呢兩個禮拜合皮到震，調左去跟個土瓜灣客教佢地用公司個新系統，夠頹可以九龍灣返完上半晝公數搭車返屋企，食完lunch訓多陣晏覺，先出門口行兩個字過去開工。因為咁近，上星期六朝早無聊走左過去玩，其實係自己私底下去冇同老細講架，冇錢收都去OT，點解？「因為個project幾趕下，所以為左個客為左老細無私奉獻囉！」咪傻啦，劉Sir條ＸＸ又點會咁好死呀？
個客係九龍城碼頭開舖做大陸團生意，不過佢套猶太人式生意頭腦冇得唔服，包埋左右兩間舖，右邊間舖賣歐洲朱古力，唔買貴野又想買禮物都有平價選擇；左邊間佢唔講我都唔知都係佢地，因為係間小食檔賣魚蛋賣珍珠奶茶賣糖水，連樓上街坊出面等巴士等船班路人甲乙丙同唔買野等散團班大陸客生意都做埋，真正高中低檔男女老幼通殺。而黎到教用電腦班都係姐姐黎好玩又好傾，大家同聲同氣又爛玩最開心，黎到一坐低，
「阿Sir阿Sir！飲杯珍珠奶茶先！」
都未飲完經理就走埋黎擺低堆到成座山咁高的朱古力，
「我地剛剛入左批比利時朱古力，有五隻味，試完話俾我知覺得點！」
一面飲奶茶食朱古力，都做唔夠一個鐘野，
「阿Sir你辛苦喇！食魚蛋做下午茶啦！」
經理見到你食魚蛋，又行埋黎
「咦做乜食魚蛋，頭先俾你堆比利時朱古力食晒拿？唔緊要，仲有隻意大利朱古力想搵你試味！」
再上多陣堂，又另一個靚女走埋黎
「阿Sir得唔得閒呀？幫我搬幾箱貨，搬完請你食串燒！你想食腸仔定雞翼？」
搬完野仲食緊串燒之際，行返埋位又多左兜燒賣，
「阿Sir你教得我地咁落力，食埋碗燒賣我地繼續上堂啦！食完口乾仲有珍珠奶茶喎！」
跟住經理又會走埋黎，重複同樣的錯誤。即係，唔係我真係好想六點立即收工跑兩個字返屋企呀，唔準時閃人的話，真係會食到返到屋企時連晚飯都食唔落呀。我仲要駐呢邊兩個禮拜添。應該有足夠時間俾我為聖誕節做part-time聖誕老人做準備。
「老細，話時話，呢間老點係咪你地架？係咪可以早午晚三餐過埋黎黐飯食呢？」
「點會係我呀？我咁醒會改間舖做呢個名？睇見個名就知點解間野一早執左笠啦！」
從來唔明點解電話殼可以賣到咁鬼貴，其實見換左Nexus 5想試試用皮套，但平極都要六七十，見Yahoo有人放膠套包埋保護貼同郵費先$28，自然是窮撚首選啦琴日過完數今日已經收到。成世仔第一次自己貼保護貼，貼到成劈野噉邊位起晒泡中間又有幾粒捽唔走，同個膠套一樣頂住先啦真係去到一日望見都頂唔順先換囉。不過部機用落真係唔錯，向來唔太鍾意LG，玩左半日Nexus 5，夠令我呢個Motohead對佢地改觀。
個芒真係超靚，膠殼機但手感唔差，衰在我手同面都多汗多油，一定要加保護貼同戴套唔可以裸跑，比較可惜。作為第一部正宗Android 4.4，其實我只用得著超快超順呢一樣，真正兩個賣點冇乜受益。號稱可以令部機比而家快一倍之ART mode因為Whatsapp兼容唔到，為左一個app而放棄，而Google Experience Launcher除左多一個Google Now專頁唔覺有乜特別，都係ssLauncher種超高自由度先岩我玩。軟件上暫時用落冇遇到咩問題，不過仲未set返起全部app，Razr Maxx時一次過開晒ssLauncher + Swipepad + Widgetsoid@Notification + Tasker部機會谷到幾乎死，唔知而家字面spec勁一倍會唔會搞得掂？暫時試到問題係，Tasker有時會拉開notificatoin bar先至load icon，會搞到通知欄落得一半停左或者彈返上去，要拉多野先落得晒。
有兩樣野就一定要屌，始終唔多慣4.1打後，任何野都係先排中文字跟住至到英文字。而最仆街係，4.0唔准用原生系統以外程式開關GPS我已經覺得好賤格，估唔到4.2之後連飛機mode都唔俾第三方控制。屌你啦你知唔知我有幾多Tasker profile係控制部機開關飛機mode去慳電去自閉做毒撚呀？而家搞到我差唔多一半Tasker profile要重新寫過。最仆街係要我次次手動開關，Kitkat個setting又唔係易開，呢樣搞到我超撚唔妥4.4，同考慮緊係咪未過保養就為可以重奪飛機mode控制權root左佢。
