段記

無

10/8/2003 SUN　如今廿二又一年矣

本來因為今日冇街出之關係諗住又係隱居避世算，但係最後都係出一出去搵某親戚。「某親戚」就係我屋企果隻除左食飯訓覺等出街之外乜都唔識做之頹狗之前主人。你一睇我個樣就知我唔會係鍾意出門探人果庭人，而事實亦都只係為左探佢屋企果兩隻西施狗生左一個月果堆狗仔。果兩隻狗仔今日剛剛滿月同我同一日生日。係幾過癮架ｄ狗仔不過雖然主人家都想我都唔可以拎返隻做生日禮物，即係開心一回事囉拎到返去實俾阿爸阿媽打死（唔係隻狗係我）。

睇完狗之後出左去尖咀「考察」。「考察」完之後得紅燈山丘中人係老正興潤我又老一年。今餐真係抵到爛，睇我個人淨係鍋貼已經要包辦一客食鍋貼都食到喊就知。
今日有一個人冇出席到。呢位朋友唔出現絕對唔可以饒恕，不過今次就例外，因為你重色輕友。果種感覺，我都明。今次唔出現唔緊要，不過請記住呢句：

下次請攜家眷出席希望呢句我都用得著。

本來我今年生日唔應該係噉，我調晒更請晒假唔係為左噉。不過到左呢一刻，一切都再冇分別、再冇咩「應唔應該」。

11/8/2003 MON

你試過一日打百幾個電話，仲要冇一個打通未？如果到最後都係搵唔到的話，你唔會見到呢一段文字，因為果陣時我只會無話可說。

12/8/2003 TUE

兩個人、兩杯咖啡、兩個鐘頭，開心其實可以好簡單。點解出街一定要消費呢，簡約生活唔係更加好咩？「簡單」呢樣野係好理想亦係我理想，不過我可以唔使食唔代表人地都係．．．

是日Trinity話題係「一起考過的日子」。發現原來舖頭入邊有好多老餅（「老餅」＝「考過最少一次會考」）。以下係放榜日某金句：
「人地一分耕耘一分收穫，你呢就有兩分耕耘．．．」

夜晚校花「號召」好多人出黎（陪佢）食韓燒。即係唔係ｄ人放飛機又有人冇搵到阿邊個的話，今日你唔出黎真係對唔住大家架探花兄．．．（校花曰：「錯！係對唔住我你條死cheap佬！」）
見過咁多人，發現其實真係冇乜邊個係（需要擔心）搵唔到工，而且搵到工之餘人工仲要超高（例：阿姨返去佢住開果間養和做個文員仔都有$8500一個月）。唔好話有得教書喇下年，我連可以搵咩工同有冇$5XXX一個月都唔知。以下係可以做返本行月入七字頭之民協社區幹事探花為下年參選準備之宣傳口號，第時大家係街見到呢個橫額／聽到呢句口號敬請投票支持：

「請支持14號 Ronald "探花" de Boer　我來自基層！」

13/8/2003 WED

即係今日唔係太想出門（基本上今個暑假逢一二三非必要我都唔（想）出街），不過又點都要出一出好景，因為今次可能係我地剛剛組成之完整陣容最後一次夾。即係過埋今個暑假肥瘦仔一個升到中七要讀書一個升唔到中六冇書讀（有冇五分話阿瘦仔你？）所以玩埋今次應該會收山，雖然知道又係Master兩個鐘架喇不過點都會／要出黎夾架啦。各位下次我要玩ONE唔該，雖然冇人知下次會係幾時．．．

14/8/2003 THU　終

多謝一直以黎關心我、支持我之朋友，多謝大家。另外大家亦唔再需要成日上黎，因為係可見之將來，除左碟評之外相信我只會無話可說。我亦都知道有好多人一直有睇開段記、好鍾意透過段記關心我之生活，而亦係因為噉我先堅持到而家。但係恐怕要令大家失望。希望大家可以當俾下面我，俾我放下假。多謝。另外，希望大家唔好再係任何場合提起有關事情，我要講同可以講就係以上，大家講我唔緊要，我唔希望有人受到騷擾。
最後，多謝妳，同妳一齊時感覺好舒服、好開心，而我亦好高興可以搵到一個同我一樣唔係生活於呢個年代之人。妳係一個好女仔，我見過最好之一個女仔，雖然到頭來只得一場空，我都希望你早日覓得如意郎君。多謝妳。

臨表涕零，不知所言。

5/9/2003 FRI　始 F.A.Q.「做乜唔寫段記呀？」
說過了。

「幾時再寫段記呀？」
寫了。

「你仲叫我（　　）做乜丫！你已經連段記都唔寫！」
對不起，我不知道我會有這麼大的影響力。現在我再寫段記，你也應該（　　）了。

「你點呀？」
我空虛。我寂寞。我涷。我痛。

「好番ｄ未呀？」
「ｄ」。多謝關心。

「乜咁靜呀？」
對不起，當可以這樣子用書面語寫段記時，劉義已經告訴了您，他已經「冇火」了。

「係咪呀？Metallau好嘈架喎！」
在店中時，劉義的確很吵；但在家中，他已很久沒有「火」去吵了。現在我在家中播的不是「嘈生晒閂細聲ｄ啦！」的Black、Death、Thrash，只是「死下死下噉熄左佢啦！」的Gothic、Doom、Folk。你看過劉義自八月下旬至今的playlist，便知道他真的「冇火」了。

TWELFTH OF NEVER - Things That Were
Ethereal Doom Metal，這大碟曾使我哭過最少兩次，第一次是八月十四日，第二次是八月二十六日。
UNTIL DEATH OVERTAKES ME - Prelude to Monolith
Dark Ambient Doom Metal，聽時就像抬頭望向烏雲密佈、偶有雷嗚雨點的夜空，只得一片灰暗。
OPETH - Damnation
Psychedelic Progressive Rock，一張完美的cool down大碟，高興時聽會使人平靜，傷心時聽會使人欲哭。
THERGOTHON - Stream from the Heavens
Funeral Doom Metal，終於明白為甚麼那麼多人說這專輯是個「昇天的葬禮」。
DARK SANCTUARY - De Lumiere et d'Obscurite
Dark Ambient，悲壯音樂搭配淒美女聲，我不應該聽的。
VIRGIN BLACK - Sombre Romantic
Avantgarde Gothic Metal，光那三部曲歌劇"Museum of Iscariot"和充滿感情的結他，已足夠觸動心靈。
MY DYING BRIDE - The Angel and the Dark River
Doom Metal，選擇這而不是最神聖的"Turn Loose The Swans"，是因為當中的小提琴憂怨得有點兒過份。
LAMBCHOP - Is a Woman
Experimental Jazz，男主音乾枯的聲線加上空洞的音樂，只要一播放便甚麼都做不了。
PINK FLOYD - Wish You Were Here
Psychedelic Progressive Rock，其實只為一首歌："Wish You Were Here"．．．

「點解今日再開始寫番段記呀？」

"TODAY IS THE DAY."

6/9/2003 SAT F.A.Q.「為甚麼？」
因為她。

「寫給她？」
寫給有興趣看的朋友、寫給肯看的朋友、寫給一直以來關心我生活的人。她是不會看的。假如她願意看並細想當中的心聲，我會很高興。

「寫甚麼？」
這是我寫的，所以我會隨意之所至。這就是我想表達這一刻那一剎的方法。有些人會看不明白，有些人會較為明白，但不需要深究，因為我都不明白。假如世事那麼容易明白，Today就不會is the day。

「寫多久？」
數天，在夜闌人靜的時候。

「怎樣寫？」
看到適用的，記下；看著記下的，適用，便串連起來，再匯川成河。

「整篇文章都是即時想出來的？」
是。沒有很刻意的去寫作。

「厲害！」
是。但你們心中那「神」、「鬼才」、「偶像」劉義，早就已經死了。在很多人眼中，劉義是最成功的一個人，因為他可以做到很多其他人想不出做不到的事；在劉義眼中，劉義卻是最失敗的一個人，因為他能做到這麼多，最珍貴、最珍惜、最珍愛的卻得不到。怎樣「勁」、怎樣「強」、怎樣「神」，都已經再沒意思。

「但真的很厲害嘛！振作！」
"Today is the Day"和其他很多事一樣，都是輕描淡寫地隨便弄出來便輕易成為了傑作、傳奇；但我這些年頭最認真去做的，卻只換來一敗塗地。所以不要說我墜落，可能胡混地過日子才是適合劉義的生活。

「別這樣說！這樣子還能寫出這文章，你還是個很厲害的人啊！」
假如真的厲害，今天就不會是今天。不論"Today is the Day"是MASTERPIECE還是DISASTERPIECE，

"THE PIECE IS WRITTEN BY BLOOD."

7/9/2003 SUN F.A.Q.「講乜呀你？」
不明白的，算吧，雖然我在"Today is the Day"裏加進了一點心思，我也相信沒有多少個人懂得欣賞當中的玄妙精奇和幽默（對，是幽默），而且除了我自己之外，沒有人會完全明白我所寫、所想的。就當是一篇一個想女孩想瘋了的傻子胡亂地寫出來的東西吧。

「噉到底你係想講乜呀？」
如果世間的事情可以那麼容易便透徹明白，這個世界便不會這麼灰暗、充滿那麼多問題了，而"Today is the Day"也不會有這麼多"Gray"、"Silence"、"Dark"、"Ashes"。

「佢係個點既女仔？」
一個很特別的女孩子、一個很善良的女孩子、一個很溫柔的女孩子、一個很純樸的女孩子、一個很清純脫俗的女孩子、一個很沉默的女孩子、一個很漂亮的女孩子、一個很好很好的女孩子、一個在我眼中最接近完美的女孩子。

「靚唔靚架佢？」
我心目中的好女孩要的不是貌若天仙的美貌或是玲瓏浮凸的身材，也不需要懂得音樂，而是心地善良純品、本性純樸得來帶點平凡和簡單，外型只要順眼便可以了。亦因為這樣，我迷戀了她兩年。雖然我承認，她是一個很漂亮很迷人的女孩子。

「講到佢咁好，點解你兩年都追唔到？」
就當是我沒用吧。這一個答案大家都喜歡。

「佢係邊個？」
如果當我是朋友的話，便請不要再追問。我要說、可以說的便是以上。我不介意被任何人取笑嘲諷閒話，但她不是。名聲對女孩子來說很重要，尤其是對她來說。要笑要說的就拿我作對象吧。

「人地都拒絕左你啦！仲對佢咁好做乜？」
雖然到頭來我甚麼都沒有，但她在我心中仍佔有著很重要的地位，我仍然很在意她、很在乎她。即使繼續下去我仍然只會是一個甚麼都得不到的失敗者，即使她對我的態度會很差，我都不想她受到傷害。而我也不會對我這兩年來所做的一切、所花的所有後悔，因為我始終相信，假如感到所做的不會使自己後悔的話便去做吧，而過後亦千萬不要後悔，因為這是自己的選擇，即使那是個充滿遺憾的選擇。

「唔該你唔好溝唔到女就係度要生要死啦！」
對不起，這一次我真的很傷心，雖然有人或會覺得像無病呻吟。對是很老土，但我對感情這回事是很認真的，不是像毛頭小子看見個漂亮的便為了搭上她而走過去說「愛你一生一世」，而是看成是很長遠很嚴肅的一回事。要不，會花兩年時間去思索一個女孩對自己有多重要嗎？如果你嘗試過用兩年時間喜歡一個人，有時會對她關心和擔心得茶飯不思寢不安眠，也會為了她作出一些回想起都覺得很傻的行為，你便會明白這感情對我的影響有多大。因為她就是一個這樣的好女孩、一個我真的覺得很完美的女孩子，而且我亦相信以後都沒有可能再遇到像她這麼特別的女孩。對著她，我現在可以做的，便只有隨緣。以後會變成怎樣，我不知道。或許我那年代的痴心長情真的過時了，這個年頭的簡單直接也有它的優點。但是在這一刻，

"I just want something I can never have..."

