇貧,但諗深一層,信念同我地香港人睇唔起新移民,成日覺得大陸人白飲白食我地香港人資源仲搞到地方污糟文化粗糙治安差劣冇好大分別(雖則,大半確是事實)。跟住咪到有錢果班覺得低一級的我地「影衰」香港,社會中一直存在不同程度仇貧心態。而拆舊區窮區,將窮人趕到「正常」社會融合左,就話係社會進步改善民生,一向是強國式邏輯,進而是近幾年導從黨中央路線的特區政府思考方式。H.O.N.G.K.O.N.G.,好似直接過黎開番個Hong Kong支部(還是總舵?)都完全冇問題喎?




15/10/2010 FRI

Thrashing Thriday:

淺談香港二人thrash metal樂隊
Aortic Regurgitation首張同名EP


終於。隻碟年頭出,有放上TRHK賣的(但好可能只得我知加只得我買過),到皆旺都收左皮年尾都就到,篇文先見街。其實幾個月前已經寫好,但劉Sir的寫作習慣是,寫一篇野可以非常集中專注,但每每一寫好,立即感到如釋重負,然後走左去打Diablo(...),冇左件事。跟住可以隔一輪(短則幾日,長則大半年起碼),先醒起「係喎有篇文寫左喎」,再擇個良辰吉日擺上網。呢篇較新仲記得,算好彩的了,好多評論同文章,四五年前寫好,積到而家都未出街,有陣時摷番舊file,先記起「嘩原來我寫過/寫左呢篇野」,但往往幾秒鐘之後又走左去打Diablo繼而遺忘(...),隔不知多少時日再重覆「先記起」步驟,直到永遠。


不忘快手將篇文擺上網(半年,都幾「快」),全因隻碟對個人黎講具多重意義。香港,繼1994年AZYLUM《Are We Born to Suffer?》,香港終於出現第二張thrash metal唱片!(夠專家的話,你可以拗V-TURBO、高速啤機都係thrash metal的...)一直以黎,thrash metal長期佔據本地最受歡迎metal類別前三名不落;一直以黎,香港大量人士高呼「我愛thrash metal」。但好諷刺,香港地而家咁多band乜band都有,AZYLUM之後想搵多隊thrash band都難,講緊'80 classic thrash,退一步求post-thrash亦冇,AORTIC REGURGITATION嚴格黎講最多只是九十年代,已經係AZYLUM之後唯一「正式」香港thrash metal樂隊作品,即使外國近兩年大風潮時復古retro thrash band多到你數唔晒,加唔係馬虎隨便為錢為潮而玩唔少非常具水準(老實講,thrash metal其中一個廿幾年黎仍然持續受歡迎原因,是踩住正常同極端金屬灰色界線特質,真係要好落力先可以玩得唔好(經驗之談:大多衰唱),比其他類別更易到達「合格」甚至「好聽」水平)。但香港metal發展一向緊貼潮流,AZYLUM 94年出碟撞正metal衰落期,如此年期已經是遲,即成末代thrash metal樂隊,然後一係nu-metal再metalcore一係一黎就extreme metal,metalcore衰落後metal整體已經一同潮退,原來舊band死守原路或改當打新路向,新band寧願轉玩emo screamo metalcore,都唔會留低同你繼續念舊。thrash metal樂隊彷彿未於香港出現過。AORTIC REGURGITATION唔正宗一回事。隔左十四年本地終於再有人出最合符資格以thrash metal分類之唱片,作為一個香港thrash迷,音樂是好是壞已非首要,皆因此已達歷史大事層面。