行版機有繁體中文但得拼音輸入法，其實好灰因為轉左黎LG冇左Motorola個超強勁香港輸入法，倉頡唔識打可以用X做百搭揀字連我呢個倉頡白痴都曉打，試過好多中文輸入法都冇呢個方便功能，關連詞又有勁多好地道香港俗語好多時打緊字可以笑死你，設計條友唔知係咪高登仔黎，最激英文你打metal會自動出Metallica。好在上Android Market download左Google個廣東話輸入法都唔弱，keyboard超好打轉語言方便廣東話關連詞又夠多，雖然太正勁唔夠過癮，同都係冇得用Ｘ代碼唔識拆倉頡碼就灰，但功能同介面搭救我收貨。
硬件上，只有話最好係通話，雖然冇左Motorola最出名之Crystal Talk（呢個係我一直以黎勁捧Motorola同想轉Moto X原因之一，Mo記電話通話質素真係無人能及），都夠清夠大聲，問題係喇叭唔得掂細聲到呢，鈴聲唔夠響都算，聽歌睇片至灰。以前Razr Maxx用機身喇叭聽歌上Youtube，較一半已經好大聲成個客廳聽到，N5就算開到最大聲你都只會嫌佢仲係好細聽得唔清楚。
另一樣野都好靜不過我鍾意，就係相機冇嘈到拆天快門聲，其實Motorola相機港版rom一向有得熄快門聲，係刷上4.1.2因為外國rom關係唔root冇得熄相機聲，出街立即唔敢影啦一影真係成條街冇人唔知道你偷影緊人裙底。N5好在相機聲只得細聲聲一響，雖然影相畫質麻麻，睇參數得八百萬同Razr Maxx一樣就預左，但有個相當無敵HDR+ mode自動調整色溫同白平衡，影出黎同普通mode差天共地。之前用開應該係最好第三方影相app ProCapture，Motorola電話相機出名食屎但ProCapture可以用程式救返好多，不過黎到N5，應該會為左個超強HDR+ mode繼續用Nexus 5個原生相機app，之前買Procapture果一條，豪俾你啦。如果原生app可以加返格線就好。
作為一部$3588價位機有近旗艦級硬件同手工非常之抵，好可惜總會一分錢一分貨，乜都可以俾好野你，就係偏偏得舊2300電。唔明2300係點樣？我用例子答你，今朝起身100%，搭車時搞搞setting上上網，一個鐘返到公司已經用左2X%，連左wifi擺係檯唔郁待機的確冇乜扣電，但一開芒用嘩頂倒水速度真係嚇鬼死你，以我用量唔多可能唔靠尿袋頂到一日。雖然我有兩舊外置電跟身（當你拎住兩部電話加經常收到追魂call或者要成日落site立即一部電話live電話會議另一場即場影相或者Teamviewer，其實帶咁多野都唔太夠），唉用過Razr Maxx舊幾乎不死3300電，真係返唔到轉頭。所以而家都未試過拎部N5打機，我怕玩一個鐘Dead Trigger已經玩晒100%電，部Razr Maxx亦因此唔使退役住，因為舊電夠大變左部Android遊戲機，亦即係而家我經常有三部電話加兩舊尿袋跟身。（．．．）
電細「好處」，咪就係叉電快囉，今朝去到七十幾%時拿拿臨插返隻2A牛，一個鐘唔使已經叉左差唔多30%電，快到我都有點驚叉死舊電，係咪要換返隻1A牛部機冇咁傷？但1A牛電壓問題touchscreen會冇反應．．．另一唔妥梗係USB插頭擺底啦，鍾意Motorola好多原因，其中一個就係佢地通常將USB頭擺頂或者側邊，噉樣叉電時部機就可以企係度，如果插底又想部機企得起身，咪即係叫你幫襯買個dock囉！如果一定要俾錢，Nexus 5有NFC，或者落本少少買無線叉電板好過，屋企一塊公司一塊，擺低部機就叉拎起就行得，反正我慣左用Airdroid傳file連USB都好少插，無線叉電連個插火牛都唔使個USB頭可以捱多一排。