9/9/2003 TUE　續

番黎喇。冇寫咁耐段記，有唔少人問過"Eternal Gray"開始之後我做過ｄ乜。冇乜。只得一個超現實。

暗潮護士（即前金屬護士）阿Jens發現，原來Blackwine個主音曾經同佢做過同事。「又係QE做，又係腫瘤科，又係姓王，仲唔係佢？」原來「明星」係咁容易就撞到。
前一排有機會同一名自稱五歲過英國入讀音樂學院、今年十九歲畢業返港之音樂奇才係電話由凌晨點幾傾到朝早五點幾。會同佢傾咁耐，係因為呢位（話）鋼琴演奏二級、結他同鼓都達香港頂尖級之回流朋友話自己有隊metal band，夾左兩年幾作左廿零首歌。Metal野佢只係聽過好少，但係佢隊band玩出黎之音樂已經達該範疇內之中上水平，不過佢地冇諗過出碟，因為「都係諗住玩下算，又唔覺得玩得好。」傾左成晚之後，會留係香港定居之佢諗住搞返間大band房兼錄音室，「我要千二尺大因為想係入邊放座三角琴。」後事如何，真係還待下回分解，因為到呢一刻我仲未直接聯絡到／過呢位朋友。
呢一篇"Time Requiem"，係開始搞TRHK Webzine之後第二篇稿，我仲記得寫果日係舖頭冇人又冇生意無無聊聊迫住要寫下字。但係呢篇隨筆之作出黎之迴響就唔隨便到我都有ｄ意外：台灣某唱片公司剛剛會代理呢隻碟，有個高層睇左篇野之後話有興趣借篇野黎做側標（＜唔知咩黎問我）。點解會用我篇野我都唔知，可能夠MCB卦。我承認我係唔多妥MCB，但係我之寫作手法已經深受佢地影響。灰。更灰就係又係求鬼祈果ｄ就做到掂過碌蔗，真係去做果樣蔗渣都冇條。
自"Today is the Day"之後，"Evergrey"、"Eternal Gray"、"Grayscale"已經成為Trinitian之ICQ用語之一部份。例句有"You happy I evergrey."、"I not teacher next year eternal gray."、"Me future grayscale."Evergrey個fan club就係叫做The Evergrey Clan，睇黎我地應該加入。琴晚剛剛收到老細份新訂單，如果佢早一個禮拜俾份單我的話我估"Today is the Day"今日都未必會出現（到）。「繼續囉！」夠喇。唔使喇。我唔想再有續喇。
《麻甩佬分類指南》，呢篇野我真係唔應該寫。實在太「應」、太「到」，亦已經由「無聊」演變成「TRHK之詛咒」，連老細都好似中埋。《麻甩佬分類指南》，呢篇野我真係唔應該寫。
教院，再冇乜好寫。本來我係教院存在仲有一個方向、一個目標，而家冇埋。即係變返Year 1果時噉樣返學就係等放學，間唔中打下工賺下錢，除左某幾個人之外再冇咩好理。不過今年就好ｄ，玩開班人搬晒去Hall A，係教院時叫做有多樣野做：上Band房。返學，並唔係為返學。
係教院，終於有得上音樂堂。而家每個禮拜都會去探一探"Dark Artist"黃生搵ｄDarkwave野進修進補，撞到又會搵Samuel兄傾下古典同現代音樂。冇錯，超現實中之音樂堂，係由藝術人任教。以下係二寶樂對呢班人之評價：
「In The Nusery？Dead Can Dance？教書架喎阿Sir黎喎聽埋晒ｄ噉既野！」
最「超現實」莫過於此：劉義嘗試找尋另一半。有ｄ人仍然覺得呢樣野好「怪」，有人曾經講過：
「我想像唔到有拖拍之劉義會係點樣！」
係。最超現實就係，有陣時我自己都係噉諗，反而會覺得而家呢個先至係「劉義」。最灰莫過於此。

真的太掛念她，昨晚做了一個夢，一個很甜很甜很甜很甜的夢。在惡夢中嚇醒你可能經歷過，但你試過在美夢中笑醒嗎？我今天終於有這機會。那比在惡夢裏驚醒還悲慘，因為你寧可繼續留在剛剛閉著眼的一刻也不想張開眼望到那真實。這美夢和她一樣，
「要不，就不要給我遇見過罷。」
很多時眾裡尋她找不到，無意昂首，她卻早在燈火闌珊處。今天便是這樣。有些事，真的應該隨緣。

陳奕迅：《要是有緣》
每日一曲。今天的是Dai Lo閱畢7/9/03段記後點給我的。雖然我不太喜歡用流行曲的東西來剖析我的心，但到底這也是大佬的一番心意，多謝。是的，歌詞很有意思。
《要是有緣》是電影《表錯七日情》插曲，原唱者為鍾鎮濤。原版的風格為'80 Soft Rock，中段還有一段舞曲式的變奏，但這段變奏在整首歌中卻顯得格格不入；陳奕迅則以全新編曲的爵士版演譯。而陳奕迅重唱的版本不論演唱或是音樂都比原版精彩和優勝。所以我經常都說，香港的「樂壇」雖然幕前慘不忍睹，幕後還是很值得欣賞的，雖說發揮的空間只得很少，出色的音樂人還是有不少。只是他們除了在演唱會和私底下玩時，真的沒有多少可以大展拳腳之地。

信是有緣要是無緣怎可此世此生竟碰見　但若說是情緣　怎麼似利劍
無形刀鋒剖開心一片　但它未能滴血　而是滴下強忍淚兒　你不可見

要是有緣卻為何從開始都已得知它會變　無若說是無緣　應不會恨怨
無窮悽酸充斥於骨髓　令它腐蝕了　還剩下我這份情此生不變

分手間即使都自願但偏偏總感到掛牽　我無言妳他無語同樣知一起再難存
妳請不必傷心也休擔心是否使我傷感　人習慣隨著歲月自行步遠
10/9/2003 WED

平凡的一天。又係朝早搭個幾鐘車返教院之後坐兩個鐘再搭個幾鐘車返屋企，晏晝偶爾做下RA，跟住食埋飯就嘆句「噉就一日。」噉既生活連頹都不如，頹果陣時我起碼會感覺到仲有少少「意義」，而家我係平淡平凡到連感覺都冇。再睇返今年，雖然已經係year 4，但係仍然可以有一半堂係接近一個人都唔熟／識一個人霸一圍檯。上堂戇居唔緊要，做功課果時我都唔知點算。點樣睇，今年都係似Year 1多過Year 4。

BEYOND：命運是你家
每日一曲。今天的是相信沒多少人沒聽過的Beyond名曲《命運是你家》。我最愛的Beyond作品之一，亦是其中一首我可以整晚數小時內不斷重播著仍會嫌不夠的一曲。之前已經很喜歡這首歌，因為很喜歡它的詞；之後變得更喜歡這首歌，因為更喜歡它的詞。雖然不是在說那回事，但看著歌詞，有時也看到現在的自己。
《命運是你家》的曲式很簡單，木結他搭配Hammond Organ加上簡單的敲擊，非常傳統的ABAB，只有起始和結尾有結他獨奏而中段沒有，可以說是"Hotel California"的簡短版。雖然整首歌只是將正歌和副歌重覆一遍，但那悠揚的木結他加上滄桑的演唱和歌詞，卻為這三分半鐘添加了百聽不厭的魅力。雖然黃家駒主唱的原版是接近無瑕，我卻獨是喜歡'96 "Live & Basic"演唱會葉世榮主唱的不插電版本。葉世榮的唱功是不夠好，但在三子之中他的聲線唱腔卻和黃家駒最相似。或許他在音準和運氣方面還有很大的改善空間，但他這一種粗糙感卻更能配合這本已滄桑的歌曲。

天生你是個　不屈不撓的男子　不需修飾的面孔　都不錯
風霜撲面過　都不可吹熄烈火　幾多辛酸依舊他　都經過

天生你是錯　長於水深火熱中　可惜他根本未知　只苦幹
溫馨笑面裏　太多辛苦的痕跡　今天即使他受傷　都不覺

不管身邊始終不停有冷笑侵襲　你有你去幹　不會怕
即使瑟縮街邊依然你說你的話　那會有妥協　命運是你家

從沒埋怨　苦與他同行　迎著狂雨　傷痛的靈魂

不經不覺裏　獨行
11/9/2003 THU

「快閃黨之約：
請大家於中午一點一齊到central plaza
大叫『灰！』十次」呢個本來只係琴晚同阿May姐傾副修語文俾教院屈到好灰時無聊講下（點屈？乜我冇話你知教院已經講到明副修語文就算過到基準下年畢業之後理論上都係唔可以教語文，除非花多Ｎ年同$XXXXX讀多張cert？梗係冇講你知啦，教院我真係已經無乜意欲講咁多。你唔覺一年一度之「師範」《讀後感》今年都冇咩？），點知班友當係真跟住揚到通街都係。話就話「通街都係」不過最後都只係得十零個4BEd(P)人出現。
「召集人呢？召集人係邊個？」
雖然我只係開左個頭不過一睇就知道人人都會當我係召集人啦，因為全教院只有我可以咁廣泛＆自如地應用到「灰」呢個字。最後班人都係有閃到，不過嗌左七次之後就閃晒。而我，當然冇去玩。有人好不滿，「召集人」係我，平時最無聊果個又係我，到今次真係黎料反而肴底。我只有一句：「對唔住。」假如係前兩年，我都可能會玩，但係今時今日之劉義已經冇火喇。俾我揀，係淨返之日子入邊我寧願做返個冇乜人知冇乜人見冇乜人理冇乜人記得之低調傻仔避世，都唔想「型」或者「威」到全級都識我。係可能劉義係行緊回頭路，不過暫時連佢自己都改變唔到呢個方向，因為根本就冇第二個方向揀。

今日錯失左好多人同事，因為要做RA。唔係科學系（好耐冇搵過），唔係心理學系（耐到佢地都冇再搵我），係藝術系。不過唔係"Dark Artist"黃生，係一個藝術人＋中文人之合體阿Ms Wong。佢想出隻CD講關於中文詩詞，就搵班人同佢讀詩加玩下音效以藝術融入語文。之前叻姐做過首辦，今日聽過，笑爆咀因為好Pink Floyd，都係係一段「歌詞」上面地加入好多聲效，不過個辦出黎個效果當然係嘈同拆而唔係迷幻。因為全部野都係叻姐負責開之關係，我全日之工作就係俾佢拐帶強迫坐係度成個晏晝睇住佢做野然後等收錢。仲有一樣，就係見證潮流興復古，時光倒流四十年。好多時我都以為修得美術果ｄ人除左視覺之外聽覺都會有一定「修為」，例子又係"Dark Artist"黃生。點知今日同阿Ms Wong講返，原來佢都未聽過PF。所以我成日都覺得黃生留係教院屈就左，因為佢俾其他人優勝一個地方：除左對眼連對耳都開埋竅。
話就係我同其他人一齊做，但係我敢講一句我係做最少果個，睇下今日就知。即係唔係我唔做囉不過次次我搞親果ｄ都俾人ban晒。點解？聽過你就會明架喇，不過我要搵到位掟上網先．．．

今日係中秋節，本應係人月兩團圓之節日。唔使同我講「中秋節快樂」喇，呢個係我過過最唔快樂之中秋節。算啦唔使再講，當你心灰意冷之時，無論點樣都只會望到是灰觸到是冷。

BEYOND：為了你，為了我
每日一曲。今天的是Beyond一首可能較不為人熟識的作品。不知為甚麼，雖然Beyond很多作品都是膾炙人口，我卻對他們一些較不出名的作品情有獨鍾，好像這首《為了你，為了我》。Beyond人人皆知的作品如《情人》、《喜歡妳》（很悲哀，這兩首仍然是我現在僅有懂得唱的情歌）、《海闊天空》等相信不會出現於這裏的了，因為這些經典不需要再多花唇舌去談論，或許直到「有緣」的一天吧。不知何解，第一次聽到已成為我最愛的Beyond作品之一，亦是通宵達旦地重覆播放都不會厭的一首歌。那充滿國樂氣息的Art-Rock風味是原因，那文筆、措詞、修辭和意念都異常出色的歌詞才是主因。之前已很欣賞這首歌，因為真的很欣賞那淒中帶美的歌詞；之後每一天都會聽這首歌，因為越聽越覺淒美，真的很切身，很相像。
《為了你，為了我》本來是Beyond作給蔡興麟的一曲，該版本是蔡興麟與彭家麗的男女聲合唱版，後來Beyond重新編曲，並由黃家駒主唱（誰是蔡興麟？1.這一首歌是四人時期Beyond作的 2.他曾出現於軟硬天師的《廣播道Fans殺人事件》 3.二千年時他曾於台灣再現由此可見，他是一個已浮沉兩載的香港歌手）。雖然沒聽過原版，但沒打算去聽，因為不用聽都知道Beyond的版本一定會優勝多倍，除該時期的Beyond那獨特的融合中樂元素之嘗試外，亦因為黃家駒。他永遠都是香港最佳男主音之一，不論聲線、唱功和感情都很獨特，而且很有實力。值得一提的是，此曲的填詞人是劉卓輝，一個除林振強以外我很欣賞的填詞人（此為一篇有關他的簡介）。我是不喜歡用流行曲歌詞來剖析我自己，但他的卻是例外，因為在我眼中，差不多所有他為Beyond所填的詞都是傑作，除了很有深度外文筆也是一流，而且題材都很社會性和很有時代感，在主流詞作中顯得格外不同，就像是藝術作品一般。即使是有關情愛的詞，他也能以那獨特的筆觸寫下不俗套而帶藝術美的詞作。這使我對他深深折服。只是到了九十年代，很少再見到他的作品面世，就連Beyond的廿週年新作《抗戰二十年》都是由黃偉文填詞，這「Beyond半御用填詞人」仿佛不願再作詞了。對我來說這是很失望的一回事，因為在這個年頭看到他的詞就好像找到沙漠中的一滴甘露。劉卓輝，您在那裏？

