係生日，亦係放榜日。每年生日都撞正放榜，好在自己放榜果兩年都安然無恙。放左咁多年榜，今年終於再關我事，全校最旺亦最重要就係呢幾日。從未試過生日過得咁忙。但萬忙中，劉Sir依然會玩得就玩。
生日前一晚九點半落堂，聽朝要返早都唔理，第一件事衝番出旺角，食飯呀大佬！九號係華姐生日十號到我，今次又咁多人出黎，班小朋友叫到，點可以唔俾面丫！
好偏心的劉Sir當然係先關照一下契妹先
Sam哥＆張偉。Sam哥指住身後位仁兄曰：
「白痴仔！」
Ricky & Purple伉儷
大家最喜愛的Sir劉同Paul Lam係晒度，仲有咩唔滿意？
契妹的傑作：紅腸炒烏冬（我發覺你班友唔係打邊爐ｄ料唔拎黎燒）
果然天上佳餚，食到阿sir都呆左
哈哈哈哈哈哈
各位同學驚韓燒食唔飽劉Sir，特登買多個蛋糕益佢。
「邊個話益你！我地請八月九生日個華姐食咋！」
聽metal聽到切蛋糕都切到fing晒頭的劉Sir
食到曉飛的劉Sir
食慒左的一群
你地可能會係我最後一班學生。
點幾鐘返到屋企，已經十分支力，沖完涼兩點半班友仲可以打黎
「喂！係咪係學校呀？我地上黎玩通宵呀！」
唔使返工有假放真係幸福。
雖然第二朝就係中五放榜，搏晒命起身（即係轆黎轆去幾個字），都九點幾先到，但差唔多架喇，我地呢ｄ小腳色咁早返到都冇乜貢獻架啦，其實最大用途都係做英文interview遮，咁早返到其實都係落街做苦力同跑腿。咦？各位同事好似冇乜人記得劉Sir生日喎！
「梗係啦！劉Sir生日，可以不理！」
衰仔兩件
Billy小朋友
很有新婚的溫馨感覺。
蕃薯小朋友
今集《成語動畫廊》劉Sir同蕃薯同學教大家咩叫「笑裡藏刀」。
很可愛的小妹妹Grace
有冇發覺之前幾位朋友出場時有一個共通點？冇錯，就係多左呢位Alex哥哥客串。
睇番ｄ相都知，佢同劉Sir一樣，淨係識吹水、打喊路、玩電話，同埋笑，呵呵呵。
Yuki。好好人。
Chris。好好玩。
季入$200,000的青年實業家Hyman
好好玩的Jacky
我地Jacky哥好多fans架！
一堆傻仔
另一堆傻仔
Tom & Jerry．．．應該係Jim & Jerry。
劉Sir失散多年的契弟
嬌姐，咱們的米飯班主，全靠有佢幫手落街買野食，劉Sir先可以不斷地借ｄ倚食野唔做野偷懶。
成日比劉Sir串的Connie
"Material Engineering"的阿榮
唔知邊個、唔知邊個、唔知邊個、唔知邊個同唔知邊個
呢個同埋果個
朝早做／玩完，晏晝仲要in多好多人、好多文件做，但相比起平日，反而冇咁辛苦，因為都係講下英文吹下水遮，唔使做狂用腦ｄadmin work嘛，放榜呢兩日之外一做admin，都唔使旨意搞得掂。見咁難得可以咁嘆，繼續玩：
呢位小妹妹係我地文憑課程編班試最高分嚇驚全場，之後盡責的劉Sir當然立即追番佢搞埋入學申請手續，
幾經辛苦終於搵到佢，點知
「下？我都唔係讀！我想試下考下個試咋嘛！」
行過玩下都唔覺意拎個全級第一，擺明踢館啦呢ｄ！
其實幅相已經係version 2.0，version 1.0果張呢，影果位朋友相當識做，但亦惹黎側邊位哥哥仔不滿，
為免發生流血事件，唯有再影一張。
劉Sir在此冒住生命危險，同各位分享如此珍貴之version 1.0：
「喂！影張相丫！」
「下？點解呀？」
「見你平日著得鬼咁casual，今日著得咁靚，黎影張相先啦！」
「哦．．．我識唔識你架？」
「唔識架！」
成日走過黎問「出左編班試result未？」之妹妹仔甲＆乙
最開心，當然係契妹專誠黎（拎會考cert順便）探探劉Sir：
自己學校玩到悶，當然要過一過隔籬學校搞下事，即係有得玩劉Sir又點會錯過呢！
我的最愛Tommy哥哥
兩名猥瑣男子為劉Sir高唱生日歌，令當事人冷顫打不停
「食蛋糕！．．．喂，點解得咁少？」
「食鬼晒啦我地！等你咩！仲有兩件留比你你好彩架喇！」
「拿！咪話我地唔益你呀！一早準備定禮物比你架喇！返過隔籬先好拆呀！」
咁好死？一拆，原來係．．．
．．．生日蛋糕點淨蠟燭Ｎ枝。蛋糕自己食晒，用淨ｄ野又可以當禮物，佢地班友都幾精打細算。
劉Sir只好無奈地自己「玩」呢份生日禮物：
玩完返到黎又到六點鐘，仲未收得工，依然大把野玩。
晚晚黎上堂都超極過癮玩到癲的Patrick。
睇個款都知佢同劉Sir一擔擔，返黎似黎搞事多過似教書。
「喂！咪亂講喎！話晒我都係教Hong Kong U！」
「超！Kong U SPACE咋嘛！扮晒野！」
「．．．咩呀！Kong U SPACE唔係Kong U一部份呀？」
強顏歡笑的part-time甲Taylor
被脅迫合照後Taylor不住痛哭
唯一有心記得劉Sir生日仲送埋蛋糕的超肥妹part-time乙Wendy
「我係白痴妹！Yeah∼」
「你係邊個？」「我係Wendy！」「你又係Wendy？」
冇錯，隔籬學校走過黎個part time姐姐又係叫Wendy。大家都係叫Wendy，點解可以差咁遠？
「我唔要肥Wendy！我要靚Wendy！」
晏晝成村人，到左夜晚開始左上堂靜左好多，終於輕鬆番ｄ可以嘆番下。係時侯食食Wendy送的蛋糕：
少少遺憾，係送果個唔係靚Wendy，係肥Wendy，嗚嗚。但劉Sir有得食就乜都懶理。
難怪肥Wendy會咁肥，食野又食得多，買親ｄ野食又超肥超膩，兩舊蛋糕食左一舊已經食唔落，
但個紙盒已經比飢不擇食的大肆摧殘至不似盒型，點算？
好心的Wendy（肥果個）立即DIY搵膠紙補番個盒，送多份「特別版」比劉Sir：
劉Sir十點幾終於食飽飽好開心地鬆人。
學校玩完，當然唔少得TRHK，同場加送路人甲乙丙Ｎ個：
十分JUDAS PRIEST的"black power" Emma
太惡？唔好意思，正經ｄ影番張：
TRHK reception Avis小妹妹
特別嘉賓：DEATHGUY "brutalus death metal from Thailand"
好似好惡的結他手Ong、平價買到黑膠喜極而笑的bass & vocal Joe同被劉Sir脅持唔知點算好的鼓手Link
放榜日反而係最得閒日子之一，都幾意料之外，亦已經算係一份生日禮物。各位朋友，唔使諗送ｄ咩俾我，download少ｄ、幫襯買多幾隻碟已經係一份厚禮。
不斷地收到電話，不斷地被祝福。但係我只想要一句得唔到的「生日快樂」。