久別重逢香港thrash metal,亦可見本地樂手文化。好多人話香港冇band,近幾年網上平台加錄音科技超速發展,加大label開始簽band,已經再冇人話香港冇樂隊甚至少樂隊,但metal scene有一點卻無跟隨改進:多元化。樂隊數目多左,風格反而比以往更窄,香港人組band,不論新加入還是舊樂隊隨時勢轉型,基本上只會追隨當時盛行且偏大公司喜好之metal及非metal路線,有d野外國已經興左好多年,因潮流冇到香港、因技術問題、因未夠pop(好多時,呢個係事實加主因),就係搵唔到香港band會玩。例如sludge。同而家橫掃歐美的(retro) thrash,與再呈抬頭勢之NWOBHM。不過唔係冇人玩,只係玩果班香港冇人理,好多ABC同就讀國際學校的朋友們如Brown Note及Concrete Lo-Fi一班,因為留意的媒體平台同香港人不盡同,會更醉心於呢類「不入流」當打路線,而且唔似香港樂隊進度咁慢非常活躍,經常幾條友坐低傾傾立即自己屋企或者band房匿埋,話咁快就寫夠歌錄埋音,自己投資埋印碟(老實講成本唔算太高,只睇你肯唔肯花少少娛樂使費落自己喜愛之音樂度),平平地CDR都得自己做埋公關宣傳賣碟,而樂隊基本上只是一個組合名義,好多時大家出完一兩隻碟,向其他單位搵人大家打亂又一隊新band,連風格都可以轉晒但仍然寫歌快錄歌快加唔係玩玩下聽得出真係有料到先勁。呢班蘇豪band友多產到你唔信,之前五六年佢地所有碟夾埋,就算今日起唔再出,俾多五六年,真正由香港人組成之metal band急起直追再加埋之前出過全部metal碟,總數都追唔上。但,香港地就係冇人會知會理,正如文中提到之SAEDUS DARKNIGHT,傾香港出過碟black metal band,即使兩者幾乎同時出碟,EVOCATION之外仲講得出SAEDUS DARKNIGHT,我唔敢數有幾多個人,即使SD係玩MAYHEM式raw black,理應更得香港「black metal友」歡心時。但,老實講,人地視野早已超出香港,何必特別計較香港地一班有幾稀罕佢地?但更想談論,係點解外國人做到,香港人做唔到。或唔去做。我仍然未見過有香港band友,可以似ABC們投放咁多時間落自己喜愛音樂入面,一得閒就係一班人圍埋寫歌錄歌,亦唔介意使錢花時間印碟,又或夾開自己隊band,可以走過隔籬呢隊拉個果隊借個湊埋玩全新音樂,自己隊band之外可以同時有兩三個side project,而且全部band隊隊唔同style加差別極大今隻metal完下個project玩dark ambient都得,加可以DIY出埋碟先散band。我冇見過有幾多香港人metal band樂手會有side project(幫人手做session果d唔計),亦少見可以玩兩種以上完全唔同風格音樂,更絕大部份由夾band到散band即使夠歌加有錄音資源都「等緊出碟」。此乃香港人同外國人心態之一大分別;冇太多香港band友,能似外國人如此「玩音樂」。


「順便一提,AR出左隻EP之後,好似又『暫休』了。然後又洗牌洗左隊新black metal band出黎叫NUM,加已經出左隻五首歌半個鐘長CDR EP。家陣一部電腦download幾個software再補充硬件已經可以當indie studio。其實出碟係咪真係咁難?」


最後一樣,又是本地與外國band友文化之別。大半年前AR出碟後冇耐,將KATAONIA新碟評論遲左四個月後搬番上網時,簡單回顧過多年寫作生涯,講過劉Sir絕對是香港最柒樂評人,寫音樂寫評論寫左咁多年,水平足夠投稿,卻冇任何一隻字賺過錢,甚至要自己貼錢買碟黎寫,要到冷爺贊助KATATONIA新碟特別版,先係八年第一次靠寫野賺取回報。今次係第二次。《Aortic Regurgitation》年頭剛錄好時,第一時間搵劉Sir,「有冇興趣聽聽?」當時隻碟都未燒未印,只得link一條download,而且唔係特登俾黎話「喂幫手吹吹水」,只係「知道你鍾意metal所以俾你聽聽我地作品」,「可以的話俾俾評語我地」。換言之,只是錄完碟之後俾人聽,有冇著數賺唔賺到錢冇所謂。半年前已講過,香港metal band出碟已非稀少,但從來冇一隊香港band試過出完碟之後做同一樣野。


「俾隻碟你?咩料呀你你老幾?俾左你有冇著數先?冇我做乜要無端端送隻碟俾你,明知我唔俾你你都實會自己買,等我賺埋你果幾十蚊唔好?鍾意音樂又點呀識聽大晒呀!識寫又點呀我好恨你幫我寫呀你又唔係寫俾外國網站!」


做一件事,冇著數冇回報回唔到本就唔會做,即使理應逆商業之香港band之間,仍普遍存在此種辦公室價值觀,所以其實唔難理解點解香港metal界叫做比以前光景左,仍有兩樣野見唔到:除左TRHK之外冇人搞label(TRHK搞手都唔係百分百香港人,這就解釋了為何),同而家咁多不同香港band勤出碟,唯獨metal仍少之又少。所以咁難得肯投資出隻碟,萬分妗貴,送俾你利不敷支唔俾你你都總會買,又點會咁輕易俾非外國人非大陸人的你呀?相反鬼仔band對呢樣野全無問題,如Brown Note & Concrete Lo-Fi一班,每次有新碟都會網上聯絡或者上皆旺,免費俾隻碟或MP3你是閒事,唔係要你「幫我寫」,純粹是同道中人之間分享,本身indie已經唔係搵到錢甚至唔會有回報,知道你鍾意,唔賺你錢同你分享只求知音有心人支持又點話?近兩年樂隊錄好隻碟,唔再求有唱片公司出,自己全隻碟擺上網任你聽鍾意俾錢就自己開個價,RADIOHEAD玩時好新奇,而家已經普通過普通大把人做緊並成indie文化一部份。斤斤計較的香港離此仲差好遠。我亦唔樂觀可見之將來,香港metal音樂質素與音樂態度,可以有與國際接軌之一日。