秋天的你輕輕飄過進佔我心裏　我卻每天等你望你知道我是誰
冬天雖冷仿彿想你看你已心醉　你到哪天方發現我總與你伴隨

憂傷的你拋開一切要往哪方去　與你那些真摯熱愛早變了夢蕾
可惜心裡不知不覺已進退失據　到了這天總也沒法刻意愛著誰

回望每一天共多少夢與笑　回望每一天剩多少情未了

懷念在過去　流連在雨裏　唏噓的風吹
還是未愛夠　還是未看透　依依不捨的佔有
從來未醉過　從來未痛過　怎知得清楚
原來為了你　原來為了我
彼此找到深愛過的感覺

但如何開始過
12/9/2003 FRI

新星堂就執，呢度好多人都知。雖然廿八號先話執，但係風聲大半個月前已經吹左出黎，今日專登上去，發現唔夠一個禮拜ｄ正野已經俾人執晒。噢，我的"S&M"＆Beyond！雖然都冇咩想執架喇不過見清貨大減價到全線六折起，勉為其難執一隻DVD一隻CD當救濟下班自己都話「我地而家係度倒數緊！」之員工啦。本來淨係DVD都成百六，而家連隻CD賣八十蚊咁平都有六折埋單唔使百四，冇得唔讚下佢地啦？不過佢地唔係有今日我都唔會上黎，除左因為佢地賣ｄ日本可以高到噉樣連自己都做死埋之外，仲因為呢度真係有好多妖怪。
永遠都係（最少我由細到大都係），專登去想或者計劃一樣野果樣野就唔會發生，但係完全唔去預計同在乎反而會出現。今日係新星堂意料之外地撞到一個人，不過我唔肯定果個人係咪就係我果個人。真係咁蹺？

行完新星堂走過隔離老細間舖（此舖不同彼舖，冇此舖就冇彼舖），離遠已經聽到老細充滿中氣之叫喊：
「劉Sir！」（所以我同老細咁投契其中一個原因可能就係大家都咁大聲）
雖然識左佢年幾，我都係第一次上「此舖」。大公司果然係唔同ｄ，假如有朝一日「彼舖」可以有呢度咁大咁豪華咁舒服就開心。跟住老細就濫用職權擅離職守以「去廁所」之名拐返我過去新星堂執野。做老細／高層真係開心。我亦覺得呢種工作方式先係適合我，正如好多人都話我性格同待人處事方式根本就唔適合學校個環境，自己出黎闖天下先至係我應該走之方向。

之前幾日生意唔錯，諗住今日係紅假實又多人到爆就專登上黎打躉坐鎮幫拖，點知反而係乜人都冇。係我認係我錯係因為我上左黎邪住，搞到今日人影冇隻西人就大把。夜晚人走晒西人到齊之後，生意更加由膠著狀態演化成硬膠。有幾？

瘦仔為左呃自己張EPS仲用得冇壞到就拎左舖頭部EPS機係噉轆，轆轆下拎張野入廁所「過冷河」之後又再轆過，雖然明知轆極都只係「此卡無效」同「讀卡錯誤」佢仍然抱住永不放棄之精神繼續浪費時間同俾其他西人嘲笑。
腰圍最粗果位阿冷問大家「邊個最肥？」係腹襲過在場諸位之後佢終於搵出答案就係「我最肥。」
全場瘋狂研究'80有咩老餅歌好聽／好唱／好無聊，結果研究到要門都閂埋（冇錯係我錯）。劉Sir現正聯絡亞視名導Metallicheung上TRHK拍返輯《八十年代麻甩回憶》。

PINK FLOYD - Wish You Were Here
每日一曲。今天的是Pink Floyd的名作"Wish You Were Here"。又是一首連續聽一千次都不想停下的經典。都是因為歌詞。不明白其他的不要緊，光是一句"Wish you were here"已經夠了。當中那些疑問和感慨本已覺得很悲傷，現在聽回感覺更強烈，因為說給我、說給她聽，仿佛都很合適。此曲的音樂亦很神奇，明明是很寧靜很舒服的木結他，但配上滄涼的歌詞和演唱，卻又為那平靜帶來了不安和不悅，聽起來有點笑中帶淚的感覺，而這也許就是"Wish You Were Here"想帶出的。只是現在聽這首歌，除了淚之外甚麼都沒有了。
不說給你聽的話，可能你不會相信這一首感覺那麼「現代」的歌曲其實已有三十年歷史，因為很多現在的人玩的，其實都和這很像。第一次聽到那以不斷跳台的收音機帶出矇矓的木結他，之後另一支木結他仿佛就在收音機前作對彈的起始，已對當中的意境感到驚嘆，即使已過了三十年，這仍我眼中最有創意的歌曲段落之一。在玩開迷幻／Art-Rock的Pink Floyd來說，這首歌其實頗為「傳統」，AAB的曲式、以木結他作主導再配上鋼琴和其他簡單樂器，連他們著名的特殊音效與取樣和錄音方式都不多在此曲中出現。雖然並沒有帶出PF最著名最拿手的迷幻感，"Wish You Were Here"卻帶來了另一種感覺，仿如置身荒野般滄桑的荒涼感。充滿比喻的歌詞有著不同的含意，除了是主音、低音結他手兼主腦Roger Waters對前隊友和朋友Syd Barrett的追思外，也表達了Waters在成名後對自己本來的理想和理念與現實之間的反思。不同的人在不同情境讀這段歌詞，都能從當中得到不同的感受和領悟，而這亦是"Wish You Were Here"的魅力所在。這麼富深度的內涵、獨特的外在，這個年頭已很難找到，因為時代越進步，人卻變得越腐壞、腐敗。你明白為甚麼我會那麼念舊了嗎？你明白為甚麼我會那麼喜歡她了嗎？"Wish you were here..."

So, so you think you can tell
Heaven from Hell? Blue skies from pain?
Can you tell a green field from a cold steel rail? A smile from a veil?
Do you think you can tell?

Did they get you to trade your heroes for ghosts?
Hot ashes for trees? Hot air for a cool breeze? Cold comfort for change?
Did you exchange a walk on part in the war for a lead role in a cage?

How I wish, how I wish you were here.
We're just two lost souls swimming in a fish bowl, year after year.
Running over the same old ground, what have we found?
The same old fears.

Wish you were here...
13/9/2003 SAT

又係新星堂。又係掃貨。今日好開心新星堂冇妖怪出現（可能因為佢地已經執晒最正果ｄ所以唔再黎）。可能因為噉心情都好ｄ，又掃左三隻。
ELF FATIMA - Kill All W
香港Gothic野，見本來九十幾而家六折又俾我見到就順手掃埋。唔係太鍾意架其實。又係而家唔多會聽但係覺得總有／可能有一日會鍾意所以買定先果ｄ。
QUEEN - Queen II
QUEEN第二隻大碟。QUEEN我係好鍾意一直都想搵齊全套，見又係九十幾有六折就唔爭在順手多次。又係買黎似係為買齊一套多過聽果ｄ。
NINE INCH NAILS - And All That Could Have Been
本來對呢隻Live孖碟特別版冇乜興趣，因為Live果邊玩得麻麻我只對隻Unplugged Bonus Disc有ｄ興趣，不過見$195六折完之後只收$117仲要平過佢地ｄ大碟就又唔爭在多次啦。買完之後專登過隔離搵老細講返句「噉減法真係折墮！」呢隻我就真係會聽喇，因為NIN我真係好鍾意。好鍾意．．．

今日之TRHK，劉Sir終於似返劉Sir。

今日TRHK好似一舊雲。因為客似雲來。
單日生意額（當然係我做）接近三字頭。好耐（當然係我）未試過。
三個新人。兩隻新鬼。人又有錢又有。同埋發現TRHK Webzine真係／終於有用。
連套鎮舖之寶KISS公仔都賣埋，仲有咩投訴？

好開心。不過唔開心。因為，覺得有ｄ邪。而家自己越有用，越覺得冇用。灰。所以拎隻NIN出黎聽．．．

NINE INCH NAILS - Something I Can Never Have
如果要選一首最悲哀歌曲，我一定會選這首。如果要選一首歌表達我現在的心情，我一定會選這首。還需要解釋嗎？和"Wish You Were Here"一樣，光看歌名便已知道我在想甚麼、想念甚麼。歌詞，亦是刻骨銘心。
"Something I Can Never Have"收錄於第一隊打入主流市場的Industrial Metal樂隊NINE INCH NAILS的首張大碟，89年的"Pretty Hate Machine"。NIN其實只是主腦人物Trent Reznor的一人project，而他是將於工業音樂界中名留千古的一人，因為他在這專輯中做的可說是顛覆了工業音樂的理念：當前人以營造冰冷的和死板的機械感作為工業音樂的大前題時，他卻為這不應存在感情的音樂加進了人性。在這之前，像"Something I Can Never Have"這種以鋼琴作主導再加入輕微工業元素的"Industrial Ballad"是不可能存在的。Trent Reznor的出現將工業音樂帶進一個新領域，但這個領域屬好屬壞，則不花時間與精神去討論，因為只要是好音樂我便會接受和喜歡，商業音樂亦然。

I still recall the taste of your tears.
Echoing your voice just like the ringing in my ears.
My favorite dreams of you still wash ashore.
Scraping through my head 'till I don't want to sleep anymore...

You always were the one to show me how.
Back then I couldn't do the things that I can do now.
This thing is slowly taking me apart.
Grey would be the color if I had a heart...

In this place it seems like such a shame.
Though it all looks different now, I know it's still the same.
Everywhere I look you're all I see.
Just a fading fucking reminder of who I used to be...

Come on tell me!

You make this all go away, you make this all go away.
I'm down to just one thing, and i'm starting to scare myself.
You make this all go away, you make it all go away.
I just want something...
I just want something I can never have.

I just want something I can never have...
14/9/2003 SUN

今朝，冇咩好講。因為發現前日係新星堂撞到果個人原來唔係果個人。唔開心。跟住諗返好多野。更加唔開心。

今日，冇咩好講。鼓，都冇咩好講。唔使用力果ｄ都仲叫做打到，要用力果ｄ就唔使諗喇，所以呢排阿Sir都由最基本開始教返起。冇時間練係原因之一，到而家個腦都仲未可以去返以前咁集中先係問題，我而家連拍子都數唔準。連鼓都打唔返可能真係幾灰，不過我唔會後悔。

今晚，先有ｄ野講。幾耐未試過TRHK員工出黎聚餐？可能因為直到呢一日，大家先至有心情食飯。過左暑假立即人又有錢又有TRHK似返ｄTRHK生意唔使點講；老細頭家好似冇乜事，其餘果幾個麻甩佬冇女果幾件唔太灰（最起碼係「冇咁灰」），有女果幾件就唔使理因為在場除左老細根本冇人係有女，點解就自己睇《麻甩佬分類指南》。雖然聚餐時街外係橫風橫雨，我地圍檯就好似開始雨過天晴－係，只係「開始」。所以其實可能都仲係（幾／好）灰。

最後，特別嗚謝阿TRHK May今日狂風暴雨都專登買盒麥樂雞上黎俾我，仲要係九件裝忝！
「見你呢排咁灰，咪醒幾舊野等你開心下囉！」
噉下次乾脆醒幾舊水俾我等我開心死啦。又或者帶埋「果個人」上黎，我會更加開心架呵呵．．．

NINE INCH NAILS - Hurt
每日一曲。今天的是NINE INCH NAILS最出名歌曲之一"Hurt"。歌詞是一個被遺棄的人對他的悔憾之述說。還要我多說嗎？
"Hurt"是我聽過最富感情的一首歌，但很諷刺地這充滿感情的一曲不是出自古典、爵士、藍調或其他以感情著稱的樂手，而是一隊工業樂隊。和"Pretty Hate Machine"一樣，NIN的第二張專輯 "The Downward Spiral"同樣有一首"Industrial Ballad"，而這首歌曲便是"Hurt"。同樣地，"Hurt"是一首加進了工業元素的鋼琴抒情曲，Trent Reznor從來都不是一個非常好的主音，但我卻很喜歡他在此曲中的演唱，因為他能夠將當中沮喪和無奈的感覺很真切地演譯出來。所以雖然很多人都說"Pretty Hate Machine"才是NIN的最佳作品，我卻獨愛"The Downward Spiral"，這專輯甚至是我眼中最完美的工業專輯之一，就是因為「感情」。除此之外也因為在這作中NIN將'70藝術搖滾的手法加進了工業金屬之中，除了使這專輯充滿了前衛性和創意外，也令其成為了NIN最不商業、不主流的作品－雖然還是得到了商業上的成功。但不論Trent Reznor如何「不商業」，他的作品永遠也不能夠擺脫「流行」和「商業」的枷鎖。這是他和魔鬼訂下契約那一刻便應驗的詛咒。

I hurt myself today to see if I still feel.
I focus on the pain, the only thing that's real.
The needle tears a hole, the old familiar sting.
Try to kill it all away, but i remember everything...

