以上就係學名脆皮珍珠雞扒飯的KFC新套餐全貌。相當豐富，睇見已經吸引。
我地按照官方進食指引，去享受呢個珍珠雞。

首先，有這個名乎其實的開胃前菜。只係，唔好意思，我食葷的。
「食齋就唔會揀KFC啦小朋友！」

可能見上次芝士波衰左舖，肯德基叔叔立即整個珍珠雞球補鑊。
其實辣雞粒之前出過但冇脆皮，今次加埋粒狀吉列炸粉，好脆好趙得多，
官方話一盒六粒，不過食下食下，好似唔止！好食！
但身邊好多人食過，好似得我一個覺得好食，其他個個話趙極唔完。
可惜價錢貴左ｄ，散買一盒，差唔多九蚊！

食完我個真正前菜辣雞粒，進入正餐。仍然係珍珠雞。
賣點係咖哩雞扒飯，同樣之前出過，唔同在又係多左珍珠，
單一塊已經大，入面香辣外層吉列，睇到都知好食好飽。

再睇睇個飯，同舊時個咖哩雞扒飯餐一樣，有一兜白飯加日式咖哩汁。
KFC傳統，飯只得薄薄一層，夾埋應該裝得滿個飯碗，但睇加食落唔夠喉。
而日本咖哩一向唔辣只甜，未必個個鍾意，我只嫌佢ｄ汁太稀同唔夠薯仔。

至於食法，叫咖哩雞扒，自然係掟晒扒落去再狂撈汁。
不過個盒唔夠位，同個人口味鍾意食脆皮，加左汁味唔同加稔左，
兩塊雞都係分開擺唔好撈落去好。

食晒個餐飲埋杯汽水，仲有個甜品葡撻。KFC必殺始終係呢味。

單講個飯唔多滿意同唔夠多，但其他配料勁多，食送都食飽。
「埋單。幾錢？」
「$36。」
都幾貴。好在好食，同雞粒＆雞扒加左珍珠真係好好味。

「越食得多雞記，
越覺得麥記唔爭氣。」