雖然本人已收皮,而退休十三個月後連TRHK皆旺舖都閂門暫別,又唔算全無得著地走。有時外國band想到亞洲區宣傳,上Facebook摷到TRHK自然見到劉Sir,就會搵上門,間唔中都會收到d冇人谷的indie band碟聽,就算離開左TRHK,某程度上對indie metal界行程都有不定期更新。但有趣地,身在香港,除非關ABC或鬼仔或國際學校同築事,一路以黎加黎緊將來,我對香港metal、香港metal對我,都從來唔會有此類更新。




17/10/2010 SUN

每週一相片大行動 2010 Week 42
麥早餐究極豪華版




20/10/2010 WED

每週一相片大行動 2010 Week 43
本週忌姓劉




22/10/2010 FRI

世界聽.見.朱哲琴




24/10/2010 SUN

每週一相片大行動 2010 Week 43 Extra
we taste the atmosphere




26/10/2010 TUE

《The Walking Dead》原來真係有派喪屍黎香港宣傳

「不過,老老實實,唔多嚇到人。」

「同,我唔覺得香港人明白or理發生緊咩事。」


首先,睇睇呢單。《The Walking Dead》係個長篇喪屍漫畫系列,前提是George Romero喪屍電影經典《Night of the Living Dead》無數人借用過、已成此類電影喪屍「自有永有」藉口之前提:


"When there is no more room in hell, the dead will walk the earth."


與別不同在講平民百姓點樣於新舊死屍都會復活追殺活人之新世界求存,及人類文明及社會道德面對如此永不返身浩劫如何淪亡扭曲,以月刊型式出左幾年,而家去到差唔多八十期,可以一直有新處景新議題,加大量生理心理不安場面令人留下深刻印象,出足咁多期咁多年都冇悶場,而且相信作者仲有大把貨有排玩,係現今最成功最值得留意長篇漫畫作品,非主流英雄漫畫能有此成就非常難得。


黎緊會擴充作埋外傳小說,電視台亦拍成連續劇,隆重其事搞左個喪屍襲地球倒數節目賀首播,因為日本同澳洲冇份,最唔關事的香港係全球第一個「喪屍病毒感染」災區。但睇過條片,你都知香港噉玩法其實冇叉用。一來,香港根本冇乜人知道《The Walking Dead》,宣傳唔到本漫畫同套劇(希望無記會買啦,唉)。再者,假如香港地而家真係爆發病毒,就算大鑊過沙士,應該同條片入面情況差唔多。


p.s. 請順便俾我虛榮一番:條片我係全球第一view。




27/10/2010 WED

每週一相片大行動 2010 Week 44
Trade Show Special Day 1
劉Sir在展覽會最常做的事




28/10/2010 THU

每週一相片大行動 2010 Week 44
Trade Show Special Day 2
又係時間玩轉會展




29/10/2010 FRI

每週一相片大行動 2010 Week 44
Trade Show Special Day 3
去KFC食魚




30/10/2010 SAT

每週一相片大行動 2010 Week 44
Trade Show Special Day 4
Mattolium Grounded




2/11/2010 TUE

劉Sir永世玩唔到微博。當一件無聊野都寫千幾字時。所以佢只能夠玩宏博。(...)或者有一日Marcosoft要整個MacroBoard上市。


上年年中開始,特別冇做TRHK之後,多左時間睇戲睇show,太多野睇完冇寫,追番的話係幾萬字文債。有時都想回顧番紀錄低,廢事第時自己都唔記得左。不如今日開始試下寫微一點。