I wear this crown of shit upon my liar's chair.
Full of broken thoughts I cannot repair.
Beneath the stains of time the feelings disappear.
You are someone else, I am still right here...

What have I become? My sweetest friend?
Everyone I know goes away in the end...

And you could have it all! My empire of dirt!
I will let you down, I will make you hurt.

If I could start again, a million miles away,
I would keep myself, I would find a way.
15/9/2003 MON

今日六點半要考基準，迫住要走堂。不過結果都係返左學，因為見今個sem一科選科都冇得讀，每日一堂咁戇居／得閒／冇野做就add返一科讀定先等下年可以嘆返ｄ。雖然要禮拜一朝早八點半上堂、雖然第三堂開始先至入黎讀一堂都唔走得、雖然全班得我一個男仔我都會讀（雖然學校仲未批俾我讀而家只係扮晒野夾硬屈入黎讀住先），除左貪科野夠頹阿Sir更頹份只得一份仲要係二千字咁大把之功課仲頹之外，仲因為我都唔記得我揀左下年讀ｄ乜，襯而家知道呢科咩料讀左先廢事下年上堂先知自己揀埋晒ｄ戇居科。除此之外仲因為，好灰，真係冇火喇。而家淨係想渾渾噩噩捱埋呢一年走左去算，見呢科可以咁求祈就讀左先算。換著係以前如果知道好似呢班噉成班都係女得我一條仔仲要差唔多冇一個識，就算點頹我都唔會入黎讀。

今日六點半要考基準。講今日六點半之前，講返琴日六點半先。
琴日六點半，係舖頭等開飯之際遇到兩個菲傭係電梯口唔知做乜。上前問問發現佢地唔識點樣上皆旺樓上間菲傭公司，跟住就帶左佢地搭電梯上去。上完去之後發現佢地出左黎旺角唔識返屋企，噉又同阿威一齊穿州過省帶佢地去搭車，先由皆旺去好景帶其中一個搭小巴返西貢兼買walkman火牛，再經信和帶另一個去地鐵站然後返皆旺。呢半個鐘入邊大家一直都有對話而且全程英文，搞掂之後覺得自己英文真係唔錯，對今次基準試好有信心。
今日六點半。到左先知道點有信心都冇用，因為雖然我可以用英文向ｄ鬼教路（舖頭內外都係），不過我係完全唔識用英文講下「香港是一個自由開放的社會嗎？」後來小組討論先好少少，因為對住果兩個現職阿Sir口英文真係可以做我綠葉，但係討論點好都冇用因為可能最後又係同上年一樣死法，其實乜都掂就係因為衰free speaking搞到又要考多次。
係囉，其實我英文都唔係好好遮，雖然可以同ｄ鬼講到野傾到偈不過考唔到試。

GUNS N' ROSES - Estranged
每日一曲，今天的是GUNS N' ROSES兩首鉅名大作之一"Estranged"。"Estranged"者，疏離也。對，每日一曲變得一天比一天短，因為很多時我說更多都沒用，也根本不用說那麼多，歌詞已經說了給我、給您、給她聽。
GUNS N' ROSES可能是八十年代最偉大的Hard Rock樂團之一，因為他們的音樂和行事作風都告訴了世人甚麼才是"Rock N' Roll"。在八七年推出了當代經典"Appetite For Destruction"後，相隔四年終於有新大碟推出，而且還要不是一張而是兩張："Use Your Illusion I & II"。可能對很多人來說這兩張專輯是他們衰落的象徵，因為變得沒火氣了，而且竟然玩起包裝華麗的Power Ballad而缺了之前原始粗糙的味道。不論如何，換個角度看／聽，此兩作仍然是佳作，或許有人不能接受"Sex&Drugs&Rock&Roll"的他們突然間談情說愛起來，但純從音樂角度看他們的創作力也是不賴的。在這收錄於"Use Your Illusion II"的九分半鐘大作"Estranged"便是樂隊最成功作品之一。使得這九分半鐘內每一刻都充滿吸引力而不冗悶的除了感情豐富的歌詞之外，那憂傷的結他亦是引人入勝的地方。這曲的結他演奏可能是結他手Slash最為人忽略的表現之一。而這樣的作品可說是可一不可再，尤其是這個年頭更加難求，現在用十分鐘唱出對對方的思念，無論多麼感人和感動都只會被當作傻子看待。

When you're talkin' to yourself and nobody's home,
you can fool yourself you came in this world alone.

Old at heart but I'm only 28, and I'm much too young to let love break my heart.
Young at heart but it's getting much too late to find ourselves so far apart.

I don't know how you're s'posed to find me lately, and what more could you ask from me.
How could you say that I never needed you when you took everything...
Said you took everything from me!

Young at heart an it gets so hard to wait when no one I know can seem to help me now.
Old at heart but I mustn't hesitate if I'm to find my own way out.

Still talkin' to myself and nobody's home...alone...

So nobody ever told you baby how it was gonna be.
So what'll happen to you baby, guess we'll have to wait and see.

When I find all of the reasons, maybe I'll find another way,
find another day with all the changing seasons of my life.
Maybe I'll get it right next time, and now that you've been broken down.
Got your head out of the clouds, you're back down on the ground.
And you don't talk so loud. And you don't walk so proud anymore. And what for?

Well I jumped into the river too many times to make it home.
I'm out here on my own, and drifting all alone
if it doesn't show give it time to read between the lines.
'Cause I see the storm getting closer and the waves they get so high.
Seems everything we've ever known's here. Why must it drift away and die?

I'll never find anyone to replace you!
Guess I'll have to make it thru, this time, oh this time, without you.

I knew the storm was getting closer, and all my friends said I was high.
But everything we've ever known's here, I never wanted it to die.
16/9/2003 TUE

今日，冇咩好講，都係一起身就返學，返到上兩個鐘堂落堂就走返屋企，之後乜都冇。所以你話我點可以咁容易就放低，有ｄ野佢同我好似。而家我反而變得越黎越似佢，好多佢身上我之問題同（負面）生活習慣慢慢係我身上出現。都可謂取短增短。

GUNS N' ROSES - Novermber Rain
每日一曲，今天的是GUNS N' ROSES最著名鉅作"Novermber Rain"。又是沒甚麼好說的了。妳聽到嗎？
"Estranged"是"Use You Illusion II"的長篇作品，"Use Your Illusion I"則有兩首長篇大作，分別是描寫追龍、長達十分鐘的"Coma"，和這與"Estranged"相對的九分鐘長曲"Novermber Rain"。憂怨的鋼琴加上抒情的結他，搭配磅礡的交響和那詩畫般美的歌詞，加上那絕對是「最佳MV」三甲之內的music video，在我眼中這是最完美的一首流行曲，也是最華麗的Symphonic Rock作品，更是我最愛歌曲之一。雖然是很完美，但不再花心機去吹捧她，因為再寫一萬字都不及你自己聽一次那麼傳神。但或許也會有些人不會喜歡這歌曲，因為主音那高吭沙啞的唱腔並不討人喜歡，最後那段加快和變重型的末章也未必合某些人的口味。也有些人對這首歌恨之入骨，是那一些人就不再說了。而我則仍是以那態度對待音樂：「只要我覺得好聽和能感動到我就行了。」

When I look into your eyes I can see a love restrained.
But darlin' when I hold you, don't you know I feel the same?

'Cause nothin' lasts forever, and we both know hearts can change.
And it's hard to hold a candle in the cold November rain.

We've been through this such a long long time just tryin' to kill the pain.

But lovers always come and lovers always go
and no one's really sure who's lettin' go today...walking away.
If we could take the time to lay it on the line
I could rest my head just knowin' that you were mine...all mine.
So if you want to love me then darlin' don't refrain,
or I'll just end up walkin' in the cold November rain.

Do you need some time on your own?
Do you need some time all alone?
Everybody needs some time on their own.
Don't you know you need some time all alone?

I know it's hard to keep an open heart when even friends seem out to harm you.
But if you could heal a broken heart, wouldn't time be out to charm you?

Sometimes I need some time on my own.
Sometimes I need some time all alone?
Everybody needs some time on their own?
Don't you know you need some time all alone?

And when your fears subside and shadows still remain,
I know that you can love me when there's no one left to blame.
So never mind the darkness, we still can find a way,
'Cause nothing lasts forever, even cold November rain.

Don't you think that you need somebody? Don't you think that you need someone?
Everybody needs somebody, you're not the only one.
You're not the only one...
17/9/2003 WED

今日返學，其實只係為左lunch同兩個人飲野。食，我係教院好耐冇食過野。點解？唔好問我。因為某程度上係唔使問。
估唔到除左我之外你兩個同我一樣都係呢排遇到感情問題。我要講既已經講晒，都再冇咩好講架喇。講多少少啦：
To L:
你都識講，如果佢真係怕俾人講，佢到最後都只會怕同一樣野。你覺得值得等落去、等落去會有希望，你就繼續啦。所以點解我成日都覺得宗教累人，今次好明顯你地就係因為受到宗教迫害先搞到如斯田地。人言可畏，我都明白．．．
To P:
既然你都唔預期佢會有回音，又覺得已經放低到／左呢樣野，又（終於）明白到單身之樂趣同好處，噉就繼續享受落去啦，反正你都「玩夠」。我同你係剛剛調返轉，玩夠單身喇，所以想搵佢．．．
To P & L:
又係呢ｄ老生常談，你覺得一件事對得住自己，做左之後唔會令自己後悔就去做啦，不過做左之後無論結果係點都千祈唔好後悔，因為係你自己揀。同埋有ｄ野驚就唔好做，做就唔好驚，又要做又要驚的話呢世人好多野都會做唔到。另外，你兩個係好朋友黎呀呵？係「我＆L」、「我＆P」同「P＆L」三個關係入邊，最唔似朋友果個反而係「P＆L」。你地知唔知你兩個都同我講過
「你同佢仲好傾過我對住佢果陣！我覺得你地似朋友多過我地呀！」
如果你兩個一早肯坐低傾下偈，大家就唔使好似而家噉咁煩咁灰（我係指你地唔關我事）。搞到好似我今日之功用就係令你地「和好如初」肯同對方講下野。
至於而家，我（地）可以做既只有等，等人到同等運到。

Bad Attitude
正當個個唔係返工就係返學冇野玩之際，終於（！）都可以再戰江湖。好有趣地，呢隊唔關Metal事（冇火喇真係唉），亦唔係Pop Rock（而家反而好想玩呢樣野），而係Punk（都叫做有少少火既）。其實想向Metal進發，玩完Rock之後應該到Punk，因為Punk技術上、體力上同速度上都同Thrash類似（乜冇話你知其實Heavy Metal尤其是Thrash係好受Punk影響咩？），所以想練返把「火」，都係玩返下Punk野先。
Bad Attitude好有趣地係由乜都唔識玩淨係識得唱之阿冷（不過係夏威夷住到頹晒，佢自己都話"too fat, no gas at all!"）同佢朋友阿冤（天才一個，音樂、電腦、藝術、運動無一不通曉，亦符合天才之終極標準：乜都掂就係讀書唔掂）搞出黎既Punk band。成隊band得佢兩個人而且已休止多時，剛剛阿冷自夏威夷來度三個月假，就搵左我同阿威呢兩個入去做session。雖然成軍已久但係今次先至係阿冷真正第一次夾band，結果大家都玩到唔捨得走，因為實在太好玩，我玩到fing頭fing到撞親個頭之餘對手又打到瘀晒。唔打由自可，一打發覺原來仲打到鼓，而且（居然）比之前進步左分分鐘Thrash得起。雖然拍子仍然係唔準速度好唔穩定又唔夠持久又略嫌唔夠火rolling又甩加打空氣．．．
「得喇小朋友Motorbreath我已經搞掂！Battery就差對腳等多唔知幾耐啦！幾時出山？」

東主有傷，是日冇歌聽。（好野！）

18/9/2003 THU

是日IT補堂超廢，成堂條友每三秒鐘就會講一個你冇可能會識既字眼然後
「唔明唔使擔心，呢ｄ野遲ｄ會講返！」
你睇過一套戲兩個鐘入邊只係得下回預告未？結果成堂就係係度玩。開左學咁耐，今年最好玩反而係呢一堂。今日個鬼佬示範左一下拋筆，不過玩左一次之後見到我就自愧不如，
"You spend really too much time on your hands!"
係呀我認架！右手轉筆得，左手轉筆又得，雙手轉筆都得，兩隻手同時唔同轉法亦得，得左！你得唔得？梗係唔得啦！呢家野要花幾年時間唔留心上堂專心鑽研先可以得道架！

放學之後同叻姐一齊落大埔行，真係行因為大家都好漫無目的地周圍撞黎撞去。我就都係除左CD舖之外咩都唔會／唔識行架喇（係真係好灰），不過可能係好事，因為你睇今日噉樣行一行發現有間Pop CD舖又入錯左兩隻照計佢地唔應該會入既DVD迫住又要幫佢地去噉ｄ死貨，你就知有時識少ｄ野／有少ｄ嗜好都有好處，就係少ｄ機會跌錢（呢樣野我成日都同ｄ客講：「唔鍾意聽乜乜乜淨係鍾意物物物咪好囉可以跌少ｄ錢！好似我噉乜都聽就死！」）
是日一行最大發現：
「喂，我係大埔中心見到你間舖『莉安化妝品』喎！」