總括黎講，唔嫌喇叭同舊電比想像中差（呢個年代，都冇咩人唔帶尿袋出街架啦），同埋相機只叫合格夠日常用唔夠影靚相（老實，真係想用電話影靚相，就買iPhone或者Nokia啦，用Android電話又想影靚相矛盾得有點on9，頂籠俾部Sony你囉），以三千中價位加最正宗冇任何垃圾app跟機的Tr00 Android加將來有更新一定會最快，我覺得物有所值，尤其我是一條從來唔捨得俾超過四千蚊買一部電話窮撚。如果你捨得的話，咪加多千幾蚊出部等同於Nexus 5升級版LG G2，規格同N5相似，不過硬件勁多少少芒大多少少相機勁多少少，不過價錢唔止貴多少少囉。
雖然Hypno5e香港站取消左相當可惜，但HA同一晚變左場五隊本地菲裔metal/core樂隊合辦菲律賓賑災演唱會，一晚有得睇晒Shepherds the Weak同Black Night Red Sky再加King Ly Chee，平時都冇乜機會啦。
出場安排有點有趣，KLC居然排第二，而BNRS最後出。就難為了我，可以話今晚係專誠為Black Night Red Sky而黎，但平日晚加例牌遲開又撞岩今晚有野做要落一落樓，搞到只睇到最後三首，咪話我衰，呢晚我真係寧願STW做壓軸。
「between，Shepherds the Weak上次玩完《Master of Puppets》，今晚到《Symphony of Destruction》。佢地技術走向同風格，cover Megadeth比玩麥記更加適合。」
佢地應該係live最玩音響效果之香港metal band，每次聽到間場好post果隻tremolo聲，真係想問問使唔使tune到咁靚呀？BNRS去到地步係，單聽到結他聲你已經知道係佢地咁有性格，而且歌越寫越好，氣氛技術編曲要乜有乜（冇女soli），最緊要歌路係metal位篇幅大過core位，而家最想出碟香港metal band，就係Black Night Red Sky同Massacre of Mothman，不過錄音的話一定要做到比Qollision隻碟更靚聲，至帶得出佢地種「hi-fi metal」效果。
成晚最意外反而係第一隊Death Reject，雖然排第一，但我覺得數一數二好睇。近返melodic death結他妹同鼓佬技術好勁（成晚最鍾意鼓佬就係佢），編曲好紮實變化多之餘夠出人意表，歌整體又夠順唔會覺得一截截唔夾，而且話第一次出show台風已經唔錯，又多一隊要多加留意之香港metal band。不過有兩樣野差少少，首先metal band live得一枝結他絕對唔夠，第二呢bass佬要再苦練下至得，當另外兩個咁技術派，佢仲係00001111花都冇乜實在太過平穩，而且佢唱清聲，一來唱同聲都實在唔叫好好，二來我覺得其實Death Reject而家幾首歌冇乜必要呢種唱法，落左清聲反而有點似為加而加。
今場真係一場好show，最大收穫賣物籌款度執到保證絕對絕版HK Rockstar謝霆鋒演唱會翻版碟乙隻。係有樣野好唔開心囉，即係我今個月開始九展果頭返工，諗住佔晒地利返工日子睇show方便，但係偏偏呢兩個星期我調左去屋企樓下返工，HA先至平日夜晚有metal show睇。明玩我嗟。
人生其中一個最大挑戰，係自己幫部機貼保護貼。呢兩日連貼兩鑊，一晚貼Nexus 5、一晚貼iPod Classic，兩鑊都衰晒，無論事前點樣抹乾淨個芒點樣用膠紙黐走晒毛粒塵粒點樣揀個乾淨冇塵靚位黐，第一次貼完總會有泡，拉返起再整，整幾整之後仲衰個底實入晒塵，成塊野貼完好似生青苔噉唔黐好過黐。N5都叫做捨得使錢的話出先達出黃金可以買返張仲有專人幫你貼埋（我永遠唔明點解我用同一個方法貼，做舖果班永遠冇事，我就貼完仲樣衰過唔貼），iPod Classic連個套都要淘寶淘返黎，而家芒貼連張轆掣貼紙都收晒皮，唉笠完個膠套繼續裸跑算。