《Saw 7》比我想像中精彩。全個系列係噉:第一集除左鎖匙放浴缸一樣非常求祈,是神片。第三集講Jigsaw死但仲可以玩落去,又係強。二四五可以不理,為殺而殺之餘劇本又唔多得。第六集有點回勇同批判番,符合各位Saw迷期望,但已經被之前幾集拖得太衰,第六集人物關係同性格更加嚴重偏離,第一集上果時話會有九部曲,而家第七部就大結曲。或者更好,趕住第七集埋尾,令全套戲更有方向,就係幾個重要角色下場同最後謎底,唔係隨便捉班人黎殺又一集。趕收科亦令套戲更緊湊去得更快,大量減少上幾集差唔多長過正場令人睇到煩的回顧片段,臨尾Hoffman入差館係噉殺人果段我鍾意個步伐同氣氛。只係一方向要顧及主線,又要講另一邊玩遊戲,剪接有時太亂。而睇過咁多套3D戲,雖然立體部份依然是唔加都冇分別,《Saw 7》(《Saw 3D》先係正名其實)算係我睇過立體做得最好之3D電影。


講解題的話,我是滿意同收貨的,之前六集所有謎團,合理不合理,全部講得肯的斷晒尾,我亦非常受第一集醫生終於再正式出鏡,上幾集集集都要拍幾個鏡頭就係唔講佢第一集之後下場點,而家解答晒加做左大佬,同時解釋番之前Jigsaw點解可以好似乜都曉太神化:搵受害人起佢地底有警察幫手,要捉人要整機關設計遊戲有幾個助手(雖則第六集講一直唔似關事的老婆都有份就幾敗筆,因全無先兆太過突然),而可以外科內科乜手術都精,而家再話醫生都有份,就好似乜都講得通了。雖話大結局,我就唔信有錢賺會唔拍落去,《死神來了》話第四集拜拜而家一樣搞緊第五集啦。舊人死晒,用醫生角色玩reboot或外傳式延續,依舊大大條水可以長食。


值得一提是今集主題。以往都是大圍社會政治,上一集鬧保險制度最得人心,今次是講探討互聯網2.0。講新一代見到有大事發生,第一件事唔係幫人唔係搵人幫手,係拍低影低放上網,跟住先出手,同利用/濫用媒體發跡,想做一件事成功有迴響最緊要夠高調,第一個遊戲已經想講晒以上全部。在向來著重沉重題材之《Saw》系列黎講較特別,但可惜只輕輕帶過,是為交代整個結局之反效果。大家鍾意睇《Saw》,是殺得黎有野講有野諗之智慧型殺戮,整個系列越出越衰,正是換左創作班底而新人接手往往唔記得左或索性唔理只顧住殺。近兩集剛重拾原意,有番起色又玩完。所以,其實我希望《Saw》可以繼續落去,正傳好外傳好前傳好,有野講就得。



...結果,都唔多微。




4/11/2010 THU

鼓王群英會XIV




6/11/2010 SAT

「現在的泰國戲好鬼死似廿幾年前的港產片。」




7/11/2010 SUN

每週一相片大行動 2010 Week 45
Gigathon V.2010.11




8/11/2010 MON

永世唔睇無線的老豆,轉台撞到《巾幗梟雄之義海豪情》,睇左一節,熄機,話:

「一係你鬧我我鬧你鬥大聲嘈怨巴閉,一係成班人喊苦喊忽懶係灰,好鬼死煩都唔知做乜,似足你成日聽的咩野heavy metal。」

又講得幾有道理。或者我應該開始追套劇。




10/11/2010 WED

蒙古精神!!!!!
顛覆M Ego Fall Live in Hong Kong




12/11/2010 FRI

每週一相片大行動 2010 Week 46
睇你至奇




15/11/2010 MON

今朝聽老闆娘講,勞資問題大陸又有新野玩,叫「共同磋商」。最新通過的方案,是每三個月工會代替工人同廠方傾調整薪酬,法例都叫工會出頭傾就肯定只會加唔會減架啦,換言之工人差唔多每三個月就會加一次人工,我當你每次加0.5%,一年都有2%。仲未計政府每年必定大升之最低工資。最過癮係一季一次,即係調整前一後一每季有兩個月,工人工會會顧住嘈加人工多過做野。


有時,你真係唔明大陸人、大陸政府點諗野。但你寧願管果理唔知做乜諗野。你睇香港?你一年人工加唔加到4%以上?點解大陸一早有最低工資,文明的香港嘈左咁多年先有?




16/11/2010 TUE

"You gotta be para-perimeter."
Peri M《彩虹淚》


咪後幾句:

  1. 其實今日應該係出謝安琪國語新碟《第二個家》。但都係先出Peri M,因為想俾《第二個家》多幾個機會再聽真。可想而知隻碟幾大件事。
  2. 隻碟錄音已經唔錯,但mastering可以做得再好,聲能夠更實更厚。
  3. 寫完放上網,先知道原來已經有人訪問左Peri M。錯過左添。



19/11/2010 FRI

每週一相片大行動 2010 Week 47
真係多謝晒