行完就到是日重點：食雞。已經冇食晏晝，但係食左一件鬆餅兩舊雞之後已經再食唔到。而家好多時都冇乜胃口食野，就好似佢，每日都係食好少。四五月果陣趕成個月功課差唔多晚晚通頂先至瘦十磅，我淨係八月尾已經瘦左咁多。返到教院個個見到我第一句都係「乜清減左咁多呀？」我都冇辦法，亦都盡量唔去諗／理咁多，就好似我而家對住佢已經有點兒隨緣一樣。如果做唔到或者唔想做就算，做到或者想做就會去做，好似今日有機會同佢共聚果時我都同佢講左一ｄ同一個佢可能會去讀既course有關之資料，佢會唔會聽、用唔用得著、會點諗已經唔再咁關心／擔心，假如幫到著就最好。而我亦都會繼續噉樣做。
發覺自己都幾失敗，因為我敢講自己識好多野、好多冇乜人識既野，亦做到好多人唔會做到之事，但係最正常果ｄ反而唔識做。做天才其實係幾悲哀之一回事，因為通常天妒英才。

返到屋企，先叫做笑得出，因為有得睇返琴晚夾ｄ片。係好好玩，係好好笑，係好正，所以得幾分鐘片都不斷噉睇睇左成晚。如果入到band房坐係套鼓度都唔識郁，劉義就真係死左。

19/9/2003 FRI

雖然兩點半先上堂，不過十一點幾已經返到教院，因為又有得夾，今次仲班埋個effect返黎忝！係我都認俾著係上堂我都唔會咁準時／咁落力！
雖然只得一支結他加一個歌佬（外加一位非常之意料之外之聽眾），但係一坐底就差唔多冇起過身打足三個鐘，而家有得玩就開心架喇冇咩要求，你要我打個4-beat打足三個鐘我都冇所謂。
最後，有條問題：
「點解妳會．．．？」

IT堂，又係玩足成堂。反正networking呢ｄ野點讀都唔會明，不如拎呢兩個鐘黎無聊下好過，玩多幾堂上晒mass lecture就冇得噉玩架喇。
最後，講俾妳聽（唔係「佢」）：
「睇見妳同佢而家咁開心，我都好高興。仲有八個月，即係下年交晒功課果陣就可以終成眷屬。祝妳好運啦！」

是日專登上一上舖頭等我地阿貴客TRHK May上門。全日生意都唔灰不過就到人灰：
「喂阿May姐，你又唔帶果隻碟上黎，又唔帶果個人上黎，人又冇碟又冇玩我呀？」

是晚節目又係睇片。"Born to be Wild"死腔痛哭版你聽過未？呢段我就唔敢亂咁send俾人睇喇，廢事第時唔使再行走江湖。或者下次要錄返ｄ正常版本黎派台（雖然個個都（只會）好想睇唔正常果ｄ版本）．．．

20/9/2003 SAT

是日生意超灰。阿威話可能係風水問題，因為隔離間影印舖日日唔開門我地都冇事，今日佢地一開度門遮住左我地舖頭，搞到ｄ財氣俾佢地截晒入唔到我地舖。我就覺得呢個係暴風雨前夕之寂靜，因為下星期有一批年度大貨到緊所以今個禮拜人人都唔輕舉妄動睇實事態發展。不過點都好，今日我都係同阿威做呢個員工培訓，因為以防我實習果時人手不足之關係（灰呀今年係全日制），所以搵定佢加入TRHK呢個大家庭。不過成日生意都冇乜邊幾單生意搞到佢培訓完之後想學以致用都冇，學得最識最熟就係呢幾樣野：
「冇客得閒無事果陣就倒垃圾啦，呢樣野你會經常做．．．記住噉樣噉樣就可以睇到今日個生意report，又係會經常做，因為你倒完垃圾之後仍然唔會有客唯有開黎睇下今日生意有幾灰．．．呢度好free架奉行呢個彈性上班時間，大部份日子都好似今晚噉想幾點收舖都得自助啦．．．」

21/9/2003 SUN

阿Sir教返ｄ基本野都教到悶／喊喇，所以今堂一於懶理上堂ｄ野一野就跳到去玩《我是憤怒》，大家都唔睇譜而係兩條友坐係度一齊即場聽執返出黎玩。係我認佢某程度真係好鬼懶殺到上門先執歌，不過我又好鍾意呢一種教學法，因為真係「教是為了不教」（唔好亂解呀我知你點諗架，好正架其實呢六個字）。第時教書（我會教的話）不妨試試。

今日有位追返之前ｄ段記之朋友同我講返我幾時幾時寫過某ｄ野好正。不過你唔同我講返，我真係唔會記得（返），因為我份人就係噉，過左就唔會再理再計，就算你問我琴日做過乜我有時都真係答唔到你。所以我會寫日記，等我第時會知道返原來我做過／諗過／寫過呢ｄ野。
雖然係噉，有ｄ野對我黎講仲係瀟灑唔黎。對佢之印象，仍然係記憶猶新。唉。

23/9/2003 TUE

今日落堂之後立即飛身上舖，因為終於有貨到喇（好似今個月差唔多冇貨到過？）。做到身水身汗搞掂晒上晒架之後都冇人工收反而要跌錢，餓左咁耐唔使添下香油咩？
是日節目係不斷聽電話，因為今日係阿威第一日睇舖而我夜晚又唔係度，所以每隔兩三個字我就會收到電話問「呢個點做？」「果個點搞？」噉都好，即係生意好。

24/9/2003 WED

大後日就要交功課（係呀今年居然要咁早交功課真係好灰），夜晚又係出去食雞所以諗住晏晝上拉記搞掂埋佢。五百字唔係噉都搞唔掂卦？梗係唔得啦！上到拉記仲唔訓餐飽咩！一訓就訓足兩個鐘，早知就去叻姐度幫個導師做錄影果個電影欣賞工作坊聽下唔知邊個名導講下電影睇下戲好過啦！
訓完再幫埋個導演搞掂錄影ｄ野諗住有飯開，點知又唔得！因為仲要將幫阿Sir將果餅外國因為倫理觀念唔同所以個個都話經典而我就唔識欣賞之日本片"The Tokyo Story"帶過帶，誰不知套野成兩個幾鐘噉就搞掂。係有時做RA真係幾戇居究極浪費時間，不過可以好似噉俾錢我坐係度睇晒成套《阿飛正傳》仲可以上七記食下行下我又唔拘！

又係食雞。今日終於食得落／晒，不過只限細桶。都好架喇上次大桶食左兩舊已經冇心情／胃口再食。而家有陣時仲淨係識食蕉忝。係呀食蕉呀因為飯都食唔到，當每日淨係食到一餐之時除左食蕉之外（貪夠飽同十蚊兩梳夠食兩日）都冇咩做到。

25/9/2003 THU

今日返黎係為左俾人屈入band房。正當每次我入教院之band房ｄ人都係叫我打細聲ｄ時，是日係band房之遭遇真係好不可思議：
「我淨係准你打metal鼓！仲要有幾嘈打幾嘈有幾恆打幾恆！快ｄ！」

係想繼續玩落去（屈我入band房果位仁兄都唔肯俾我走），不過冒住生命危險都要走架喇，因為TRHK有阿茂利兄上黎做訪問！（但係結果佢鬼死咁晏先黎挑早知打多幾個鐘好過！）佢上黎影相做訪問係為左做功課（咩功課咁正？），而結果我就冇影相，因為唔似阿冷有長頭髮遮住個樣，廢事阿茂利返到學校係噉唱衰「係喇就係呢條友喇成日昆我錢！」之後出街俾人伏。
係自泰國歸來之阿冷度拎左ｄ泰國野黎聽。係夏威夷係買CD，返到香港都係買CD，去到泰國都淨係識買CD，而家我地呢ｄ麻甩佬都變晒做病態買家，買CD似為儲／擺／揮霍／無聊多於聽。以前香港音樂係亞洲某ｄ地區係處於領導地位，好多地區好似越南同泰國都係靠抄香港歌，但係經此一行發現而家泰國之音樂發展已經遠遠拋離香港而去到台灣級數：樂隊多呢樣唔使講因為同連樂隊都冇乜邊隊之香港比呢樣野係應份，而且音樂風格同接受力比起香港多元化好多，同一隻碟入邊可以有Nu-Metal、American Hard Rock、European Hard Rock、J-Rock、Soft Rock、Folk Rock而唔似香港係陳輝陽就首首都陳輝陽。所以點解話而家泰國會似台灣呢，可能泰文ｄ發音同語調同閩南話有ｄ相似係原因之一，詳情你聽下糯米糰（我眼中台灣最佳樂隊之一）再聽下ｄ泰國野你就知。
聽阿冷講，泰國真係幾天堂feel：
1. 唔商業，音樂以內同音樂以內都係，去過當地食肆就會明白
2. 泰國ｄ女好靚，靚得黎純樸（唔計人妖）
3. 當地人唔俗氣亦唔MK，真係聽野果ｄ人都係黑衫band tee牛仔褲（咦我好有潛質做泰仔喎）
第三樣野我最鍾意！冇計我最接受唔到就係「俗」同埋「MK」呢兩樣野！再睇下以下三個泰國MV你就明點解我會咁鍾意泰國：
MV1: 某妓女同某男人訓過一晚，第二日見佢同第二個女仔一齊之後喊
MV2: 老公努力賺錢養老婆（冇錯就係得咁多）
MV3: 一個女仔剛剛俾男朋友拋棄，之後佢個男鄰居悉心照顧佢令佢好感動，點知後來發現佢有女朋友，傷心之餘唯有搭火車著草。
冇錯係非常老土不過我鍾意，就係鍾意咁唔「俗」（以呢個年代角度睇）。係我仍然係非常憧憬八十年代果種感覺。唔再講喇因為跟住又會提起一個人之後又要生要死。

26/9/2003 FRI

一個月喇。算啦點講都只係得一片灰暗。當我呢個月係舖頭聽歌有時可以完全冇感覺甚至覺得嘈，係屋企播親都係ｄ靜野／靜態野果時，你就知道你對住劉義講乜都冇用。而當你知道有一個唔算差之女仔出現係我面前，而我都冇咩心情同動機去接近佢果時，你就知我到左呢一刻都仲未放得低。冇辦法。當你遇到過一個最接近完美之女仔，再睇返其他女仔好難會再有感覺。

27/9/2003 SAT

是日開舖。不過無論係我個人定還是盤生意都冇乜好講，因為今日生意就好似而家之劉義噉冇咩值得講。

有人好唔滿意今日得咁少。噉就講多少少。理論上今日係課程份功課之死線，不過我今日冇交到。點解？因為（難以置信地）我琴日一早已經交左。有幾早？分分鐘係全級最早果幾個。冇錯呢個事實係非常之難以接受，因為從正常角度黎講你係應該比劉義早（好多）開始做功課，好似今次噉你居然會遲過劉義開始仲要遲過劉義好多交就真係好有問題。係呀真係世界變喇，所以琴日我交完功課之後日本立即地震（8.6級架我冇呃你）。為左大家之人身安全，我下次做功課都係頹返ｄ好。
是日仲有另外一個嚴重問題，劉義係break果陣居然會話
「下兩個字break仲行咁遠？陣間返唔切去上堂架喎．．．」
從以上種種，可以睇到劉義真係變左。係變好左定變差左？劉義自己都唔知。

28/9/2003 SUN

是日又係冇咩好講。對我黎講雖然同之前冇分別，但係而家會感到自己之生活有點兒平淡，之前之「頹」變成而家之「悶」。因為佢令到我有呢個念頭。亦因為呢個念頭令我倍加思念。

特此嗚謝TRHK May贈送Nine Inch Nails演唱會DVD乙隻（當然係大陸廿蚊斤果ｄ貨啦小朋友）。
「新星堂最後一日喇喎！掃左ｄ咩呀？」
「唔講！講俾你聽你都唔識架喇我掃果ｄ！」
噉又係。乜都識果個係阿冷唔係我。我淨係識Nine Inch Nails呵呵呵。
TRHK開左一年，見到有兩間大CD舖分別執笠，分別係信和音樂會館（即係長毛果檔呀小朋友）同由三間分店變到過埋今日之後一間都冇之新星堂。見到其他較出名同偏流唱片舖執下執下又一間（最應該執果間反而唔執），係有點兒感觸。我真係諗過，幾時到我地？呢樣野，真係話易唔易話難唔難。

29/9/2003 MON

雖然係返四點半堂不過點半就俾人徵召左返教院，梗係開房啦唔通上堂咩？
又係俾人強迫打到有幾嘈得幾嘈果隻，之後仲要俾人投訴打得唔夠嘈忝。人地想玩靜ｄ都唔俾變態架ｄ人嗚嗚嗚～～～