好懷念以前iPod開箱正面已經貼左塊膠膜唔使煩。
昨晚30/11蒲吧音樂騷動 Show Motion 第一show，Once + Narcisus + 輕觸點一同演出特別為今場演唱會創作之主題曲《騷動》現場實況。Very good show！
隔籬家人今個月搬屋，有實心木伸縮餐檯加四張餐凳一套，因為料靚幾乎同新一樣，唔想浪費所以免費送出，只要你肯黎拎就送俾你，自用或捐贈有需要人士悉隨尊便。
全硬淨實心木製，尺寸約4尺長、3尺闊、3尺高，食飯可時拉長成5尺長飯檯，連四張全木餐凳，冇爛冇乜花狀態非常良好，全部免費。位置係土瓜灣同九龍城交界、宋王臺／家計會一帶，因唐樓關係需要搬三層樓梯，我當然會幫你手一齊搬落樓啦。
因為新淨同用料手工堅料，想自用或想捐俾人都冇問題，有興趣十二月內隨時搵我啦。
（between，唔係賣花讚花香，而家真係好難搵到傢俬會似以前咁襟用，用左廿幾三十年依然硬淨，唔要唔係因為用到爛，而係環境所迫先唯有放棄，否則我相信再用多廿幾三十年都冇問題）
Nexus 5相機唔係好勁，同我之前部Razr Maxx一樣800萬，不過用software救返唔少，如果想知道普通相機mode同N5個HDR+比係點，可以睇睇呢張相，都係琴日幫隔籬屋免費放餐檯賣廣告時影，上面係普通相機模式，下面係HDR+，比較細緻同色調平衡返，唔會似一般電話影相時偏白，而接近返DC效果。
（雖然部相機真係麻麻，想影好少少買N5部升級版LG G2好過啦，一千一百萬像素喎，但我好鍾意HDR+出黎個效果，而家連第三方影相app都唔使裝。）
剝智慧齒間診所係正屋企樓下行一分鐘就到，咁近搞到冇乜危機意識，約左十一點，十點半先起身，搭十一個半字至施施然躝落樓，醫生見面第一句就係
「唔係卦？早餐都冇食？知唔知點解我俾三日假紙你？因為陣間剝完牙痛到仆街痛足三日，到時屎到冇得你食呀！」
真大鑊。初頭以為要開刀剝牙好大工程，點知打完三枝麻醉針之後整左一陣，唔夠四個字已經做完，見到醫生中間破開隻牙一左一右兩塊拎出黎，真係好鬼br00tal。搞完之後醫生先話
「頭先撚化你咋！又唔使食屎咁慘，不過陣間你都唔使旨意食到乜野架喇，剝完牙要止血同吞口水，你今日食雪糕當飯啦！」
剝完落樓冇乜野，不過唔知麻醉針一過會發生咩事，醫生仲開左隻話超級勁一食廿四個鐘有效特強止痛藥俾我講到好大單，好鬼淆底，我怕呢兩日真係會痛到仆街。份新工返左個半月未夠已經每個禮拜請一兩日假，唔係太好喎。
一個理由，話你知點解要用Google粵語輸入法。唔會有任何一個電話中文輸入法，可以超越得到Motorola個香港輸入法，易打、好打、唔識倉頡都識打、地道夾市井、通俗之餘夠低俗，係真真正正按港式廣東話文化設計俾香港人用的輸入法，只差在唔曉出粗口，唔係就真正完美。可惜而家跳左船去LG Nexus 5跟機只得拼音，好在上Android Market（Play乜鬼野Store呀頂你）有Google自己推出的粵語輸入法，雖然好打同方便但關連字同Moto仲差得遠，全靠一招，力挽狂瀾。
其實一直覺得Robynn & Kendy麻麻，係幾好聽，只係兩個人把聲、曲、編、詞都太平淡，成功一大原因全賴AT17唔玩，進而池中無魚蝦為大。不過終於唔再用cover歌做賣點隻新碟《Sail Away》，唔錯喎，有點謝安琪頭兩隻碟種感覺，搞到我好大興趣。
model有兩種，一種要除衫，因為唔剝衫冇其他野睇；一種唔使除衫，因為有樣有氣質唔使靠身材。所以最好睇，應該係本身唔使除衫而決定除衫，搞到我對倪晨曦出月曆有點興趣，因為而家香港咁多model咁多女，我覺得最正就係佢。