本來都想做下野（成個月冇開過工喇！難得老細噉都唔小），不過結果返到屋企都係頹算。好耐未試過咁舒服／有心情去舒服。所以終於有歌聽。

NAPALM DEATH - You Suffer
每日一曲，今次的是現在無聊齋的主題曲，NAPALM DEATH的成名作之一"You Suffer"。這短短一秒長的「歌曲」其實是一條問題，一條現在經常都在問您、問我、問她的問題，也是一條到現在都沒有答案的問題。所以放在無聊齋的入口，好讓您和我每次來到這裏都會問自己一遍："You suffer...but why?"或許直到找到答案的一天，這主題曲才會消失。
八十年代出道的英國樂隊NAPALM DEATH是（極端）金屬歷史中重要樂隊之一，因為他們創出了Grindcore這一種最異類的金屬音樂。假如Hardcore是將Punk發揮至最激烈的話，Grindcore便是將Hardcore推至更極端的極限，在最短時間內以最大的爆炸力宣揚Punk的反叛精神，所以Grindcore歌曲的長度大多只有約一分鐘長，超過三分數的已經是少數，而像此曲般僅長數秒的更是多不勝數而且很「正常」，他們於1987年推出的首張大碟"Scum"便在少於三十五分鐘內塞滿了二十八首歌，最長的一首只有2:38長。這樣的「音樂」（在某些角度這字眼於此的運用值得斟酌）基本上是不可能受到公眾認同的，但當地一名DJ卻對他們感到興趣，並在電台中不斷重覆播放"You Suffer"使他們廣為人知，後來更為他們帶來了於BBC電台作現場表演的機會。錄音一共分成三部份，在第一部份裏他們不用六分鐘便已把準備好的十二首歌都玩完了。有人會問這一些只可算是噪音的「音樂」有甚麼好聽？．．．有人叫你聽嗎？

You suffer...but why?
30/9/2003 TUE

返晏晝堂但係又一早俾人召返教院開房。又係俾人強迫打到超嘈仲要唔准停。死喇我覺得再噉樣落去總有一日我會驚左唔敢再打鼓。

今日有人好唔開心，因為發現自己乜都有，就係搵唔到自己另一半；其他人無論點戇居點平庸點白痴點傻仔都好，但係就算點樣乜都冇法最少都一定有女。係係好灰，不過冇辦法。因為就算點樣想唔提都好，呢個都係我地擺脫唔到之 TRHK之詛咒。

1/10/2003 WED

冇我好耐冇買碟。因為呢排買碟ｄ錢拎晒去買二手碟。今日一唔覺意又跌左八條執／回收左三隻碟喇。大家仲有舊版野／無聊野／過癮野／聽極都聽唔明既野就搵我啦我一定會幫大家低價收購！
淨係噉樣做回收今個禮拜已經差唔多平均一日一隻，太多碟喇真係已經，係已經俾CD侵佔左兼ｄ碟多到跌晒落地下之書檯上邊仲有成大大棟碟係未聽，未聽真果ｄ就更加係不勝其數，就算唔買碟短（中）期內都聽唔晒／唔會聽得晒。不過，（二手）碟仍然會不停地買，因為而家除左成為病態買家仲做埋病態聽者。冇錯，又係因為TRHK之詛咒。

Bad Attitude
停左成個禮拜，終於又有得玩，不過隔左咁耐生疏晒除左呢兩日係噉執果首乜都唔記得晒。
成晚班友都冇人性架！兩粒鐘係噉玩快歌，之後仲要嫌唔夠快
「呢首好似唔夠恆喎我要快版唔該！」
噉都仲唔夠，
「呢首得一分鐘好似太短，唱完一次之後再入呢段！」
打到連個鈸都打爆真係差少少打鼓打死！你班友梗係玩得開心啦下次交換丫拿！不過對唔住各位今次玩冇拍到，冇得睇我個死樣！

係band入邊玩到好激好放，但係一出左band房，又係靜晒變返做一個傻仔。灰。呢排真係你灰我都灰，唯有送杯竹葉灰俾大家飲返杯：
「琴晚悟出『MEDIOCRE MIND才是正斗』後，即時灰盡之阿冷一落舖頭即劈一罐Asahi啤酒，上到band房再劈多兩罐，可惜酒未能消愁，遂決定組成STILL GREY高唱"We are f**king grey..."．．．」

仲未夠灰？送埋剛剛今日到手之SPINESHANK作品"Grey"俾大家。唔使搵喇呢首歌，雖然將電子溝入Nu-Metal之SPINESHANK係Nu-Metal圈子入邊水準算係中上，佢地ｄ野同佢地一樣冇咩好講。

Undo this guilt, bathing in filth.
Slowly I run, hurt me for fun.

Grey that lurks inside of me.
Grey, feel I can't take it.
Grey that works inside of me.
Grey...

See is all I say - all I see is grey!
See is all I say - all I see is grey!

Grey...all I see is grey...
2/10/2003 THU Today is a f**king day, everybody's f**king grey.
Is there any way to end this god d@mn pain?

Today is a f**king day, ever darkness blocks the ray.
Why all that in my trail is no light but misery?

Today is a f**king day, mediocres crowd the bay.
Get me out of this $hit place, I'm gonna seize my day!

Today is a f**king day, just as before we're still grey.
End the rain, cure the pain, stay awake, walk my way!
3/10/2003 FRI

意外。好多意外。太多意料之外。真係有時刻意地去做到頭來唔會得到ｄ乜，但係唔去預期果陣時，最後反而會有ｄ得著。正如而家對住佢可以點做、做ｄ乜，諗左成日講左成晚，結論都係「唔知」。可以點、仲可以點，亦係「唔知」。或者好似而家噉樣無止境無觀望地等落去，反而係最好選擇。

4/10/2003 SAT

算啦。今日個人同生意都冇咩好講。因為：

EVERGREY - Words Mean Nothing
一首很優美的歌曲，一首很淒美的歌曲，一首很完美的歌曲，一首我很喜愛的歌曲，也是一首使我哭過的歌曲。之前聽時已經很想哭，之後聽更深受感動，雖然歌詞中的是另一個故事，那直接而淒慘的歌詞卻很有催淚的作用。
我最愛的Progressive Metal樂隊之一EVERGREY，來自音樂發展和形態都使得我很心怡的國家瑞典，創作了這一首可能是有史以來出自金屬樂隊手中最佳的抒情曲。雖說創作的是一隊金屬樂隊，歌曲卻完全牽不著金屬的邊際，整首歌是以在金屬界中極度罕見的豎琴和鋼琴作主導，配以交響式鍵琴、低音結他和很簡單的鼓作襯托，在最後以六弦小提琴奏出哀怨之音作結，而四分鐘的光陰便無意識地過去，然後使人想要更多的繼續下去。光是旋律和編排已足夠奪人之心，配上主音Tom Englund的獻唱更是雪上加霜。在歌劇式高音唱腔氾濫的Power/Progressive Metal圈子中，他那一聽便會被當中百般滄桑感染的沙啞嗓子便成為了金屬界中最特別的聲音之一，也使得EVERGREY註定要走上這永遠灰暗之路途。
在"Recreation Day"專輯中，"Words Mean Nothing"之前的三首歌曲是一個三部曲，述說一個男子在經過連串慘劇後失去了最心愛的人，使他對宗教的信念動搖以致憤怒，而"Words Mean Nothing"則是在三部曲過後，他到愛人墳前獻花時那傷心欲絕的最後話語，末段在憂傷的提琴之音伴奏下不住吟唱的一句"Words mean nothing..."，更使人感到無盡唏噓。對，聽時是很傷心很感觸，但是我卻仍會像現在般不停地聽了數十次後仍讓它繼續重播下去。人（尤其是聽Metal那些），有些時候的確是很自虐的。

My sanity has left me. My trust died with you.
What is left are only pieces...My tears fall for you.
I'm gonna fly, I'm gonna roll, I'm gonna thunder...

So I place the roses so gently on your grave,
and I still remember, I can feel the flames!
And I know I have failed...and my promises nothing worth...
I see it all so clear, but my words mean nothing...

I'm gonna fly, I'm gonna roll, I'm gonna thunder...

My sanity has left me. The trust I once had has died.
What is left are only pieces, all my words been proven lies...been proven lies!
If I could I would fly...roll...thunder...
All for just another chance to speak with you...show you...
But my words...but my words mean...

Nothing.

Words mean nothing...
5/10/2003 SUN

算啦。不論係人定係環境，都只是words mean nothing。仍然係咁灰，仍然係度等緊：

EVERGREY - Recreation Day
"Recreation"者，非「娛樂」也乃「重造」也。死亡一直都圍繞著我們，自己的還沒來臨，身邊的親人或朋友也可能健在，但有一種死亡卻可能已降臨在你身上，那就是心死。但不論是失去了身邊親密的人或是自己的心靈，人總要振作的生活下去，而在失去了某人／某物後重新建立回自己面對現實的那一天，便是「重造之日」。我的重造之日到了嗎？您的重造之日到了嗎？妳的重造之日到了嗎？

One step at the time, small progess seems futile,
but is as valuable as life.
I'm engaged to longing with sorrow as the ring,
controlling me, denying me...

Time heals, but still the mourning reigns.
I still breath when the loss reminds me again.
I am here, life is fear and sorrow's all I know.
Am I in depth cause so it seems?
But what I owe? I don't know.
Devoured by guilt and cursed beyond control.

My every morning is in every way.
The beginning of a recreation day!

Recreation...
6/10/2003 MON

BAD RELIGION - Mediocre Minds
今期愛歌。近期熱播。希望唔係講緊你。再冇咩好講，因為見得太多mediocre minds搞到冇咩心情講野。

Look around the country, an abundance you'll find of mediocre minds.
Sift trough the fodder as the sane justice declines because of mediocre minds.
Shrouded under cover, the most flamboyant guise hides a mediocre mind.
You got yours but you can never bend mine with your mediocre minds.

When the cry foul you had better watch out
because you never know which aptitude they're griping about.
Don't act too smart for their stenoscopic ways...
You'll be discarded away!

Reason's not to be what the privileged define with their mediocre minds.
So many sighted people act so helplessly blind from their mediocre minds.
If you want attention then you will be asked to bend
but the surest insurrection is enlightenment.
Then you can live outside inharmoniously without friends and enemy.

They wanna keep me locked away...
`Cause I'm an overactive brain!

Leaders, presidents and the nightly news guys cater to mediocre minds.
Reason's not to be what the privileged define with their mediocre minds.
You got yours but you can never bend mine with your mediocre minds.
The only natural thing that I despise are mediocre minds.

Mediocre minds!
7/10/2003 TUE

今日做咩事教院突然間咁有音樂氣息？想卜間band房仔玩下遮點解我已經一朝早返到黎都可以行勻晒兩座hall加音樂系ｄ房都俾人霸晒？你班友因乜事咁益智／咁大整蠱？

發現自從我半退隱之後，其他人個個睇舖都一定好生意最少過千，我同老細睇果兩日有碟賣到已經要拍手掌！
「劉Sir！我地都係時候退休喇！」
我都明點解有陣時都冇咩心情做落去喇阿冷，市道差極都唔反彈係原因，太多mediocre minds同hypocritic minds係主因。

8/10/2003 WED

「前幾日日日係屋企都訓得個零兩個鐘之劉義琴晚終於有覺好訓，十一點幾就訓左。今朝五點幾佢就起左身，之後帶左佢隻狗落街去球場跑步，跑左半個鐘之後返屋企沖涼換衫，六點幾就出門口返學。唔好唔記得佢今日係上十一點半堂喎。佢早三個鐘返到教院係為左燒一餅錄音帶落CD、準備十一點半堂個present同見阿Sir講Ed Proj個proposal。」
．．．覺唔覺得今日好唔妥？係真係好唔妥，淨係教院入邊「唔妥」之範疇已經包括左Ｎ件事同我以外之一個人。

放學之後冇飯開（好開心冇飯開！呢樣野真！），見咁早就飛出旺角搵阿冷兩條友一齊去稻香飲呢個硬膠茶。是餐主菜有兩碟蘿蔔糕兩籠奶皇包一碟叉燒酥，唔夠豪唔使擔心仲有芒果西米露同芒果布丁兩個甜品！淨係我果份咋喎呢度未計阿冷果堆豬柳味燒賣＋豬紅＋炸雲吞＋乜＋物，佢又係食兩個甜品，分別係呢個椰汁西米露同椰汁西米糕（冷曰：「之前去到泰國居然冇食到呢樣野！灰」），不過唔好諗住佢真係咁鍾意食椰汁西米食咁多而係因為剔錯左。今朝專登跑半個鐘同阿冷幾經辛苦的起心肝做果幾十下Sit-Up個幾鐘就付諸流水！好耐未試過好似今日食咁多，之前好多時食極都食唔到食條蕉已經飽，今餐真係食到喊，喊完之後仲有成籮點心打包返去舖頭請飲茶！不過喊得最勁都係埋單果時，嘩，兩條友飲餐下午茶仔都要每人八條！阿冷仲要話「平左架喇，本來諗住夾埋要成三舊幾！」每人八條的話真係去翠湖食呢個無敵自助任飲任食點心火鍋好過啦！你明除左得兩丁麻甩佬之外，呢餐茶叫硬膠茶之另一個原因未？
飲完茶仲有時間去開舖。之前日日生意都千千聲，今日我一出現就立即人都冇個，仲唔係因為我？唔使同我鬥邪喇呢度冇人贏到我！

Bad Attitude
灰！超灰！灰盡！成隊人夾到唔知似乜，鼓打錯晒加打唔到，主音冇氣加失聲，結他又支力，全隊得個bass見得下人，真係灰！超灰！灰盡！仲專登帶埋部機黎錄忝今次唉！唔好叫我俾片你睇，我自己都唔敢睇！冷曰：
「今日冇gas，好在冇guest！」
點解？點解會咁灰？到底邊個先係原因？

早睡早起之詛咒
十一點幾訓五點幾起身丫拿！仲唔係傻Ｘ左？
跑步之詛咒
身為麻甩佬居然違反自然定律去做運動，拿拿拿天譴黎喇！
Sit-Up之詛咒
原因同上，呢個故事教訓我地千祈唔好做運動！
Starf**k之詛咒
唔通因為一向反Starbucks之阿冷著果件Starf**k tee邪住？阿冷下次我要白背心襯孖煙囪唔該！
稻香之詛咒
好日唔飲茶，一飲就搞到噉，以後唔准去稻香！（乜唔係應該係以後唔准飲茶咩？）
TRHK之詛咒
得架喇有咩賴晒佢就得架喇實冇錯！

9/10/2003 THU

為免又違反自然定律，今日乖乖地十一點幾先起身。堂？要上既咩我仲以為用黎走既忝！

RA果邊已經成個幾月冇交到貨，難得欠左咁多咁耐老細唔發火。不過工點都要開下架喇，即係面皮厚一回事戶口就黎乾塘又係一回事仲要係好大件事。不過結果又係成日都做唔到，因為全日節目就係講電話，不斷地打電話同聽電話。TRHK不嬲都灰，最灰就係你俾人係背後插左Ｎ刀之後發現都係乜都做唔到。Mediocre minds with hypocritic asses, diu! IEd亦係咁灰，除左部份人之外，今日發現下年畢唔畢到業都唔知：ITCE呢樣野有冇人記得？記得的話你好彩喇，因為呢樣野分分鐘同我地畢唔畢到業有關。但係記得都冇用，因為到呢一刻都冇人知道點樣去達到呢個"ITCE"基準。教院個評分準則同畢業要求年年都改，改完又唔出聲話你知，聽左今年未經諮詢同官方完全冇提及過之英文科畢業要求，我發現我係畢唔到業－最起碼係俾唔俾畢業都唔肯定！副修語文果ｄ畢業之後又話唔夠資格唔准教語文（噉讀黎做乜？），諗住讀埋下年開始搞果張Post-Grad文憑就當自己變左做主修語文？唔好發夢喇，其實張文憑係冇用架！拎住張cert話自己係主修語文只會俾人笑，因為張野可以話係冇乜用！冇人話你知？梗係啦，咁大件事，教院點敢話你知呀？正如你連畢業個要求改左都唔知啦係咪先？
講到尾，其實都係一句：

「呢個世界，仆街實在太多。」

10/10/2003 FRI

咦雙十節冇假放既咩？而家先知忝！（呢一句每年十月十日都會出現所以唔使理呢條友）

冇喇今日係咁多。因為太頹（好似八月開始好耐冇出現過呢個字／呢樣野）。弊RA仲有幾噸野未做！

前幾日日日都幾十段，今日得果幾句，好昆水呀呵？係架喇係噉架喇打我丫笨呵呵呵．．．（條友間歇性失常傻Ｘ左唔Ｑ使理）

11/10/2003 SAT

是日好生意，淨係呢個禮拜六生意額已經差唔多等於成個禮拜總和（都幾灰）；是日超多客，人又有鬼又有，除左熟客仲要有唔少新客＆街客；是日賣左超多神奇貨品，包括大量貨尾同一ｄ接近永世唔會有人掂之死貨，連平日冇乜人理之T-Shift都一野去左四件；是日好完美，大半生意晏晝做晒，夜晚成班無聊人上黎吹水果時立即靜晒。是日，劉Sir（又名Metallau／「果條仆街」）終於似返劉Sir。

禮拜三開舖前有呢個硬膠茶飲，今日收舖後有呢個硬膠粥食。首先今餐出現左我見過最硬之其中兩舊膠：
１．「雪菜肉絲炸菜肉絲米」
２．「腿蛋麵跟火腿奄列」
點知一膠還有一膠硬。話說阿Rax等左好耐佢杯湅朱古力都未到，就拎轉頭同坐係後面檯果位「侍應」講：
「唔該，我杯湅朱古力等左好耐都未到，唔該同我追一追單！」
果位「侍應」當場嚇到呆左。面對噉情況，你係阿Rax的話會點做？佢反應係：
「頂你丫唔出聲！問緊你野呀！我講緊我杯湅朱古力呀！仲唔幫我追單port你架！喂！聽唔聽到呀！喂！．．．」

12/10/2003 SUN

Cole Marcus - The amazing 4-year-old drummer
呢位Cole Marcus小朋友現年四歲，阿爸係專業鼓手兼監製，阿媽係女主音。佢八個月大果時已經有perfect pitch（即係一聽某個音就知道果一個係咩音），十個月仲未識行已經識打鼓，十六個月已經同阿爸一齊登台表演，兩歲半開第一個演奏會。而家四歲之佢已經識得作曲，同時可以同大佢幾十年之樂手jam，因為就算首歌完全未聽過佢都可以本能地打出適合果首歌之節奏。噢灰！係條小朋友有ｄ位係打唔岩拍子同唔夠變化，不過都唔係多，最起碼少過我先，灰！即係而家我大佢廿年，但係我呢期連佢打到甩晒果幾野都打唔到＆諗唔到。仲未夠灰？我今日上堂果時居然可以連鼓棍點拎都唔記得嚇親阿Sir，夠灰未？死呢排突然間好似一個未學過鼓就坐埋套鼓之傻仔噉，不過我自己都唔知點解會突然間變得咁白痴。唉。

冇錯今日又係我，老細飛左間舖又係俾我打骰／玩／拆／（ˍ）(<自己填)。生意算唔錯（雖然同二字頭仲有一段距離），又有新客（當中有件好詫異我英文流利但完全唔識普通話之廣州客），又有麻甩佬上黎吹水，又夠靜。好似幾開心。「好似係」。微觀黎睇係笑得出，宏觀黎睇仍然係好唔開心。唉。

13/10/2003 MON

見今日朝早堂阿Sir請假唔返（佢上個禮拜居然可以「預知」今日會病所以請定病假真厲害），索性走埋晏晝堂唔返學。成日就係乜都冇做淨坐係度，不過唔係唔想做其實有太多野做，只係想做都做唔到根本提唔起勁。好似幾個禮拜前出現過同一堆字呀呵？

呢排超灰，先係MP3機耳筒爛左要買個新噉就$270，然後之前俾某次開房俾某人禁錮係band房唔比走，幾經辛苦先逃出生天不過糾纏之間個袋就噉俾人扯爛左（P字頭果個！你同我記住！），用到前幾日終於帶斷袋亡搞到要出街跌$230買個新袋（咁大個仔第一次出街買袋！聽落好神奇，不過呢個係事實！），一個週末唔覺意就跌左五舊水！唉超灰呀呢期，真真正正係人又冇錢又冇．．．戶口真正接近乾塘，下個月點算？

14/10/2003 TUE

呢份就係來自叻姐同阿明果份久違了之生日禮物。當然係實物原大。禮貌上我點都要笑，但係對於今年生日，我仲笑唔笑得出？
「．．．算啦。」

18/10/2003 SAT

算啦唔好再催喇。唔使問我前幾日發生左／過咩事喇。呢排突然間多左好多人黎呢度，然後猛咁問新段記幾時有，都幾意料之外。不過其實呢排寫唔寫都冇咩分別，因為只會同Ｎ日前一樣，亦即係同一直以黎一樣，又即係同你意料之內一樣，乜都只係得個灰字。當你知道本來做開社工問身邊其他人「咩事呀你？」幫人解難之我係一夜之間（甚至係突然之間）變成俾身邊本來係等我幫手解決之問題之人問返我
「嘩咩事呀你？？？發生左咩事呀！？」
果一位，你就明點解咁多日我都冇寫過字。而之後果ｄ亦係意料之內，各路人士都同我講「振作呀你」、「唔好噉啦」之類，而我就淨係識講
「．．．算啦。」

19/10/2003 SUN

都係噉。都係一朝早（正確黎講係晏晝，我呢ｄ人禮拜日係冇「朝早」呢回事）起身之後唔知做乜，都係上堂果時打鼓打到唔知似乜（雖然同上堂比已經似返個人），都係打完之後上舖頭睇下生意有幾灰（不過都好過差少少連市都發唔到之琴日），都係夜晚返到屋企之後坐係度成晚唔知做乜（雖然黎緊兩個禮拜有幾噸野要趕）。都係咁無聊。都係咁戇居。都係咁灰。所以，今日之段記，你都係唔使睇。

21/10/2003 TUE

是日得兩個字：

隨緣

22/10/2003 WED

可能我呢條命係唔可以咁勤力，上次一早交左份功課違反天條搞到而家天遣報應。話說上次一早交果份課程閱讀乜鬼，以前不嬲都唔多理guildline做功課之我居然突然發神經跟住黎做，噉就中招。份野限住五百字，我死慳死抵係噉減寫左六百八十，隔離班ｄ人話
「嘩！咁多！」
因為佢地組捉字數捉得好緊。但係我果組ｄ人就話
「嘩！咁少！」
因為原來我個阿Sir係俾成千幾字任寫。阿Sir睇到就話
「嘩！咁廢！」
梗係啦，個個都千幾二千字，我呢ｄ一千字都冇之傻仔自然做綠葉啦！跟住就到我話：
「嘩！咁灰！」
得五十分多少少（真係好少）全班最低仲唔灰盡？仲未盡！本來阿Sir係諗住俾「低分果ｄ同學」（即係我）一個重做機會，點知捉字數捉得好緊之隔離組收到風揚開晒一個唔覺意搞到其他導師唔准重做，阿Sir一句唔該「冇架喇你地唯有下次多加努力好自為之！」噉就不了了之。之於點樣為之「好自為之」呢？就係千祈唔好做到好似我果份噉（真架阿Sir就係用我份野做反面教材）。份野佔四份一，而家Ｄ左即係另外兩份冇A的話就唔使旨意有得執返條C。不過你話有冇可能？梗係冇啦！呢科聽D頭望C尾啦！唉！
今年學業異常不順利，先有Ed Proj跟錯阿Sir搞到一開頭已經得條C又教得唔好冇心情做落去，課程又自己戇居加阿Sir陰一鍋又搞掂埋。人又冇錢又冇已經灰，估唔到而家想讀下書都冇！唉！

今日入邊一日之內有三個人用過「豁達」呢個字形容我。經過左四年，雖然仍然係識得冇乜邊幾個（我見到對方而嗌得出名果堆，都唔知夠唔夠全級五份一），雖然仍然有好多人見到我都係扮睇唔到招呼唔打就走左去，雖然到左呢個第四年上堂果時仍然可以我一個人自己擺明離群噉坐／冇人肯同我坐，但係經各路無聊人宣傳（「無聊齋教院部宣傳大使」同我出黎！）同耐唔耐有人得閒無事撞上黎，而家已經搞到我唔識人而人人識我之地步，「係做到野但係寧願頹都唔肯做」、「三個鐘一份功課」、「大把工開」、「音樂人」、「無鬼聊」呢ｄ好多人都知。不論係教院定還是舖頭，都有唔少人將劉義呢個人大肆吹捧甚至神化左佢。算啦，第時見到我唔好再講「劉義你（ˍˍˍ）喎！」之類，因為只會更令我覺得自己係一個成功失敗人士，或者失敗成功人士。括弧入邊係粗口就例外，想小我請自便。（雖然我承認乞人憎係比比人讚更有快感）
由八月尾到今日，我都仲未可以面對／接受到自己。如果我真係咁（ˍˍˍ），就．．．唉．．．

23/10/2003 THU

說了。無話可說。

Dilba Demirbag - I'm Sorry

I painted a picture of you. Your soul was red, and your mind was blue.
Then destiny lad a light on my creation...
This dream I had made a slave of my passion, reality was always too far away,
and we were happy until it came too close one day...

Suddenly I faced the truth of my dream,
my love had only been a picture, a scene.
I suppose I needed to believe...didn't want to see...
You had never been close to me...

I painted a picture of you. My dream was a lie, and the lie became truth...
Reality held this breath too long, it's disgusting what dreams can do...