但當本身齋賣樣都夠而家都要剝衫，只得兩個原因，一係世界難撈，一係嫌撈得唔夠多，而如果係後者，成個局比港姐更美貌與智慧並重。要除完衫賺到錢同知名度，最簡單當然係出寫真，但當呢條水已經做到cheap晒cliche晒時，稍為包裝一下，檔次立即唔同晒：唔係寫真，係月曆，雖然底蘊冇乜分別；唔係賣，係送，雖然係跟潮流雜誌送，即係都係買，只係「間接」左。目標結果實際上都係一樣，但就唔會令人覺得自降身價做cheap自己，甚至反而成為一件高檔潮事，繼周秀娜之後，佢可能係香港最聰明model。
係，我係不孝子，但我都唔想。今日老細call晒全部人落九展，以為有大鑊野原來係正野，有event仲搵左沈大師做司儀，嘩佢真人真係正到呢，嗚呀~~我都唔想要我老母受罪架，不過個場唔係大但多人到黐線，一見到有明星影成班人圍到實晒根本埋唔到台邊，之後仲大鑊方中信出場，全場女性當堂發癲，班女職員已經唔記得自己返緊工做緊野band show噉款衝台，我直頭係俾後面班女一野扯去後面差少少仆街，然後企我隔籬個女職員同我一樣太遠睇唔到，半截裙黑絲腳照擒上張凳上面遠眺。對唔住老母，我又要你受苦喇。
沈卓盈真人真係無撚敵地索，雖然老細話近睇塊面皮膚有點差，算啦留返個幻想空間俾我啦，我呢挺毒撚條命就係只可以遠觀女神架咋。
自由野Day 1感想：文青唔太多，靚女唔夠多，bass推太多。音響非常靚聲去到邊都聽得清，係低音幾乎一定出過其他人成日遮住其他樂器，但全日製作同班底同氣氛實在本地難求，不枉我朝早五點半起身出大角咀做part-time之後，點幾鐘收工眼訓到死都由奧運站行去九龍站再頂到最尾十一點。不過我呢挺毒撚都係唔太適合?呢種咁文青場合，入夜之前主台都得好少人，但過去文青樂園大草地，剛剛係今期流行新青年理髮店出場，觀眾人數多主台一倍以上。然 後聽佢地唱左幾句，唔知咩朝早起身去廁所屙屎，心諗做乜鳩轉頭即走，睇黎我呢世人都係做唔到文青架喇，抵我溝唔到女啦。
我相信自由野歷史上最成功係請King Ly Chee表演，根本主台成日到佢地出先至係正式開始，大場都可以玩到pit晒插晒水Riz衝埋落台企上鐵馬唱，仲要成場表演都係橫風橫雨，我企正台前鐵馬，前面大雨到眼鏡己經乜都睇唔清，後面就狂撞上黎差少少鐵馬都撞低，頂真係未試過香港睇一次band可以咁癲咁正，而當呢種場面唔使講日本單台灣同大陸都好普遍，就證明香港缺乏容納得到嘈band之大show／music fest缺乏得好緊要。
臨尾對眼鏡仲要人地插水時飛走埋，勁在跌落個pit度居然冇人踩爆冇花冇爛仲執得返，撞跌我眼鏡位朋友放心我唔會屌你，如果今日成場咁喪都撞唔跌我副眼鏡先至抵屌啦，係咪？話時話，說好的現場歌詞手語傳譯呢？相信冇因為冇人敢接job，全世界可以幫King Ly Chee做，應該只得曼德拉悼念儀式有精神病又上台扮自己係手語傳譯員果條黐線佬先夠班。
上次萬能青年旅店去HA賣飛鬼咁快搶唔到飛，今日黎就係為左佢地，免費有得睇呢隊中國數一數二勁band喎，現場亦完全唔失望兼喜出望外，雖然冇乜台風好多時你望我我望你背對觀眾表演到好似band房練歌噉，但音樂真係無敵非聽CD可比，如果Dire Straits生在九十年代玩alternative rock，或者會同佢地差唔多。
睇完個人重左幾磅，因為入夜之後根本冇停過雨仲要越落越大，成個人底衫面衫件褸都吸晒水。本來聽日打算冇野做的話出去睇埋Day 2，睇到七點MastaMic玩完之後過HA睇唐朝，今舖睇黎唔多使諗，如果仲係咁大雨仲邊敢出呀？
呢屆政府從來好事同應做之事都唔會做，自由野係屈指數得到德政之一。只希望之後、真係起左個九西中心之後仲可以一年一年搞落去，不過到時自由野應該變成好野／應做之野，繼而俾政府收皮。
原來今晚係萬千星輝頒獎典禮。每年睇到呢一晚無線圍內自己選返自己然後做到好似好大件事全城焦點點點點，感想都同睇報紙見到保險公司賣幾版廣告擺晒班sales堆車頭相出黎講到點樣傑出彪炳一樣：
「屌，你打飛機關我撚事咩，企開Ｄ啦屌你老母。」