But I'm sorry this illusion has caused you a lot of pain!
And I have no solution...I'll try to never be back again!

I'm sorry!
I'm sorry!
I'm sorry!

I'm sorry...

I am...
24/10/2003 FRI

算。仍然係咁灰。講乜都咁灰。不論係人定事都係。所以，都係唔講。講返琴日隻歌算。

Dilba Demirbag係一位於瑞典當地頗著名之女歌手，出道時十七八歲，但係已經包辦晒作曲、填詞同大部份樂器演奏，而佢係九十年代中推出之同名專輯內其中一曲"I'm Sorry"，更成為瑞典當地最成功流行歌曲，直至今日仍然係瑞典電台播放率最高歌曲。成功因素有 1.Dilba把聲靚 2.首歌有齊最成功之商業元素 3.歌詞。至於點解我會識呢首歌呢？首野係非常成功不過只限瑞典當地，我又當然唔會咁得閒無事主動搵pop野，係因為EVERGREY。佢地揀呢首歌黎做cover，係因為係當地冇人唔識呢首歌，同時明白到番玩其他metal樂隊ｄ歌係好難超越到原版。而佢地揀呢首歌黎番玩亦係非常明智，因為呢一首歌根本就應該由佢地玩先玩得出果種feel，一睇ｄ詞就會覺得呢首歌根本就應該係佢地既。原版唔係唔正不過實在係太舒服，只有EVERGREY果種風格先切合呢首歌果種「灰」、果種悲壯。想像下老爹版同張惠妹版《原來你甚麼都不要》之別，你就會明白我講緊乜。所以點解我咁鍾意迪克牛仔。之前瑞典外相比人刺殺之後，"I'm Sorry"成為電視台熱門悼念歌曲之一，仲要係EVERGREY版而唔係Dilba版。所以點解我咁鍾意瑞典，Metal都可以登大典之堂雅俗共嘗，唔似得我地香港阿張大導隔一大輪先可以cut某首歌幾秒鐘出黎（仲要冇vocal）攝下位之後仲要比人話嘈。
點解提起呢首歌，相信睇過歌詞你都會明，又係一首evergrey song。到底而家係點，眼前係咪只係a picture, a scene，現實係lie定係truth，又係唔係已經lie became truth，我都唔知。而家聽返呢首歌已經唔會再喊，因為眼淚已經流晒。只餘「不愛江山愛美人，可惜美人不愛我」之唏噓。

廿三號之後我足足成個禮拜冇搞過呢度，你可能以為我又走左去喊，呢度又再執笠。不過，唔係。暫時仲未。但係假如再有人唱呢首歌，你就真係可以唔使再黎。

25/10/2003 SAT

是日心情愉快。上堂上得開心之餘，去到信和又執到正二手，開舖又好生意，夜晚仲有阿Bo Bo Chan同學因事忙關係免費捐出價值一百八十大元正之聖彼德堡交響樂團演奏會門票乙張！古典野我就未夠料聽架喇不過係小便宜就點都要貪，舖都唔開掟低俾阿冷噉就走左去！評價就唔識俾架喇我，我只有話我全場冇訓過覺囉。不過其實Metal人（尤其Prog果埋）好值得聽下古典野，因為其實Progressive之歌曲模式同舖排係存在住古典之影子，不妨尋一尋根假如你唔會悶死的話。所以真係抵Dream Theater班ＸＸ咁Ｑ掂Berklee出身讀過書係唔同ｄ！不過唔好睇我講到古典音樂咁好，點好我都唔會主動去搵黎聽，一來懶二來冇時間，三來手上幾層樓高果棟野都未聽掂，四來見到我老豆幾十層高果疊中樂／西樂／爵士樂，我就知道我後半世已經唔使驚唔夠野聽，而家只需要擔心前半世夠唔夠嘈。

好耐冇見過我心情咁好呀可？咪就係因為一個人。唔使講你都知我講緊邊個。見到佢突如其來之改變真係好意外，越見佢越覺得可愛（係咪第一次見劉義講呢兩個字？可想而知我變左幾多，亦可想而知佢係我心目中地位有幾高）。見到佢咁開心我都俾佢感染左，好耐未試過好似今日咁身心歡暢。係，到左而家我仍然係一直俾佢牽住走，就算到最後現實、事實都係冇改變到，我都仍然會繼續噉樣走落去。

26/10/2003 SUN

冇事冇事發生（唯一發生過就係又俾阿Sir小「一堂差過一堂！搞錯呀你！係咪打鼓架！」）。聽日要見校長，後日GS要出field，大後日要見ed proj，都係乜都唔做，乜都做唔到，乜都冇做過。全日，我淨係識坐係度傻笑。（雖然我可能真係只可以坐係度傻笑．．．）

27/10/2003 MON

是日去左見校長。冇咩好講。全日制。IT教兩級，GS教四級，英文一年級。四條友入邊得我一個係教GS同英文。實習期入邊冇活動又差唔多唔使考試要教足咁多個月。下個禮拜一開始教。唉。冇咩好講。

28/10/2003 TUE

晨咁早返教院，不過唔係為左搞實習，而係因為RA（唉，仲可以噉講，呢條友仲有冇得救？）。話說心理學系俾我放左多年飛機果位老細下個月要上京演講，噉就急call我呢個POWERPOINTer上去幫拖。至於之前欠左佢成年果單，就一笑泯恩仇，呵呵呵呵呵．．．

又係冇咩好講。其實有時我覺得你黎係幾無聊之一回事，因為開左學之後（尤其是呢排）我真係冇咩心情講野。唉。

29/10/2003 WED

是日灰盡。之前課程跟著個導師做要做多人地組幾倍但係分又要低人幾倍已經灰，估唔到Ed Proj又係灰盡，下個星期已經實習但係而家先發現本來個計劃做唔到已經灰，但係更灰就係佢都識講「剩返四日」都仲係嫌三嫌四，一句「普通左ｄ喎！／好多人做過啦！／太空泛喇！」噉就ban左Ｎ個idea。
「你地唔好做ｄ你地學過既，做ｄ你地未學過架啦！」
嘩未學過ｄ野點做？又學完之後唔俾做，入黎教院學咁多野為乜？可能入教院就係等你知道第時你教書果時有咩野係唔做得，而唔係等你可以學以致用。佢都有幫我諗過，不過佢諗ｄ野就真係重來冇人學過／做過，因為根本冇可能做到，好似佢話將全班學生分四組分別做聽、說、讀、寫能力訓練，每隔一段時間就調換每組之訓練，最後再做評估．．．聽左你都唔知發生咩事啦係咪？但係佢就係要人做埋呢ｄ「創新」野。唉Ed Proj跟著呢個導師真係冇咩期望，人地組上一份功課個個唔係A就係B鬼咁開心，係我地個tutor講到出口話我地廢「俾Ｃ已經俾高左」搞到全班得幾個人拎到C以上已經好唔妥，而家自己都知冇乜時間仲要求人地「創新」唔准人地做乜做物，唔該學下其他組ｄ導師乜都批又乜都唔理果種教學態度，「創新」呢樣野留返俾你地班學者做研究果陣先搞啦！良師呀唉！所以成日話跟到個好tutor好過揀到科好科！
入左教院之後，我真係未試過因為學業而搞到咁冇心情。ｄ導師同教學可以令到一個根本就唔想讀書之人都因為讀唔到書而唔開心，可想而知呢間學院係幾咁無能。以前我唔理自己成績係因為我根本對呢樣野唔上心，而家我唔理自己成績係因為點關心都冇用。當今年個畢業要求諮詢都冇諮詢過話改就改仲要改完之後冇高調講過俾人知，英文副修畢業要求而家都未知，而且按上年之經驗今年英文副修實習果時一定會凶多吉少，再加上今年跟親ｄTutor（尤其是最重要果科Final Year Project）真係成事不足敗事有餘，對呢年final year，我已經有點兒置生死於道外。

30/10/2003 THU

是日只得阿冷一句：

「怎麼能樣？我又能怎麼樣？」

31/10/2003 FRI

唉睇／搵／諗左成日都係得個桔－應該話桔都冇，甚至連粒桔核都冇。早知，琴晚一係就唔好放人飛機走去夾band，一係就去果個「馬田費曼結他講座」（唔使問我佢咩料我只會話佢可能係一個比日本人更日本之美國結他手，不論音樂上思想上都係），點都好過坐係屋企成日唔知做乜又乜都冇做又做唔到ｄ乜。唉唔好再講個clinic點樣正法喇！我都想睇阿瘦鬼同阿輝Sir（冇錯就係MESSIAH打鼓果個！反而係佢玩而唔係結他手Davy！）點樣同阿馬田費曼jam！話說個Clinic完左之後MESSIAH拉隊去個簽名會，阿馬田費曼同輝Sir吹完水之後：
"Mei wah? Lay hai gool lo? Gum gor guitar lo chow jor hui bin dim gai gum mo guts? Or till!"
冇去到真係好遺憾，因為經此一別相信我聽厭Rock/Metal之前都唔會再有機會見到佢。聽下阿馬田費曼點形容琴晚就知：
"Or chin pie hui bug ging joe clinic yau san chin ng yan lai tai or, gum man lai dou heung gong jau duck bec ng yan dou mo, or till!"

睇到頭先段野，係咪覺得劉義似返個劉義？不過笑下之後就冇架喇（真係一下），因為跟住就係evergrey。晨咁早八點半就返到教院度呢個阿Sir心目中「自己未學過，又創新，又前衛，其他人又未做過」之final year project proposal。一坐就由一個八點半坐到另一個八點半，仲要搞左十二個鐘先發覺轉左成四五次題目都係乜都冇！最後要淪落到要搵人幫人做份功課先勉強叫做搞左ｄ野出黎（P字頭果個，獎你留多一百個言）！三年幾黎一直都係我幫人做功課同人度野，今次係第一次咁灰要人地幫我做功課！從未試過咁灰！唉！除左「置生死於道外」之外，我對今年已經冇任何期望！

夾硬搞掂份功課，就出去食最後的晚餐沖喜一下。韓燒，漢，兩樣野都好耐好耐冇見過。上一次搵漢食飯已經係暑假之事，同佢食韓燒更加已經係上個暑假之事！由year 3開始真係好少好少機會撞到，今年開左學之後見面次數夾埋都唔知有冇一隻手！是日一聚諗返起好多野，發覺以前真係開心好多，同埋有陣時白白痴痴噉過日子先係最好。不過白痴埋今年就冇喇下年冇架喇唉！唔好咁灰喇等漢送個故仔比大家白痴下！話說是日係萬聖節，賽馬會小學ｄ一年級（係你要記住班友係一年級）靚仔乘臨近英文系之便就聯群結隊上去搶！知唔知佢地問人拎糖係點叫？
"Trick or treat?"
死其實萬聖節係咪要講呢句？身為常識科阿Sir之我都唔知忝呵呵！不過唔知唔緊要知道班靚仔點講就真係唔小唔得！
"F**K YOU!"
當然冇咁激啦！我覺得如果佢地噉同我講我會讚佢地「一年級就識Ｘ人有前途」忝呵呵（．．．）。噉到底佢地撞門之後第一句係咩？咪就係：
"Ohhhh babbbbbyyyyy~~~~~~~~~~"
睇返今晚，發覺真係老左。想當年兩條友黎手就去雞記整桶半，仲有呢個麥記叫雞事件，當年真係食極都嫌唔夠猛到嚇親自己。而家食得三四轉已經甜品時間。唉。下餐可能大家黎燒塊肥牛整杯雪糕噉就盛惠一舊。不過呢層又唔使擔心，因為冇人知道下餐會係幾時？

1/11/2003 SAT

唉。本來以為終於搞掂好開心，點知今日都係要繼續灰，因為琴日果十二個鐘可能都係白費。到底世界上有冇人可以研究到一ｄ冇人研究過、創新得黎夠前衛同時又夠實際、自己未學過又會明白要做乜之課題？睇返漢果組個阿Sir係要佢地做人地做過果ｄ題目擺明要佢地抄仲要講到明「我冇預期過你地會有新發現架！」唉！呢ｄ先係良師呀！都唔知點解今年咁灰跟親ｄ導師都係根本我就唔應該跟果ｄ！唉所以又係得一句「置生死於道外」我而家真係好有信心我會畢唔到業！

或者我真係邪住大家，TRHK一日有我係度一日灰過一日。老細部機突然上唔到網，Email，冇晒。落唔到單，新貨冇晒。又冇錢交電話費，電話線斷晒。EPS又有事，壞晒。ｄ客人，唔見晒。生意，死晒。錢，使晒。女，冇晒。人，灰Ｘ晒。

GRECRY!
唉即係想無聊影張相遮噉都要玩我？想搵齊成套EVERGREY出黎影點知獨欠第二隻，搞到要拎隻ETERNAL GREY黎攝位已經灰，跟住發現原來仲有隻GRAYSCALE冇拎到出黎搞到影唔齊全間舖所有灰碟（原來比想像中少），唉！灰！GRECRY!